إعـــــــلان

Collapse

.

,
See more
See less

يا ريت تساعدونى فى اتخاذ قرارى

Collapse
X
 
  • Filter
  • الوقت
  • Show
Clear All
new posts

  • يا ريت تساعدونى فى اتخاذ قرارى

    السلام عليكم
    بصوا يا جماعه الموضوع باختصار انا معايا حوالى 35 الف جنيه و كنت هاشترى لوجان اوتو فئه تانيه بالتقسيط يعنى هتفحت كل شهر حوالى 2000 بالتامين لمده 5 سنين بس اللهم لا اعتراض
    بصراحه انا كان نفسى فى شارك او سياز بس الفلوس مش هتكفى معايا علما بان القسط اكتر من نص مرتبى طبعا
    من كام يوم واحد قريبى عايز يبيع عربيتههى كليو 2002 فابريكه وا انا عارف قريبنى هو دكتور فى الجامعه و من 2002 لغايه دلوقتى العربيه مكملتش 60 الف كيلو
    فكرت انى ممكن اخدها بالفلوس اللى معايا مع العلم انه ممكن يبيعها باكتر من كده و الغى حجز اللوجان و التقسيط و الهرى ده و ابتدى احوش فلوس و بعد سنه و نص مثلا ابيع الكليو و اكون حوشت مبلغ كويس ساعتها ادفع مقدم كبير و اقلل الفايده بتاعه التقسيط او يمكن ربنا يكرم و اجيب الشارك اللى انا عايزها او السياز مثلا
    ايه رايكم انا بافكر صح و لا اخلينى فى اللوجان اللى حاجزها و امرى لله و بلاش الكليو؟
    افيدونى افادكم الله

  • #2
    حضرتك بتفكر صح الصح
    والله قمة الذل ان الواحد يروح يقبض مرتبوا وفرحان بيه ونصفوا مش بيتاعوا اصلا!!!!!!
    انا بعاني دلوقتي من قسط عربيه وقسط شقه مع اني باخد مرتب معقول جدا بس والله ما حصلت موظف زي حكيم لما كان شايل البطيخه ووقعت منوا من الاوتوبيس شوفت تعبيرات وشه بعدها اهو انا كل شهر بعد قبض المرتب ب 2.8 دقيقه بكون بنفس الحاله
    بلاش تظلم نفسك نصيحه من اخوك انا كان معايا عربيه مستعمله وكنت حاجز عند الميكانيكيه وبعدها جيبت الزيرو والله وقفة الصنايعيه اهون كتييير من انك تيجي نص الشهر (قصدي ثالث يوم) مش معاك فلوس تكمل الشهر
    وخلي بالك قوي من لمعة الزيروا نصيحه لو قررت تلغي الحجز يبأى بالتليفون فقط لو روحت وشوفت العربيه وهيا بتلمع والراجل قالك اركب كده وشوفها من جوااااااا
    يبأى عليهةالعوض في زميلنا
    وياريت اي اخ ييجي ويقرأ تعليقي لو صعبت عليه مش عايزيين طبطبه ما بتزودش المرتب كل واحد يلملي كده نفسي اعيش شهر بدون اقسااااااط

    مش عايز حضرتك تقعد جنبي على دكة المديونين

    Comment


    • #3
      لا يا باشا مدام هتزنق نفسك مش لازم تجيب اللوجان خليك في المستريح و خد الكليو و يا باشا انشاء الله ربنا يقدرك و تقدر تجيب اللي احسن منها و علي فكرة الكليو اللي بتتكلم عليها شكلها نضيفة .. اتوكل علي الله و بلاش نزنق نفسك
      ممكن طلب ممكم اعرف ازاي اكتب موضوع جديد عشان بقالي ساعة بدور و مش عارف

      Comment


      • #4
        لا تحمل نفسك اكتر من طاقتها , اولا و اخيرا العربيات سلع مستهلكه , خليك فى مستعمل نضيف و بدون الضغط على امكانياتك
        اللهم بارك لنا فيما رزقتنا

        [SIGPIC][/SIGPIC]

        Comment


        • #5
          أحييك علي التفكير ده فعلاً بلاش تحمل نفسك أكتر من طاقتها و بلاش تصرف أكتر من نصف مرتبك في قسط عربية لأنها هتحتاج يتصرف عليها في الأول برضه و صيانة في توكيل و شوية حاجات كدة مكلفة برضه و هتحس إنك مقيد مش عارف تعمل حاجة ... اشتري الكليو اللي ممكن لما تيجي تبيعها بعد سنة و نص مثلاً تجيبلك سعر أكتر من اللي اشتريتها بيه ف تبقي كسبت فيها ... الموضوع محتاج شوية صبر و الكليو برضه تقدر تمشي بيها حالك :) ... ربنا يوفقك لما فيه الخير إن شاء الله

          Comment


          • #6
            بلاش تزود على نفسك اعباء اضافيه كل اسعار السلع بتزيد يعنى من الممكن مرتب حضرتك يكفى بالعافيه بالاضافه للقسط وكمان بنزين العربيه
            انت لو جيبت الكليو مش ها تصرف عليها ربع القسط اللى كنت هاتدفعه بالاضافه ان مش ها تزنق نفسك خمس سنين

            Comment


            • #7
              الميزة كمان ان ال كليو عربية جميلة و تكييف حلو و بتجري و معمرة و انت هتاخدها من راجل عارفة و العربية حالتها حلوه. اتوكل علي الله و لو ينفع تاخدها منه يومين تجربها و تفحصها مع نفسك عند مركز محترم يبقي تمام ال تمام.
              https://t.me/pump_upp

              Comment


              • #8
                المشاركة الأصلية كتبت بواسطة zizo gamal مشاهدة المشاركة
                ممكن طلب ممكم اعرف ازاي اكتب موضوع جديد عشان بقالي ساعة بدور و مش عارف
                الصفحه ايللي عايز تكتب فيها الموضوع فيه ايكونه صغيره على اليمين فوق اسمها موضوع جديد

                Comment


                • #9
                  خليك في الكليو

                  Comment

                  Working...
                  X