اريد المساعدة لشراء سيارة

[Mr.JoeBlack]

مساء الخير عليكم
انا كنت عايز اشترى عربية جديدة و كنت محتار لان انا خبرتى السيارات مش زى ناس كتير فى المنتدى العظيم ده
و عشان كده لما وقعت فى حيرة متردتش خالص انى اخد بنصيحتكم
انا دلوقتى معايا افيو موديل 2009 فاضية يعنى مفيش غير التكييف و الكاسيت و كنت شاريها من شهر 8 اللى فات بعد فصال مع المالك لـ 60500 جنيه و كانت عاملة 110000 كم و دلوقتى 129000 كم مع العلم انى ساكن
فى الشروق و شغلى فى مساكن شيراتون يعنى على طريق طوالى من غير هرى فى العربية
و بصراحة العربية اكتر من رائعة على حسب سواقتى يعنى انا من النوع الهادى اوى فى مطبات و على الطريق بكون ملتزم بالرادار و مهتم جدا بنظافة السيارة
غيرت بس فيها شوية حاجات كده زى اربع فرد كاوتش و تيش ميزان و ماستر دبرياج و مقصين امامى و الدنيا زى الفل و احسن حاجة بتعجبنى اى عربية و خاصا الأفيو ان حاجتها متوفرة عند اى حد و بسعر كويس جدا
و حاليا كنت عايز ابيع العربية و اركب عربية اعلى شوية فى الكمليات و كده عايز اعرف ممكن ابعها بكام تقريبا
و كنت عايز اجيب حاجة فى حدود الـتمانينات يعنى مش اكتر من 90 الف جنيه كده
شفت عربيات كتير اوى زى السيفيك 2009 و الفلونس و الكروز و لانسر و الانترا 2009
بس السيفيك و الفلونس قطع غيارهم غالية اوى
المهم فكرت فى الكروز بس ناس كتير اوى حذرتنى منها شوية يقولى عشان الفتيس و شوية عشان تقيلة فى البيع و كده و كان الكلام من ناس راكباها و زيت الفتيس كل 40 الف كيلو و انا بعمل كيلوهات كتير و مش معقول
كل سنة هغير زيت فتيس بـ500 جنيه او اكتر
انا اللى يهمنى فى العربية ان تكون قطع غيارها متوفرة و بسعر كويس و تكون خفيفة فى البيع
فياريت تنصحونى

[scientist9508]

انصحك بان تبتعد عن المستعمل و تغير مسار تفكيرك لسياره جديده. . . . . طول المسافه و طبيعة الطريق الصحراوى الذى يفصل بين منزلك و عملك تجعل من اى عطل فى السياره كارثه ضخمه

[م أحمد]

ما دام العربية مريحاك لا مبرر مطلقا لتغييرها

شوية الكماليات اللى بتتكلم عليهم ممكن تزودهم عن طريق مركز خدمة او اى ورشة، و توصل لكماليات مش هتقدر تجيبها فى عربيات بربع مليون جنيه لو نازلين اساسيين فيها

[Mr.JoeBlack]

ماشي تمام
بس برده يعني اشتري ايه لحد تسعين الف