شراء سيارة جديدة لابي

[mohamed-ahlawy]

السلام عليكم و رحمة الله و بركاتة
دية اول مشاركة ليا في المنتدي لكن انا بقالي فترة متابع المنتدي و ملاحظ انو من احسن المنتديات في مصر اذا لم يكن الافضل
و الاعضاء فية متعاونين جدا و بيقولو اراء و نصائح مهمة
و ارجو من الاعضاء معاونتي في شراء سيارة جديدة لابي عشان بعد كدة اخدها منة كمان سنتين
و لو اي شخص عايز اي حاجة و انا عارفها انا هقولها علي طول
ادخل بقي في الموضوع معلش انا طولت في المقدمة
ابويا عايز يشتري سيارة جديدة و فية 3 احتمالات:
الاحتمال الاول: انو يبيع عربيتة و يشتري حاجة في حدود 60 الف او 65 بالكثير و دي اعتقد هتبقي لانسر مكواة لانة بيثق اوي في اللانسر
الاحتمال الثاني:انو يجيب عربية في حدود من 110 ل 120 بالكثير و دية الي عايز اسئلكم علية
اما الاحتمال الثالث:انو يجيب عربية في حدود 150 الف و دية بسنبة كبيرة هتبفي ميتسوبيشي لانسر شارك
و دة هيبان في حدود اسبوعين
لكن الاحتمال الاكبر هو الثاني
فلحد دلوقتي هو قرر حاجة من ثلاثة
1-بيجو 301 لكن بعد كدة قرات في المنتدي هنا ان في حد كان عندة 301 و جة يفرمل و العربية مفرملتش و حصل مشاكل في العربية لكن انا عايز اسال هو حكاية الفرامل لسة موجودة لحد دلوقتي و سوال ثاني هي السيتروين سي اليزية فيها نفس المشكلة
2-نيسان صني الشكل القديم لكن انا عايز اعرف هي اية عيوبها
3-نيسان صني الشكل الجديد الي هو 2016 لكن انا عايز اعرف هي اية عيوبها
و عايز اعرف اية افضل حاجة في الثلاثة مع ذكر المميزات و العيوب معلش انا متقل عليكو
و عايز اعرف كمان سعر كل واحدة مانيول و اوتوماتيك
و بقرر اسفي اني هطول عليكو

[عﻻء سالمان]

فكر فى سكودا رابيد من وجهة نظرى افضل من الشارك لكن لو مزاجك شاركاوى هتﻻقى كل الفئات معروضة عند اوتو سمير ريان وقتها لما اتفرجت كنتهجيب الشارك بيضاء فئة اولى خليجى مواصفات بحرينية

[pepo2011]

خليك في اللانسر الشارك ويليها النيسان القديم

[ENG.MaRk]

الاقتراح ده للاحتمال الثالث ... ممكن سيات توليدو أو سكودا رابيد

[mohamed-ahlawy]

شكرا جميعا للردودكم بس هو عايز حاجة ليها اعادة بييع حلوة
لانة هيستخدمها سنتين ثلاثة و هيبعها
طب انتو اية رايكو في السيراتو
و هي الشارك الاول فئة الخليجي اية كماليتها

[ENG.MaRk]

شكرا جميعا للردودكم بس هو عايز حاجة ليها اعادة بييع حلوة
لانة هيستخدمها سنتين ثلاثة و هيبعها

سعر إعادة بيع كويس يبقي كورولا 2010 أو لانسر JT (بومة) أو النترا 2012 لأن في واحد معرفة جاب لانسر موديل 2014 ب 128000 و باعها بعد 29000 كم و سنة استخدام ب 128000 برضه ... بالنسبة للسيراتو عربية كويسة بس بلاش تجيب فئة قليلة يعني من الآخر ياتركبها هاي لاين يا ماتركبهاش لأن الفئات القليلة فقيرة و اللي بيصبرك عليها هو كمالياتها أما بالنسبة لشارك أول فئة خليجي ف غير معروف كمالياتها لأن الخليجي كل option فيها بيفرق فئة عن فئة لأني شفت واحدة أول فئة خليجي و جنط عادي و واحدة تانية برضه أول فئة و جنط سبور

[mohamed-ahlawy]

يعني بلاش سيراتو الفئة الاولي لان احنا كنا هنجيبها فئة اولي
طب اية رايكو في النترا 2015 اول فئة برضو
و معلش هي التوليدو المانيول بكام و اول فئة اوتو بكام لان سمعت ان عليها خصم 25 الف جنية
و عايز اعرف سعر الرابيد مانيول و اول فئة اوتو برضو و هل هي برضو عليها خصم 25 الف جنية ولا لا لان بابا اعجب بالرابيد و لو هي سعرها 130000 او التوليدو برضو في نفس السعر او اقل ممكن يشتريها فعشان كدة عايز اعرف سعرها

[ENG.MaRk]

يعني بلاش سيراتو الفئة الاولي لان احنا كنا هنجيبها فئة اولي
طب اية رايكو في النترا 2015 اول فئة برضو
و معلش هي التوليدو المانيول بكام و اول فئة اوتو بكام لان سمعت ان عليها خصم 25 الف جنية
و عايز اعرف سعر الرابيد مانيول و اول فئة اوتو برضو و هل هي برضو عليها خصم 25 الف جنية ولا لا لان بابا اعجب بالرابيد و لو هي سعرها 130000 او التوليدو برضو في نفس السعر او اقل ممكن يشتريها فعشان كدة عايز اعرف سعرها

النترا أخت السيراتو في كل حاجة ف مادام صرفت نظر عن سيراتو يبقي ابعد عن النترا كمان بالنسبة للرابيد المانيوال ب 144000 و أول فئة أوتو ب 151000 و التوليدو مفيش منها مانيوال و أول فئة أوتو ب 130000 بعد الخصم تقريباً

[mohamed-ahlawy]

طب هو كدة صرف نظر عن السيرانو و الانترا
ممكن يفكر في الرابيد بس مش اكيد لانو برضو خايف من اعادة البيع هي و التوليدو
فهو بنسبة كبيرة يا شارك يا نيسان صني الشكل القديم بس تكون جديدة
بس انا عارف ان سعرها الرسمي 109000 و في المعارض 124000
فهل هي موجودة في التوكيل بالسعر الرسمي الي هو 109000 و الاستلام فوري ولا بعد فترة و بعد اد اية
ثانيا انا عايز اعرف اية اخبار 1.العفشة هلي هي ناعمة ولا ناشفة
2.العزل هل هو كويس ولا لا
3.الثبات
4.السحب
5.هل فيها اي مشاكل عامة
و معلش عايز اعرف اية اخبار اعادة ببع الشارك
و معلش انا تاعبكم معايا جدا لانة فعلا محتار

[Moataz Slaeh]

انت بتتكلم علي عربيه من اتنين كورولا اولانسر بس علشان تضمنلك اللي انت عايزه اعاده البيع وقطع الغيار ده غير طبعا اداء العربيه اللي الكل يشهدله والسعر كمان برده معروف من 100 ل 120 حسب الحاله والموديل

[mohamed-ahlawy]

طب الكورولا بتبقي موديل كام
و الموديل دة الي هو الجنوب افريقي ولا الياباني

[Moataz Slaeh]

الاتنين نفس التمن تقريبا من 90 ل 110 حسب الموديل

[Moataz Slaeh]

الكورلا لحد موديل 2007 واللانسر اي مودي من 2004 لحد 2014