إعـــــــلان

Collapse

.

,
See more
See less

محتار اجيب ايه بميزانية 50 الى 60 الف حالة ممتازة

Collapse
X
 
  • Filter
  • الوقت
  • Show
Clear All
new posts

  • محتار اجيب ايه بميزانية 50 الى 60 الف حالة ممتازة

    السلام عليكم ورحمة الله وبركاته
    اول منتدى اشترك فيه بجد بعد ماشوفت الناس المحترمة جدا وردودها المفصلة

    اولا انا اول مرة اشتري عربية واتعلمت السواقة كويس بس طبعا لسه برضو محتاج ممارسة

    ثانيا عايز اشتري عربية تريحني ومتبهدلنيش بمشاكلها وبرضو تكون مريحة في قطع الغيار والصيانات ومش شرط كوري المهم اني الاقي حد بيفهم يصلحهالي وقطع غيارها متكنش مولعه
    في ناس بتقول الالماني غالي شوية بس هيريحك لانه عيعش ومش هيوديك للصنايعيه كتير وعجبني الراي ده بس المشكلة في الحاجات اللي ممكن تتخبط في اي لحظة زي الفوانيس والاكصدام
    مش عارف ومحتار اجيب ايه من الحاجات دي وعايز حاجة يكون فيها كماليات كويسة

    الماني ( ابيزا من 2001 الى 2008 - بولو - اوبل استرا او فكترا - اي اقتراح من حضراتكم )
    كوري ( كيا (بس مش عارف انهي موديل ) - فيرنا - نوبيرا - لانوس 2 - اي اقتراح من حضراتكم )
    مش عارف بلدهم ايه زي ( بروتون جين 2 - رينو لوجان - رينو كليو)

    انا عارف اني طولت عليكم بس بجد مش عارف احدد اجيب ايه
    يا ريت لو ترشحولي 3 او 4 موديلات اختار بيتهم عشان يبقى عندي بدائل وفي مرونة في الاختيار

  • #2
    خليك فى الكورى .. او طبعا الافضل اليابانى

    و لو عرفت توقع نيسان صنى بسعر موش مبالغ فيه .. يبقى ده احسن اختيار لك

    الكيا جميله و لكن عيب الكيا هو الثبات على السرعات ( من وجهه نظرى و تجربتى الشخصيه فى سيارتين كيا .. سيفيا و شوما ) .. موش معنى كده انها موش ثابته .. و لكن ثباتها ليس 100%

    الاوبل عربيه جميله .. بس مصاريفها غاليه و فى المنتدى تحس ان العربيه عايزه واحد فاهم اوبل و مشاكله

    Comment


    • #3
      المشاركة الأصلية كتبت بواسطة tasaka مشاهدة المشاركة
      الكيا جميله و لكن عيب الكيا هو الثبات على السرعات ( من وجهه نظرى و تجربتى الشخصيه فى سيارتين كيا .. سيفيا و شوما ) .. موش معنى كده انها موش ثابته .. و لكن ثباتها ليس 100%
      عيب الكيا هو الثبات علي السرعات !!!

      الـ كيا كلها ؟ ... كده ؟ علي بق واحد ههههههههههههههههههه
      [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

      Comment


      • #4
        انا ها اقول لحضرتك على عربيه انت مش واضعها فى اختيارتك وهى الافيو قطع غيارها متوفره ومش غاليه وموفره فى البنزين وعاليه عن الارض نسبيا وصالون واسع ولها سوق كبير بيع وشرا
        بعدها الفيرنا بس انا مبحبهاش بس لها سوق وقطع غيار متوفره جدا بس مش واسعه زى الافيو

        Comment


        • #5
          المشاركة الأصلية كتبت بواسطة graffittiii مشاهدة المشاركة
          عيب الكيا هو الثبات علي السرعات !!!

          الـ كيا كلها ؟ ... كده ؟ علي بق واحد ههههههههههههههههههه
          استعملت كل عربيه من العربيتين لمده 3 سنين تقريبا ( العربيتين كانوا معايا فى نفس الوقت ) .. يعنى عربيتين اخذت عنهم نفس الانطباع " ثابته و لكن الثبات موش 100% " برغم الزوايا و الكاوتش كويسين .. بعد سرعه 120 كم لا تحس بالاطمئنان

          و على فكره الملاحظه دى سمعتها من ناس كتير جدا غيرى تؤكد احساسى الشخصى .. ( و بالرغم من كده قلت عربيه جميله و لكن وضحت له الملحوظه لكى يكون على علم و يتأكد بنفسه اولا )

          و ما اعتقدتش ان فيه حاجه فى اللى انا قولته تدعو للضحك

          قبل ما تضحك بدون سبب .. شوف فى المنتدى الاسبوع اللى فات عضو باع هوندا 2009 و اشترى سيراتو 2013 .. و اشتكى من الثبات " تحديدا " و انه بيخاف يمشى بيها اكتر من سرعه 120 كم ( و هو ده كان نفس انطباعى ) .. و شوف ردود الاعضاء كانت ايه ( انه طبعا فيه فرق فى الثبات و انه لا يجب ان يقارنها بالهوندا ) .. و شوف هو فى النهايه عايز يبيع السيراتو و يرجع هوندا تانى

          Comment


          • #6
            طيب عملا بنصايح حضراتكم لو الاختيارات اتعدلت وبقت كالتالي ويا ريت بلاش العربيات اللي هي واطيه عشان المطبات الحلوة بتاعتنا في مصر =d

            ياباني (نيسان صني موديلات من 2000 الى 2002 , تيوتا كرولا موديل 89 الى 2000)
            فرنساوي (رينو ميجان من 2005 الى 2007 -رينو لوجان من 2010 حتى 2012 )
            كوري (شيفورليه افيو - كيا ريو من 2005 الى 2006 - كيا شومه - نوبيرا - فيرنا - لانوس )

            وطبعا متشكر جدا عالردود بتاعتكم والله انتوا متعرفوش الحيرة والتعب اللي انا فيه

            Comment


            • #7
              الصنى تقريبا ال 2001 كانت 1300 سى .. و اعتقد ستجد السعر مبالغ فيه

              الشكل بتاع 2001 ده لم يستمر طويلا ( يمكن سنتين فقط ) .. خلى بالك

              Comment


              • #8
                الرينو الميجان بدات تستهوي قلبي

                Comment


                • #9
                  المشاركة الأصلية كتبت بواسطة hamdy elshahat مشاهدة المشاركة
                  الرينو الميجان بدات تستهوي قلبي
                  فى المنتدى الاسبوع ده كان واحد معروض عليه ميجان زى اللى عاجباك ..

                  احد ملاك الميجان قله .. قبل ما تشترى اتأكد ان جنبك ميكانيكى رينو كويس ؟؟؟؟ .. و قال كمان ان طلباتها تتعمل فورا و لو حاولت الانتظار لوقت يناسبك ( زى الكورى ) حا تتعبك اكتر

                  نصيحه ..بلاش .. العربيه اوبشن عالى و مغريه جدا .. بس متعبه

                  Comment


                  • #10
                    المشاركة الأصلية كتبت بواسطة tasaka مشاهدة المشاركة
                    و ما اعتقدتش ان فيه حاجه فى اللى انا قولته تدعو للضحك

                    قبل ما تضحك بدون سبب ..

                    خلاص ماتزعلش حقك عليا .
                    [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

                    Comment


                    • #11
                      المشاركة الأصلية كتبت بواسطة graffittiii مشاهدة المشاركة

                      خلاص ماتزعلش حقك عليا .
                      ارجو ان انت اللى ما تزعلشى من السطرين بتوعى .. احنا اخوات فى المنتدى و هدفنا تبادل الخبرات و النصائح

                      تحياتى و اعزازى

                      Comment


                      • #12
                        ياباشا مافيش زعل ولا حاجة مش مستاهله أصلا دي عربيات يعني .

                        أنا بس كان ليا تحفظ علي إننا نعمم علي kia كلها .
                        لما الناس تقرا إن " عيب الكيا هو الثبات "
                        يعني الـ optima مش ثابتة ؟ ... kia ceed مش ثابتة ؟
                        عشان كده كنت بقولك الــ كيا كلها ؟ كده علي بق واحد .

                        وبخصوص التوبيك ده إحنا بنتكلم علي عربية بــ 60 ألف ..
                        ثبات إيه اللي هندور عليه بالسعر ده .
                        [CENTER][U][all1=#88ff00][U][OVERLINE][U](((سبحان الله وبحمده .... سبحان الله العظيم )))[/U][/OVERLINE][/U][/all1][/U][/CENTER]

                        Comment


                        • #13
                          زود وهات تويوتا ياريس موديل 2007 او 2008 ماشية كيلوات قليلة هاتبقى روعة معاك

                          Comment


                          • #14
                            المشاركة الأصلية كتبت بواسطة tasaka مشاهدة المشاركة
                            فى المنتدى الاسبوع ده كان واحد معروض عليه ميجان زى اللى عاجباك ..

                            احد ملاك الميجان قله .. قبل ما تشترى اتأكد ان جنبك ميكانيكى رينو كويس ؟؟؟؟ .. و قال كمان ان طلباتها تتعمل فورا و لو حاولت الانتظار لوقت يناسبك ( زى الكورى ) حا تتعبك اكتر

                            نصيحه ..بلاش .. العربيه اوبشن عالى و مغريه جدا .. بس متعبه
                            فعلا ناس قالولي كده لازم يكون جمبك حد شغال فيها
                            وللاسف انا مضطر اعمل بنصاييكم واتنازل عن الاوبشن والرفاهية العالية واجيب حاجة كوري عشان اول مرة ومش عايز وجع قلب

                            Comment


                            • #15
                              المشاركة الأصلية كتبت بواسطة mohamed awny91 مشاهدة المشاركة
                              زود وهات تويوتا ياريس موديل 2007 او 2008 ماشية كيلوات قليلة هاتبقى روعة معاك
                              اعتقد هتدخل في 75 لو حالة نضيفة وده بعيد عني معاني لقيت واحده ب 65 الف على كونتاكت كار
                              وكمان عايز حاجة اتعلم فيها وبعد سنة او اتنين ابيعها بعد ما اكون فهمت وعشان اخسرش

                              Comment

                              Working...
                              X