إعـــــــلان

Collapse

.

,
See more
See less

عربية ب 350 الف

Collapse
X
 
  • Filter
  • الوقت
  • Show
Clear All
new posts

  • عربية ب 350 الف

    فى رايكم ايه افضل عربية فى رينج 350 الف جنيه جديده او مستعمله كسر زيرو واى بلد منشا بس تكون مناسبه لمصر بكل ظروفهاوارجو ان تفيدونى لانى محتار بجد ومش عارف استقر على حاجة
    شكرا مقدما



    تم تعديل لون الكتابة لراحة القراءة
    م ع 7


    [COLOR=Green][SIZE=5]د/اسماعيل النجار[/SIZE][/COLOR]
    [URL="http://www.nilemotors.com/Nile/showthread.php?t=16709"]
    [/URL]

  • #2
    أودي Q3 يا دكتور أو Mercedes GLA200 :) و بالتوفيق إن شاء الله لكن عندي فضول أعرف ليه حضرتك صرفت نظر عن ال5-series أعتقد كانت متصدرة المقارنة بعد ال7-series ؟!

    Comment


    • #3
      انا ماصرفتش نظر ياباشمهندس لكن ماخبيش عليك مازلت متردد وبالنسبه للاودى a3 اومرسيدس gla فانا نسيت اقول انى عايزها دفع خلفى وليس جر امامى له طعم مختلف
      [COLOR=Green][SIZE=5]د/اسماعيل النجار[/SIZE][/COLOR]
      [URL="http://www.nilemotors.com/Nile/showthread.php?t=16709"]
      [/URL]

      Comment


      • #4
        المشاركة الأصلية كتبت بواسطة د.اسماعيل النجار مشاهدة المشاركة
        انا ماصرفتش نظر ياباشمهندس لكن ماخبيش عليك مازلت متردد وبالنسبه للاودى a3 اومرسيدس gla فانا نسيت اقول انى عايزها دفع خلفى وليس جر امامى له طعم مختلف
        مادام عايز حاجة دفع خلفي يبقي هات ال GLK اللي كانت معروضة عليك و ديه 4matic و عايز أقول لحضرتك إن الدفع الرباعي طعمه أحلي من الخلفي و الأمامي أو ممكن تفكر في ال3-series زيرو بس مش أقل من ال320i علشان تبقي استفدت بكماليات و بقوة موتور و أعتقد سعرها هيكسر ال400 بشوية و إن كنت لسة أفضل إنك تجيب ال7-series أو ال5-series و بالنسبة لأسعار قطع الغيار ف حضرتك هتلاقيها كلها غالية و متقاربة من بعضها و قلة الانتشار في الفئة ديه تميز مش حاجة تخوفك ... ال7-series فيها كماليات ل 10 سنين قدام لحد ماتتعمم في العربيات العادية يعني مش هتقدم لحد ماتزهق منها

        Comment


        • #5
          فولكس فاجن تيجوان ... أنسب عربيه ف السعر ده ومناسبه لكل طرق مصر

          Comment


          • #6
            المشاركة الأصلية كتبت بواسطة ENG.MaRk مشاهدة المشاركة
            مادام عايز حاجة دفع خلفي يبقي هات ال GLK اللي كانت معروضة عليك و ديه 4matic و عايز أقول لحضرتك إن الدفع الرباعي طعمه أحلي من الخلفي و الأمامي أو ممكن تفكر في ال3-series زيرو بس مش أقل من ال320i علشان تبقي استفدت بكماليات و بقوة موتور و أعتقد سعرها هيكسر ال400 بشوية و إن كنت لسة أفضل إنك تجيب ال7-series أو ال5-series و بالنسبة لأسعار قطع الغيار ف حضرتك هتلاقيها كلها غالية و متقاربة من بعضها و قلة الانتشار في الفئة ديه تميز مش حاجة تخوفك ... ال7-series فيها كماليات ل 10 سنين قدام لحد ماتتعمم في العربيات العادية يعني مش هتقدم لحد ماتزهق منها
            انت ذكرت ياباشمهندس 3 عربيات احلى من بعض الفئة التالتة والخامسة والسابعة من الاولى فى متعة القيادة بى ام دبليو ودا يخلينى اسال سؤال فى مداخلتك السابقة لما سالت مين افضل قلتلى بشكل مطلق مرسيدس ومع ذلك لم تضمنها فى اختياراتك وبالذات الفئة سى والفئة اى ياترى اية السبب ولتانى مرة بقول لحضرتك انا متفق معاك تماما فى ختيار الخامسة والسابعة مع ان 320 كانت بتداعب خيالى تقريبا كنت بحلم بيها زيرو طبعا ولكن ردك انها غير مناسبه لسنى خلانى ماتكلمش عنها بس النهاردة حسيت براحة وسعادة لما جت سيرتها قطع غيارها غالية صحيح بس عارف الامكانيات والكماليات المهولة اللى فيها وطبعا اداءها الذى لايقارن الا بسيارات فارهة مثلها من فضلك رد على تساؤلاتى وماتحيرنيش اكتر لان مخى ورم من قراءة الريفيوهات والمقارنات وتجارب الاداء لملاك السيارات اشكرك على وقتك ومجهودك اللى بتساعدنى بيهم
            [COLOR=Green][SIZE=5]د/اسماعيل النجار[/SIZE][/COLOR]
            [URL="http://www.nilemotors.com/Nile/showthread.php?t=16709"]
            [/URL]

            Comment


            • #7
              المشاركة الأصلية كتبت بواسطة new_man2010 مشاهدة المشاركة
              فولكس فاجن تيجوان ... أنسب عربيه ف السعر ده ومناسبه لكل طرق مصر
              الزميل quoteاللى خلانى مافكرش فى التيجوان وفى كل الفولكس فاجن موضوع الفيس الفاشل اللى لسة محتارين فيه والسعة1.4 دا زائد انها يدوية ودا مستبعد تماما اشكرك على مساهمتك وابداء رايك
              [COLOR=Green][SIZE=5]د/اسماعيل النجار[/SIZE][/COLOR]
              [URL="http://www.nilemotors.com/Nile/showthread.php?t=16709"]
              [/URL]

              Comment


              • #8
                لو حضرتك عايز عربية بتاعة جري و سحبها ممتاز و سريعة جدا يبقي خليك في ال320
                بس عفشتها ناشفة شوية
                اما لو عايز حاجة ناعمة بس سحبها اقل شوية من ال320 يبقي المرسيدس c180 بس انت ممكن تشتري الشكل القديم لان الشكل الجديد فية مشاكل فية الموتور
                او ممكن توفر و تشتري ببجو 508 هاي لاين ب 300 الف و دية فيها مميزات ال320 و ال180

                Comment


                • #9
                  المشاركة الأصلية كتبت بواسطة mohamed-ahlawy مشاهدة المشاركة
                  لو حضرتك عايز عربية بتاعة جري و سحبها ممتاز و سريعة جدا يبقي خليك في ال320
                  بس عفشتها ناشفة شوية
                  اما لو عايز حاجة ناعمة بس سحبها اقل شوية من ال320 يبقي المرسيدس c180 بس انت ممكن تشتري الشكل القديم لان الشكل الجديد فية مشاكل فية الموتور
                  او ممكن توفر و تشتري ببجو 508 هاي لاين ب 300 الف و دية فيها مميزات ال320 و ال180
                  والله انت اخترت 3 عربيات يعتبروا القمة فى فئاتهم
                  شوقتنى للبى ام لكن ناشفه شويه وانا نازل من يابانى حرير
                  حببتنى فى المرسيدس لكن فيها عيب مواتير دا غير ينزين 95 وسعرها المبالغ فيه
                  واخيرا ذكرت طيبة الذكر وحسنة السير والسلوك البيجو اللى قعدت معايا 18 سنة من 1984 الى 2002 ومازعلتنيش فى يوم لكن ايه رايك فى بنزينها ال 95 وتعقيدها وصعوبة صيانتها غير فى التوكيل بالاضافة لسعر اعادة
                  البيع وعدم انتشارها اشكرك وفى انتظار ردودك على هذه التساؤلات
                  [COLOR=Green][SIZE=5]د/اسماعيل النجار[/SIZE][/COLOR]
                  [URL="http://www.nilemotors.com/Nile/showthread.php?t=16709"]
                  [/URL]

                  Comment


                  • #10
                    امام سيادتك ايضا سيارتين (من وجهة نظرى) مناسبتين للطرق فى مصر الاولى bmw-x3 والثانية فورد كوجا ، وما يميز هاتين السيارتين انهما دفع رباعى ومرتفعتين عن الارض ارتفاع مناسب بالنسبة للمطبات الصناعية والطبيعية على الطرق فى مصر بما يمنع الاحتكاك بها ، وتمتاز السيارة الاولى bmw-x3 بقوة موتورها -حوالى 3000 cc- الا ان الضريبة بالنسبة لها مرتفعة واستهلاك البنزين عالى ، وتمتاز السيارة الثانية فورد كوجا بموتور 1500 cc توربو بقوة 180 حصان وعزم 240 نيوتن/ متر ، اى موفرة فى استهلاك البنزين ، وبالنسبة للكماليات فالسيارتين غنيتين بالكماليات ، الا ان السيارة bmw-x3 تزيد عنها ، ابحث عن مواصفاتهما ربما تعجبك احداهما ، والله الموفق .

                    Comment


                    • #11
                      المشاركة الأصلية كتبت بواسطة د.اسماعيل النجار مشاهدة المشاركة
                      انت ذكرت ياباشمهندس 3 عربيات احلى من بعض الفئة التالتة والخامسة والسابعة من الاولى فى متعة القيادة بى ام دبليو ودا يخلينى اسال سؤال فى مداخلتك السابقة لما سالت مين افضل قلتلى بشكل مطلق مرسيدس ومع ذلك لم تضمنها فى اختياراتك وبالذات الفئة سى والفئة اى ياترى اية السبب ولتانى مرة بقول لحضرتك انا متفق معاك تماما فى ختيار الخامسة والسابعة مع ان 320 كانت بتداعب خيالى تقريبا كنت بحلم بيها زيرو طبعا ولكن ردك انها غير مناسبه لسنى خلانى ماتكلمش عنها بس النهاردة حسيت براحة وسعادة لما جت سيرتها قطع غيارها غالية صحيح بس عارف الامكانيات والكماليات المهولة اللى فيها وطبعا اداءها الذى لايقارن الا بسيارات فارهة مثلها من فضلك رد على تساؤلاتى وماتحيرنيش اكتر لان مخى ورم من قراءة الريفيوهات والمقارنات وتجارب الاداء لملاك السيارات اشكرك على وقتك ومجهودك اللى بتساعدنى بيهم
                      أنا ذكرت الGLK و ديه أنسب واحدة لمصر و شوارعها الحرير ده أولاً :) و قبلها ذكرت الQ3 و الGLA200 ... ثانياً أنا ماذكرتش الC class أو الE class لأن الE class لو حالة كويسة و موديل جديد هتبقي خارج الميزانية بفرق مش قليل و بالنسبة لل C class قوة الموتور لصالح الBMW 320i و في نفس الوقت الBMW كمالياتها ممتازة و ماتقلش كتير عن الC class و كمان هتبقي اشتريتها زيرو مش مستعمل و إحساس الزيرو مختلف كتير عن المستعمل بغض النظر عن الفئة و لو مافكرتش في ال3-series بتمنها هتجيب فئة أعلي 5-series أو 7-series و ديه هترجعنا لنقطة اتكلمنا فيها قبل كدة و هي إنك ماينفعش تقارن فئة بفئة أعلي لأن النتيجة بتكون محسومة مسبقاً ... ماتقلقش كلامي مش متناقض أنا بس في وجهة نظر في دماغي عايز أوصلها لحضرتك و هي إني أساعد حضرتك تجيب أحسن قيمة مقابل سعر ... كمان أنا لقيت حضرتك بتقول إنك تفضل الدفع الخلفي لذلك حسيت إن الأداء الرياضي بيفرق معاك شوية ف بناءاً علي كدة اقترحت علي حضرتك ال320i ... أنا ماقولتش إن ال3-series مش مناسبة لسن حضرتك و لكن قولت إن ال5-series و ال7-series مناسبين أكتر و ده بناءاً علي افتراض إن حضرتك هتفضل الluxury عن الsportiness و نقطة كمان مهمة هي إن الC class محتاجة 95 لكن الBMW ممكن تمونها 92

                      Comment


                      • #12
                        المشاركة الأصلية كتبت بواسطة د.اسماعيل النجار مشاهدة المشاركة
                        والله انت اخترت 3 عربيات يعتبروا القمة فى فئاتهم
                        شوقتنى للبى ام لكن ناشفه شويه وانا نازل من يابانى حرير
                        حببتنى فى المرسيدس لكن فيها عيب مواتير دا غير ينزين 95 وسعرها المبالغ فيه
                        واخيرا ذكرت طيبة الذكر وحسنة السير والسلوك البيجو اللى قعدت معايا 18 سنة من 1984 الى 2002 ومازعلتنيش فى يوم لكن ايه رايك فى بنزينها ال 95 وتعقيدها وصعوبة صيانتها غير فى التوكيل بالاضافة لسعر اعادة
                        البيع وعدم انتشارها اشكرك وفى انتظار ردودك على هذه التساؤلات
                        أولاً مفيش مشاكل في موتور المرسيدس لأنه نفس موتور الشكل القديم لأن الtrend بتاع مرسيدس إنها مش بتنزل مواتير جديدة في الشكل الجديد لكن في الfacelift بتنزل المواتير الجديدة ف مادام مفيش مشكلة في مواتير الجيل الأقدم يبقي أكيد مفيش مشكلة في الجيل الأحدث و المشكلة مش في المواتير لكن في البنزين اللي مرسيدس تخلي مسئوليتها تماماً منه لأنه مش ذنبها إن البنزين مغشوش
                        ثانياً عفشة ال320i مش ناشفة قوي لكن sporty و ده لزيادة الثبات و عموماً أياً كان نوع الياباني اللي حضرتك نازل منه هتحس بفرق للأحسن في ال320i
                        ثالثاً أنا معايا Peugeot 508 و فضلت ماشي لفترة مش قصيرة بال 92 ف مش إجباري موضوع ال95 لكن recommended للحصول علي أحسن أداء يعني Peugeot عملت اللي عليها و قالت لو عايز تاخد أحسن أداء من العربية مونها 95 و بعدين ماتقلقش من موضوع صيانتها و تعقيدها لأن العربية مفيهاش أي مشاكل خالص ف مش هتفتكر تروح التوكيل غير لعمل الصيانات الدورية :) و بالنسبة لسعر إعادة البيع ف ماعتقدش إنك هتقدر تبيع عربية زي ديه غير لما تزهق منها تماماً و الكلام ده مش قبل 5 سنين من زمن الشراء ف ساعتها سعر إعادة البيع هيبقي معقول نسبياً و بالنسبة لموضوع الانتشار ف أنا عايز أقول لحضرتك إن 3 جيراني معاهم 508 غيري يعني في شارع واحد 4 و بقيت كل مانزل ألاقيها و بقت منتشرة انتشار معقول
                        أخيراً بقي هأختم معاك بحاجة كنت شايلها للآخر ممكن تبقي بالنسبالك the best compromise و هي إنك تجيب Volvo S80 و ديه عربية بيسموها مرسيدس بتاعت الغلابة علي أساس إن فيها كل الsafety systems بتاعت مرسيدس و كمان بسعر أرخص و موتور 180 hp يعني سحب ممتاز و ثبات رهيب و أنا كان معايا XC90 لما كنت في دبي و عايز أقولك إن Volvo شركة ممتازة و ماتقلش في حاجة عن الألماني ... أنا نفسي احترت لحضرتك بس أفتكر إني قولت لحضرتك الفئة ديه كلها أسعار قطع غيارها غالية و الفروق بسيطة و أي واحدة فيهم هتبقي صفقة رابحة لحضرتك ... ربنا يوفقك يا دكتور لما فيه الخير إن شاء الله :)

                        Comment


                        • #13
                          ال508 بنزينها 92 و دة علي حسب كلام التوكيل
                          و صديقي لدية ال508 و بيستخدم لها بنزين 92
                          و اعادة بيعها معقولة و هي منتشرة شوية يعني يمكن منتشرة عن الانسبجنا
                          و صيانتها في التوكيل و كل العربيات الي في الرينج دة احسن انك تعملها صيانة في التوكيل

                          Comment

                          Working...
                          X