مساعدة لترشيح لعربية ب50 الف جنية

[akramessam]

السلام عليكم ورحمة الله وبركاته
الاخوة الكرام
انا من اسكندرية
وميزانيتي 53الف و بدور على عربية في حدود ال 50 الف جنية وهخلي 3000 جنية للصيانة بعد الشرا باذن الله ، المهم انا بدور على عربية اهم مواصفات فيها تكون
1- اقتصادية في استهلاك البنزين
2- قطع غيار رخيصة و متوفرة
3- صاج كويس (أمان)
4- الموديل على الاقل 2005 فما فوق

[Adel.Nasr]

من رأيي الفيرنا لانها منتشره جدا و مش هتحتار في الصيانه و قطع الغيار

[adel1212]

طلب سيادتك يتوفر في الفيرنا / اللانوس
الفيصل الحالة الجيدة
تمنياتي بحسن الاختيار

[samyomar]

اعتقد لانوس هتكون انسب اختيار بالنسبالك . بس موضوع الصاج ده تنساه فى اى عربيه كورى - و بعدين مفيش علاقه بين
سمك الصاج و بين الامان .. وسائل الامان فى العربيه مرتبطه بالفرامل و الاير باج و ووو و برضه دى حاجات متسألش عنها فى العربيات اللى بنختار ما بينهم دى . ربنا يوفقك فى الاختيار ان شاء الله

[gade2]

ان زيك وبدور على فيرنا مع انى مبحبهاش وكان نفسى جيب رينو بس انت عارف الناس وكلامهم

[simon659]

لوجان هتبقي ممتازه

[sam ibiza]

الفيرنا واللانوس قطع غيارهم متوفره اوى وسهله انك تجيبها

بس اللوجان و النوبيرا فى المشى والامان احسن بس كقطع غيار غاليين عن اللانوس والفيرنا

[ayaamna]

حسب كلامك يبقى ما فيش غير الفيرنا مع انى ما بحبهاش بحس ان صالونها مش واسع

[ayman20100]

لانسر 2000 الكريستالة

[drshata]

لانوس موفرة جدا

[aboomar22]

لانوس او فيرنا

[akramessam]

طيب دلوقتي ناس كتير اضافات علي القائمة دية
رينو لوجان
حد عنده فكرة عنها ؟
يعني يقال ان انا حمالة اسية
لكن يعيبها
قطع غيارها نادرة او غالية
بالاضافة
مع بساطة الماتور الا انها صعبه علي اي ميكانيكي بسبب ان الماتور فيه شرايح اليكترونية وصعب علي اي ميكانيكي يتعامل معاها

ايه رايكم