إعـــــــلان

Collapse

.

,
See more
See less

فلوانس / كورولا /أسترا .. بعد طول البحث .. أخيرا قررت

Collapse
X
 
  • Filter
  • الوقت
  • Show
Clear All
new posts

  • فلوانس / كورولا /أسترا .. بعد طول البحث .. أخيرا قررت

    بدون مقدمات طويله انا هدخل فى الموضوع علطول ..
    مبدأيا المنتدى هنا منتدى عبقرى .. وده لسببين .. ان فى ناس هنا بتفهم بجد فى العربيات وده مهم .. والسبب التانى الاهم ان الناس محترمه جدا ومحدش بيبخل بمعلومه او مساعده .. وده اللى ساعدنى أخد قرارى اللى هقوله حالا
    من 3 شهور بالضبط قررت أغير عربيتى .. انا حاليا معايا أكسنت أر بى .. عمليه واعتماديه وواسعه و بتجرى .. لكن مشكلتها حاجه واحده بس خلتنى مش طايق اركبها اكتر من كده .. العفشه
    هى مش مشكلتها الحقيقه هى مشكلة شوارعنا الجميله زى مانتو عارفين
    عشان مطولش عليكما انا حطيت criteria واضحه لاختيار عربيتى الجديده .. أول حاجه فيها كانت العفشه طبعاااااااااااااا .. عايز عربيه مريحه فى الحفر والمطبات الجميله بتاعتنا .. تانى حاجه تكون حاجه غير الكورى لانى زهقت من التنطيط وعدم الثبات .. العربيه مش ثابته خالص وعرفت ان الالنترا والسيراتوا كمان كده
    تالت حاجه العربيه يبقى فيها عوامل أمان لأنى زمان كنت لوحدى لكن دلوقتى معايا عيلة ربنا يحفظهم .. والاكسنت كانت فاضيه مفيهاش حتى اير باج واحده
    رابعا واخيرا كنت عايز ادلع نفسى شويه .. عايز شوية اوبشنز .. زى ماقلتلكوا الاكسنت كانت فاضيه تماما يدوبك موتور وفتيس ودركسيون بس

    وتوكلت على الله وبدأت رحلة البحث الطويل المرهق .. وبعد بحث ومقارنه استقريت على 3 عربيات واستبعدت الباقى للاسباب التاليه:
    استبعدت المازدا عشان موتور وفتيس قديم وأداء مش أد كده
    اللانسر شارك عشان صالون فقير شويه من جوه وهتغير شكل السنه الجايه كمان
    السيفيك عشان سعرها مبالغ فيه بصراحه .. لو حطيت 10 الاف على سعرها هركب حاجه زى بيجو 508 اللى هى فئه اعلى فى كل حاجه
    الامبريزا عشان شكلها مش داخل دماغى حسيتها مش شبابى خالص
    الفوكس عشان ضيقه جدااااا .. عربيه وهميه فى كل حاجه لكن لو ركبتها 5 دقايق هتتخنق من المساحه الضيقه سواء ورا او قدام
    السكودا عشان مش بحبها مع احترامى لكل اللى راكبينها
    وطبعا استبعدت اى حاجه هاتش باك عشان عايز حاجه عائليه

    المهم انى فى الاخر حصرت المقارنه فى 3 عربيات .. فلوانس / كورولا / استرا

    مجربتش ولا واحده فيهم لان للاسف موضوع التيست درايف ده فى مصر طلع من المستحيلات السبعه .. أو التمانيه مش فاكر .. مش اى توكيل بيعمل تيست درايف ومش على اى عربيه

    لكن قريت كتير عنهم .. وبعد كل ده وصلت لقرارى الاتى .. هجيب كورولا باذن الله

    مبدأيا عايز اقول ان الفلوانس عربيه جميله فعلا .. صالونها اكتر صالون شدنى فعلا وحسيت انى راكب عربيه فخمه .. قريت كل حاجه عنها ومساهمات الاعضاء والملاك اللى واضح انهم بيحبوها جدا ومبسوطين بيها جدا .. لكن اللى قفلنى منها حاجتين :
    موضوع نقص الزيت .. انا عارف انه حالات فرديه وكانت فى موديلات 2014 لكن برضه محدش ضامن الظروف .. مش متخيل انى ادفع 170 الف فى عربيه ولا قدر الله اغير موتورها بعد شهر ..
    موضوع الفتيس ال CVT وطريقة سواقته الغريبه .. قريت كذا حد من الاعضاء المحترمين بيشرح طريقة السواقه والتعامل معاه وحسيت انى هتعامل مع اختراع مش مع فتيس اتوماتيك عادى .. لازم ادوس وبعدين اشيل رجلى وادوس تانى وحوارات .. ليه كل ده .. انا حد بيحب الجري ومعرفش هرتاح مع حاجه زى كده ولا لأ

    الاسترا برضه عربيه محترمه لكن برضه بعدت عنها لسببين :
    السبب الاول مصر كلها عارفاه طبعا وهو باختصار .. منصور
    السبب التانى انها ضيقه شويه من ورا .. وانا عايز حاجه اوسع من الاكسنت

    وبالتالى توكلت على الله وعزمت على الكورولا .. تصميمها مش أوى بس فى نفس الوقت مش وحش .. أوبشنز هايله لأول مره فى تاريخ تويوتا .. تسارع وأداء ممتاز .. أمان وESP .. واسعه واعتماديه
    يعيبها حاجه واحده فقط ان عفشتها متوسطه .. مش ناشفه ومش ناعمه .. وربنا يستر ومتتعبنيش بأه زى الاكسنت .. ياريت لو حد جربها يقولى رأيه تحديدا فى موضوع العفشه ده .. هل هى متعبه .. يعنى بتنزل منها مرهق ولا مريحه؟

    طولت عليكما صح ؟ لكن طمعان تدونى رأيكوا فى اللى قلته واختياراتى ولو حد عنده رأى تانى هبقى مبسوط لو سمعته .. شكررررررررراااا

  • #2
    أنا برضه وصلت لنفس النتيجة

    أنا نفسى مريت بالتجربة دى و برضه كان اختيارى الكورولا بس احد الاعضاء الزملاء اشار الى البيجو 508 و على انها فئة اعلى ومن حيث السع مش كتير يعنى البيجو508 الاساسى ب 240 الف و الكورولا الهاىلاين ب 217 الف مع العلم ان موتور الكورولا الموتور العادى 16 صباب ( و ده اللى برتحله) و البيجو تربو و غالبا عمره هيكون اقصر من العادى ...

    Comment


    • #3
      المشاركة الأصلية كتبت بواسطة ali ashraf مشاهدة المشاركة
      أنا نفسى مريت بالتجربة دى و برضه كان اختيارى الكورولا بس احد الاعضاء الزملاء اشار الى البيجو 508 و على انها فئة اعلى ومن حيث السع مش كتير يعنى البيجو508 الاساسى ب 240 الف و الكورولا الهاىلاين ب 217 الف مع العلم ان موتور الكورولا الموتور العادى 16 صباب ( و ده اللى برتحله) و البيجو تربو و غالبا عمره هيكون اقصر من العادى ...
      ال 508 جميله طبعا واللى جابوها ماشيين ببنزين 92 عادى ومفيش مشاكل .. لكن للاسف انا ميزانيتى اقل من كده شويه .. عايز حاجه متعديش ال 200 الف .. اشكرك على مرورك الكريم

      Comment


      • #4
        بالتوفيق ان شاء الله ومبروك مقدما

        الفتيس في الكورولا cvt زى الفلوونس
        [aldl]http://s17.postimg.org/ygne2hebj/F2000045710.jpg[/aldl]

        Comment


        • #5
          الف مبروك .. تعالي علي جروب الفيس بقي :d .. العفشة في الاول بتكون ناشفة شوية بس مع الوقت هتنعم وخصوصا لما تعدي الـ10 تلاف كم

          Comment


          • #6
            الكورولا فتيس cvt برضه زي الفلوانس ... الفلوانس شنطتها أكبر من الكورولا بفرق بسيط جداً ... الكورولا الكنبة الخلفية أوسع من الفلوانس و لو رجعت كرسي السائق للآخر و واحد طويل قعد وراه ركبه مش هتلمس الكرسي لكن كرسي السائق نفسه أضيق من الفلوانس و العكس صحيح في الفلوانس و الراحة أثناء السفر و المسافات الطويلة في صالح الفلوانس إذا كنت السائق و في صالح الكورولا إذا كنت الراكب الخلفي ... التوكيلين محترمين و العربيتين اعتمادية كويسة ... نعومة العفشة في صالح الفلوانس بفرق ملحوظ و الثبات ممتاز في الاتنين ... سحب الاتنين معقول و لكن طلعتهم هم الاتنين بطيئة ... استهلاك البنزين كويس في الاتنين و أعتقد في صالح الكورولا بفرق مش كبير ... لو عايز عفشة ناعمة تريحك هات فلوانس و لو عايز تريح اللي معاك هات كورولا ... الاتنين أمانهم كويس و الفرامل كويسة ... ربنا يوفقك لما فيه الخير إن شاء الله :)

            Comment


            • #7
              Durability

              المشاركة الأصلية كتبت بواسطة ENG.MaRk مشاهدة المشاركة
              الكورولا فتيس cvt برضه زي الفلوانس ... الفلوانس شنطتها أكبر من الكورولا بفرق بسيط جداً ... الكورولا الكنبة الخلفية أوسع من الفلوانس و لو رجعت كرسي السائق للآخر و واحد طويل قعد وراه ركبه مش هتلمس الكرسي لكن كرسي السائق نفسه أضيق من الفلوانس و العكس صحيح في الفلوانس و الراحة أثناء السفر و المسافات الطويلة في صالح الفلوانس إذا كنت السائق و في صالح الكورولا إذا كنت الراكب الخلفي ... التوكيلين محترمين و العربيتين اعتمادية كويسة ... نعومة العفشة في صالح الفلوانس بفرق ملحوظ و الثبات ممتاز في الاتنين ... سحب الاتنين معقول و لكن طلعتهم هم الاتنين بطيئة ... استهلاك البنزين كويس في الاتنين و أعتقد في صالح الكورولا بفرق مش كبير ... لو عايز عفشة ناعمة تريحك هات فلوانس و لو عايز تريح اللي معاك هات كورولا ... الاتنين أمانهم كويس و الفرامل كويسة ... ربنا يوفقك لما فيه الخير إن شاء الله :)
              مهندس مارك اهلا بك طب كلمنا عن الDurability and long distance travel و ياريت تحط فى المقارنة معشوقاتك ال 508 و اكون لك من الشاكريين

              Comment


              • #8
                مبروووووووووووك مقدما..التويوتا والفلوانس من افضل السيارات في الفئه دي

                Comment


                • #9
                  المشاركة الأصلية كتبت بواسطة ali ashraf مشاهدة المشاركة
                  مهندس مارك اهلا بك طب كلمنا عن الDurability and long distance travel و ياريت تحط فى المقارنة معشوقاتك ال 508 و اكون لك من الشاكريين
                  أهلاً بيك يا فندم ... الDurability and long distance travel في صالح الفلوانس و لكن الكورولا مش وحشة برضه و مع ذلك عفشتها ناشفة (رأيي الشخصي) ... ال508 لو دخلت المقارنة هتبقي unfair لأن أقل فئة فيها تتفوق علي أعلي فئة في الفلوانس و الكورولا في كل النقاط من نعومة العفشة للوسع الداخلي لحجم الشنطة للراحة أثناء القيادة حتي لو 500 كم هتنزل مرتاح ... قوة الموتور و التكييف و السحب و الثبات في صالح البيجو طبعاً و ده بسبب الlong wheelbase ... ممكن تتمون 92 عادي بدون قلق و إن كان الrecommended هو ال95 ... البيجو أول فئة حتي لو أغلي كقيمة مقابل سعر أحسن من الكورولا و الفلوانس ... توكيل تويوتا أحسنهم و لكن رينو برضه محترم و بالنسبة لتوكيل بيجو في الشكاوي ضعيف لكن في الصيانات الدورية تمام و بالنسبة لل508 مش هتحتاج التوكيل غير في الصيانات الدورية لأن العربية الحمد لله بدون مشاكل fatal

                  Comment


                  • #10
                    المشاركة الأصلية كتبت بواسطة hosam_optrawy مشاهدة المشاركة
                    بالتوفيق ان شاء الله ومبروك مقدما

                    الفتيس في الكورولا cvt زى الفلوونس
                    الله يبارك فيك .. وموضوع الفتيس ده محير فعلا .. مادام فى الكورولا زى الفلوانس cvt يبقى اشمعن الفلوانس محيرة الناس فى سواقتها كده؟
                    ياريت حد يجاوبنا على السؤال ده

                    Comment


                    • #11
                      المشاركة الأصلية كتبت بواسطة zangry مشاهدة المشاركة
                      الف مبروك .. تعالي علي جروب الفيس بقي :d .. العفشة في الاول بتكون ناشفة شوية بس مع الوقت هتنعم وخصوصا لما تعدي الـ10 تلاف كم
                      الله يبارك فيك يابوب .. ماتبعتلى لينك الجروب ده بالمره عشان اعرف الاقيكوا :)
                      ميرسى جدا لذوقك

                      Comment


                      • #12
                        المشاركة الأصلية كتبت بواسطة eng.mark مشاهدة المشاركة
                        الكورولا فتيس cvt برضه زي الفلوانس ... الفلوانس شنطتها أكبر من الكورولا بفرق بسيط جداً ... الكورولا الكنبة الخلفية أوسع من الفلوانس و لو رجعت كرسي السائق للآخر و واحد طويل قعد وراه ركبه مش هتلمس الكرسي لكن كرسي السائق نفسه أضيق من الفلوانس و العكس صحيح في الفلوانس و الراحة أثناء السفر و المسافات الطويلة في صالح الفلوانس إذا كنت السائق و في صالح الكورولا إذا كنت الراكب الخلفي ... التوكيلين محترمين و العربيتين اعتمادية كويسة ... نعومة العفشة في صالح الفلوانس بفرق ملحوظ و الثبات ممتاز في الاتنين ... سحب الاتنين معقول و لكن طلعتهم هم الاتنين بطيئة ... استهلاك البنزين كويس في الاتنين و أعتقد في صالح الكورولا بفرق مش كبير ... لو عايز عفشة ناعمة تريحك هات فلوانس و لو عايز تريح اللي معاك هات كورولا ... الاتنين أمانهم كويس و الفرامل كويسة ... ربنا يوفقك لما فيه الخير إن شاء الله :)
                        اه انا عارف ان الفتيس واحد بس ليه الفلوانس تحديدا الناس بتحتار فى سواقتها ياريت لو حضرتك فاهم تفهمنى :) .. ومتفق معاك فى الشنطه والراحه فى السفر والتوكيلات والعفشه والثبات والبنزين والامان .. بس اعتقد طلعة الكورولا مش بطيئه .. وده على لسان كذا حد من ملاكها محدش اشتكى من النقطه دى خالص بالعكس مبسوطين
                        أشكرك على رأيك المحترم وذوقك

                        Comment


                        • #13
                          المشاركة الأصلية كتبت بواسطة mmsobhi مشاهدة المشاركة
                          مبروووووووووووك مقدما..التويوتا والفلوانس من افضل السيارات في الفئه دي
                          الله يبارك فيك ميرسى لذوقك .. ربنا يبارك للجميع ويحفظهم

                          Comment


                          • #14
                            المشاركة الأصلية كتبت بواسطة eng.mark مشاهدة المشاركة
                            أهلاً بيك يا فندم ... الdurability and long distance travel في صالح الفلوانس و لكن الكورولا مش وحشة برضه و مع ذلك عفشتها ناشفة (رأيي الشخصي) ... ال508 لو دخلت المقارنة هتبقي unfair لأن أقل فئة فيها تتفوق علي أعلي فئة في الفلوانس و الكورولا في كل النقاط من نعومة العفشة للوسع الداخلي لحجم الشنطة للراحة أثناء القيادة حتي لو 500 كم هتنزل مرتاح ... قوة الموتور و التكييف و السحب و الثبات في صالح البيجو طبعاً و ده بسبب الlong wheelbase ... ممكن تتمون 92 عادي بدون قلق و إن كان الrecommended هو ال95 ... البيجو أول فئة حتي لو أغلي كقيمة مقابل سعر أحسن من الكورولا و الفلوانس ... توكيل تويوتا أحسنهم و لكن رينو برضه محترم و بالنسبة لتوكيل بيجو في الشكاوي ضعيف لكن في الصيانات الدورية تمام و بالنسبة لل508 مش هتحتاج التوكيل غير في الصيانات الدورية لأن العربية الحمد لله بدون مشاكل fatal
                            م مارك متفق معاك يافندم .. وفى رأيى ال508 فئه تانيه مختلفه مينفعش نقارنها بالكورولا والفلوانس .. ال 508 تتقارن بالكامرى والهوندا اكورد وهيونداي سوناتا وكيا اوبتيما ..
                            وعلى فكره احد اسباب اختيارى للكورولا ان توكيلها فى كايرو فيستفال سيتى فى القاهره الجديده .. يعنى جنبى فى التجمع .. كنت بضرب مشاوير جامده لغبور العبور حاجه تزهق

                            Comment


                            • #15
                              المشاركة الأصلية كتبت بواسطة karimelnagar مشاهدة المشاركة
                              اه انا عارف ان الفتيس واحد بس ليه الفلوانس تحديدا الناس بتحتار فى سواقتها ياريت لو حضرتك فاهم تفهمنى :) .. ومتفق معاك فى الشنطه والراحه فى السفر والتوكيلات والعفشه والثبات والبنزين والامان .. بس اعتقد طلعة الكورولا مش بطيئه .. وده على لسان كذا حد من ملاكها محدش اشتكى من النقطه دى خالص بالعكس مبسوطين
                              أشكرك على رأيك المحترم وذوقك
                              أنا نسيت أذكر إن طلعة الكورولا بالنسبة للبيجو بطيئة لكن هي كويسة مقارنة بالعربيات اللي في فئتها ... موضوع فتيس الفلوانس مش عامل حيرة لأي حد و أنا أول مرة أسمع الموضوع ده و ملاكها من معارفي بيشكروا فيها ككل عموماً هأتأكد من الموضوع بنفسي و لو عرفت حاجة هأبلغ حضرتك علي طول و أعتقد اللي يقدر يفيدك في الموضوع ده هو أ/هاني سعد منسق قسم رينو :)

                              Comment

                              Working...
                              X