شيفروليه كروز vs متسوبيشى شاركvsرينو فلوانس

[صلاح المحترف]

مطلوب من اهل الخبرة ترشيح سيارة من المزكورين فى الاعلى او اى سيارة لا تزيد عن 160 الف جديد زيرو متطلباتى فى السيارة هى
1-توافر قطع الغيار فى الاقاليم لانى بعيد عن القاهرة ولا يوجد فى محافظتى توكيل او مركز خدمها ورخصها
2-وسع شنطة وصالون لانى انقل فيها بضاعة يوم السبت من كل اسبوع
3-شكل خارجى وداخل جذاب وكتر الكماليات لا تعنينى بشى
4-صاج متين ودهان قوى لان كان معايا لانوس والضافر كان بيعلم على البوهيه
5-عربية متكونش فيها مشاكل عامة او مشهورة
6-ارتفاع عن الارض يعنى متحكش فى المطبات الى ماليه الدنيا
7- اعادة البيع وده موضوع مهم جدا انى ممكن اتزنق وابيعها فى ا وقت مش تخسر كتير
موضوع السرعة والقوة متهمنيش ان مباجريش اخرى 100 وبامش براحت لدرجة انى باحسس على العربيه
التوكيل لا يعنينى ممكن استغنى عنه لو قطع الغيار متوفرة واسعرها معقولة

وشكرا

[blazer]

الفلونس فيها كل دا بس اعاده بيعها مش قويه زى السيراتو مثلا
الشارك شنطتها ضايعه

[صلاح المحترف]

الفلونس فيها كل دا بس اعاده بيعها مش قويه زى السيراتو مثلا
الشارك شنطتها ضايعه

طيب اخبار الكروز ايه

[ENG.MaRk]

فلوانس طبعاً شنطتها كبيرة و شكلها حلو من برة و جوة و عالية عن الأرض و مش بتحك في المطبات و أعتقد أحسن سعر إعادة بيع فيهم و فيها كل اللي انت عايزه و مادام حضرتك كدة كدة مش فارق معاك الكماليات يبقي أول فئة هتبقي كويسة

[mario maged]

فلوانس طبعاا

[scientist9508]

الرينو (داستر و ان كنت اخاف من ترشيح الفلوينس بعد كثرة الشكاوى منها فى الفتره الاخيره)

السوزوكى sx4 ولكن تاكد من اخر سعر لها ربما تزيد عن ذلك المبلغ

لو استطعت زيادة المبلغ بعض الشى فستستطيع ان تقتنى السوبارو امبريزا

الميتسوبيشى الشارك (كل الكماليات)

[drcobra]

مش هتلاقى كل اللى بتتمناه فى عربية واحدة
رتب النقاط من حيث الاولوية

يعنى لو الاولوية لقطع الغيار والاستغناء عن التوكيل ارشحلك لانسر شارك
لو الاولوية للبرستيج والعلو عن الارض والكماليات ارشحلك فلوانس

لو الاولوية للثبات ارشحلك الكروز

[drcobra]

انا كنت فى نفس الحيرة وكنت بقارن بين التلاتة
لو كانت الميزانية 130 الف كنت هختار الشارك
لو كانت الميزانية 155 الف كنت هختار كروز
لو كانت الميزانية 170 الف كنت هختار فلوانس الفئة التانية
والحمد لله الميزانية سمحت بفلوانس وجبت الفئة التانية

[صلاح المحترف]

مش هتلاقى كل اللى بتتمناه فى عربية واحدة
رتب النقاط من حيث الاولوية

يعنى لو الاولوية لقطع الغيار والاستغناء عن التوكيل ارشحلك لانسر شارك
لو الاولوية للبرستيج والعلو عن الارض والكماليات ارشحلك فلوانس

لو الاولوية للثبات ارشحلك الكروز

طيب نرتب الاولويات
1-العربيه هركبها انا والعائلة يبقى عوامل الامان
2- العربيه وسع الشنطة والصالون لانها هتخدم المحل
3- قطع الغيار متوفرة فى الاقاليم وخصوصا محافظة الشرقية
4-اعادة البيع يعنى تكون مطلوبه فى المستعمل ومخسرش فيها كتير
5- الصاج والدهانات والشكل الخارجى والداخلى

[صلاح المحترف]

الرينو (داستر و ان كنت اخاف من ترشيح الفلوينس بعد كثرة الشكاوى منها فى الفتره الاخيره)

السوزوكى sx4 ولكن تاكد من اخر سعر لها ربما تزيد عن ذلك المبلغ

لو استطعت زيادة المبلغ بعض الشى فستستطيع ان تقتنى السوبارو امبريزا

الميتسوبيشى الشارك (كل الكماليات)

جميع السيارات المزكورة بخلاف الشارك ليس لها قطع غيار خارج التوكيل وليس لها سعر فى اعادة البيع والشارك مشكلتها الى مضايقانى الشنطة

[د.هشام]

طيب نرتب الاولويات
1-العربيه هركبها انا والعائلة يبقى عوامل الامان
---------
فلوانس، شارك، كروز
-----------
2- العربيه وسع الشنطة والصالون لانها هتخدم المحل
------------
فلوانس، كروز
----------
3- قطع الغيار متوفرة فى الاقاليم وخصوصا محافظة الشرقية
------------
شارك
------------
4-اعادة البيع يعنى تكون مطلوبه فى المستعمل ومخسرش فيها كتير
------------
شارك
------------
5- الصاج والدهانات والشكل الخارجى والداخلى

------------
الصاج التلاتة زي بعض
الشكل الداخلي: كروز
الشكل الخارجي: التلاتة حلوين
الدهانات: مش عارف
---------------
طبعا حلتلك المشكلة وحضرتك اتلخبطت زيادة ههههههه
أي خدمة

[صلاح المحترف]

------------
الصاج التلاتة زي بعض
الشكل الداخلي: كروز
الشكل الخارجي: التلاتة حلوين
الدهانات: مش عارف
---------------
طبعا حلتلك المشكلة وحضرتك اتلخبطت زيادة ههههههه
أي خدمة

اشكرك د هشام على الرد انت فعلا قربتنى من الاختيار
طيب نقول هنستبعد الشارك بسبب الشنطة يبقى باقى فلوانس وكروز ايهما تنكون اقرب الى متطلباتى وشكرا

[د.هشام]

لو حتستبعد الشارك يبقى الكروز، بس استنى الشكل الجديد، حينزل قريب

[ENG.MaRk]

لو حتستبعد الشارك يبقى الكروز، بس استنى الشكل الجديد، حينزل قريب

الشكل الجديد من الكروز هيبقي خارج الميزانية و يمكن يكون ليه مشاكل محدش يعرفها ف بلاش تبقي أول واحد تجرب الحاجة لأن المبلغ مش قليل ... فلوانس هي أحسن قيمة مقابل سعر بس هات تاني فئة أحسن و فيها كل اللي انت عايزه إلا توافر قطع الغيار في الأقاليم خارج التوكيل :)

[د.هشام]

الشكل الجديد حتبقى facelift متهيألي حتبقى هي هي نفس العربية