مقارنة الدفع الرباعى

[عماد الدين عزت]

برجاء المقارنة بين الداستر دفع رباعى وسوبارو xv المميزات والعيوب وخصوصا القيمة مقابل الجودة وشكرا

[عﻻء سالمان]

لية اﻻتنين دول بالذات

الداستر مانوال وشكل مقبول وابعاد جذابة بس بتسخن فى الحر والسوبارو عائلية ومريحة وتكنولوجيا عالية جدا والخوف من مدى توافر قطع الغيار اسال على سمعة الوكيل ابو غالى ..والفرق فى السعر لصالح الداستر طبعا بس السوبارو سياراتها هى اﻻولى فى اليابان دخل بالمقارنة سوزوكى اس كروس اعتمادية وقوة تحمل وسعر مقارب للداستر

[ali ashraf]

السوبارو

السوبارو لا يعلى عليها بس موضوع التوكيل وتوافر قطع الغيار هى المشكلة الاساسية

[AhmedNaeem]

انا ممكن اكلمك عن الداستر لانها معايا لكن السوبارو معرفش عنها حاجة
عيب الداستر الوحيد من وجهت نظري انها مانيول غير كده مفيهاش اي مشاكل وركوبه محترمة وموضوع انها بتسخن في الصيف ده غريب شوية انا معايا موديل 2012 وبسافر بيها مسافات طويل صيف و شتاء وبتحرك بيها كتير ومحصلش اي مشاكل قبل كده والتوكيل كويس جدا للامانة
وربنا يوفقك للافضل

[scientist9508]

بسم الله الرحمن الرحيم

الاخ الفاضل عماد

لا ارى ان اى تستطيع منافسة السوبارو الا نظيراتها المانية الصنع و على الرغم من اننى من ملاك السوزوكى و متقنع بها جداً. . . . . الا انه بحياديه منصفه السوبارو افضل و اعلى من السوزوكى. لذلك ان سمحت لى سارتب لك السيارات من الاعلى الى الادنى

1 - تتوج على عرش المنافسه السوبارو و تحوز على الميداليه الذهبيه بجداره و استحقاق

2 - تفوز بالمركز الثانى السوزوكى S cross و تنال الميداليه الفضيه

3 - المركز الثالث يكون من نصيب الرينو داستر و تمنح الميداليه البرونزيه

موضوع قطع الغيار مجرد اشاعات. . . . . . . ذهبت بنفسى لابو غالى و تاكدت من ان هذه اشاعه باطله. . . . . . . و ايضاً لتحرى الدقه ان كنت تقصد انك تريد ان تشترى قطع الغيار لتذهب لميكانيكى فهنا اخبرك انك ربما تواجه شح فى قطع الغيار لكن بداخل الوكيل لا وجود لهذه المشكله.

هداك الله لارشد امرك و اقومه

السلام عليكم و رحمة الله و بركاته

[ali ashraf]

يا رب يكون كلامك صح

بسم الله الرحمن الرحيم

الاخ الفاضل عماد

لا ارى ان اى تستطيع منافسة السوبارو الا نظيراتها المانية الصنع و على الرغم من اننى من ملاك السوزوكى و متقنع بها جداً. . . . . الا انه بحياديه منصفه السوبارو افضل و اعلى من السوزوكى. لذلك ان سمحت لى سارتب لك السيارات من الاعلى الى الادنى

1 - تتوج على عرش المنافسه السوبارو و تحوز على الميداليه الذهبيه بجداره و استحقاق

2 - تفوز بالمركز الثانى السوزوكى s cross و تنال الميداليه الفضيه

3 - المركز الثالث يكون من نصيب الرينو داستر و تمنح الميداليه البرونزيه

موضوع قطع الغيار مجرد اشاعات. . . . . . . ذهبت بنفسى لابو غالى و تاكدت من ان هذه اشاعه باطله. . . . . . . و ايضاً لتحرى الدقه ان كنت تقصد انك تريد ان تشترى قطع الغيار لتذهب لميكانيكى فهنا اخبرك انك ربما تواجه شح فى قطع الغيار لكن بداخل الوكيل لا وجود لهذه المشكله.

هداك الله لارشد امرك و اقومه

السلام عليكم و رحمة الله و بركاته

طبعا انا مش مشكك فى كلامك على الاطلاق , بس الحقيقة انا نفسى جدا اجيب سوبارو ( كان عندى سوبارو فى وقت زمان فى قطر) و هى سيارة ممتعة بكلمة المعنى و اعتمادية جدا , بس الكل حذرنى منها بخصوص قطع الغيار و الصيانة , يا ريت حضرتك تقلى اطمئن ازاى و احساسى ان الجماعة بتوع مندوبى المبيعات بيعملوا البحر طحينة يعنى كلمهم مش مضمون.

[scientist9508]

بسم الله الرحمن الرحيم

الاخ الفاضل عماد

تستطيع التاكد بان تتصل 19570

و تطلب حجز ميعاد صيانه لتغيير ما تريد من قطع الغيار (سمى ما تريد)

لن تحصل على حجز مالم تكون قطعة الغيار،متوافره

السلام عليكم و رحمة الله و بركاته

[DR.MG]

لو حضرتك عايز تميز و بريستيج .. فى احسن
ولو عايز دفع رباعى رقم واحد للاستخدام فى الطرق الوعرة والرمال..فهما ماينفعوش خالص الن اقل حاجة للموضوع دة عربية وزنها ما يقلش عن 2 طن وماتورها مايقلش عن 2600 cc ويبأى ضعيف كمان
لاكن عربية اقل من 1.5 طن و 1600 و 4x4 اخرها تطلع فوق الرصيف وتنزل وممكن تحك كمان

[عﻻء سالمان]

شكرا لتوضيح معلومة صحيحة بخصوص إشاعه السخونية للداستر

انا ممكن اكلمك عن الداستر لانها معايا لكن السوبارو معرفش عنها حاجة
عيب الداستر الوحيد من وجهت نظري انها مانيول غير كده مفيهاش اي مشاكل وركوبه محترمة وموضوع انها بتسخن في الصيف ده غريب شوية انا معايا موديل 2012 وبسافر بيها مسافات طويل صيف و شتاء وبتحرك بيها كتير ومحصلش اي مشاكل قبل كده والتوكيل كويس جدا للامانة
وربنا يوفقك للافضل

دى مجرد معلومات من مواقع وليست عن تجربة فعلية للسيارة ومشكور لك التوضيح

[عماد الدين عزت]

شكرا على المداخلات القيمة انا مقتنع عقليا بxv و يعيبها صغر الشنطة ولكن انا ميال عاطفيا للداستر و اعتقد انها تستحمل الخدمة الشاقة والخبط والرزع بشوارع القاهرة ومش حاخاف عليها واعتقد ات صاجها محمل بعكس xv سيارة فخمة تحتاج معاملة خاصة ويمكن انا ميال للرينو لامتلاكى لوجان وهى سيارة محترمة .