المساعده في اختيار سياره عائليه

[sattia]

السلام عليكم اعضاء المنتدى الكرام
انا من متابعى المنتدى ولكن ليست لي خبره كبيره بالسيارات لذلك ارجوا مساعدتي من ذوي الخبره بالمنتدى.
اريد سياره عائليه لاسره من 6 افراد زوجين و4 ابناء
الميزانيه في حدود 100 الف الى 130 الف
افضل ان تكون اوتوماتيك وعاليه عن الارض عشان الطرق بتاعتنا
اريد شنطه واسعه وعوامل امان جيده
اريد ايضا رفاهيه مقبوله بالسياره
لا اريد عربيات صيني وافضل الاوروبي او الياباني وصححولي لو رايي غلط
اريد توكيل محترم ميسرقنيش وتكون خدمته كويسه
باسمع عن لوجان اوتوماتيك وفي ناس بتقولي سوزوكي سياز فقولت استشيركم واستفيد من خبرتكم

[zizo gamal]

السياز حلوة هي تقفيل هندي و التقفيل الهيندي حلو
و ممكن شارك
و بعد كدة اللوجان

[@Mohsen]

احسن سيارة لسيادتك هي الكيا كارينز من 2010 لحد 2013 العربية دي عائلية خرافية وعملية وقطع غيار معقولة ومتوفرة واستهلاك بنزين معقول على حجمها وتسارع رائع وشنطة واسعة ورفاهية موجودة ووسائل امان معقولة وسعر اعادة البيع ماسك نفسه من الآخر عربية مهاش حل

[miam0502788391]

لا السوزكى سياز ولا اللوجان هتنفع حضرتك
اسرة حضرتك مكونة من 6 فراد والعربيتين 5 مقاعد طبعا مينفعش
اعتقد السوزكى ارتيجا افضل كعائلية لأسرة اكتر من 5 افراد

[ENG.MaRk]

لو أولاد حضرتك كبار يبقي الأفضل إنك تجيب كيا كارينز هتلاقي سعرها في حدود 130000 هاي لاين 2012

[mazen56]

انا رأيي الشخصي ان حضرتك محتاج دايهاتسو تيريوس 7 راكب فيها كل المواصفات اللي حضرتك عايزها اولا ياباني ثانيا عالية من الارض وعائلية بس هتكون مستعملة استعمال خفيف في حدود الميزانية بتاعة حضرتك

[hugan]

انا رأيي الشخصي ان حضرتك محتاج دايهاتسو تيريوس 7 راكب فيها كل المواصفات اللي حضرتك عايزها اولا ياباني ثانيا عالية من الارض وعائلية بس هتكون مستعملة استعمال خفيف في حدود الميزانية بتاعة حضرتك

افضل اختيار التريوس

[kamal12]

أعتقد سوزوكى إرتيجا هى أنسب إختيار لعائلتك ,وهى ممتازه و عن تجربة 6 شهور معايا

[@Mohsen]

مشكلة التيريوس انها عربية مينفعش تمشي بيها اكتر من سرعة 100
انا جربتها في السفر وكنت سايق على 120 وكنت مرعوب جدا
اما الكارينز فممكن تمشي على 170 ومخافش من حاجة
لكن لو حضرتك كبير في السن ومش فارق معاك السرعة يعني كبيرك ال100 يبقى التيريرس افضل
بس انا بكرر السرعات العالية في التيريوس غير آمنة بتاتاً وجربتها مش مجرد فتي

[hugan]

مشكلة التيريوس انها عربية مينفعش تمشي بيها اكتر من سرعة 100
انا جربتها في السفر وكنت سايق على 120 وكنت مرعوب جدا
اما الكارينز فممكن تمشي على 170 ومخافش من حاجة
لكن لو حضرتك كبير في السن ومش فارق معاك السرعة يعني كبيرك ال100 يبقى التيريرس افضل
بس انا بكرر السرعات العالية في التيريوس غير آمنة بتاتاً وجربتها مش مجرد فتي

منين من ميت غمر استاذ محسن
من ميت غمر نفسها وﻻ قريه تابعه ليها

[@Mohsen]

لا يا فندم انا من ميت غمر نفسها

[MaZaGAngeE]

سوزوكي ارتيجا ..
7 كرسي و 2 تكييف و كماليات كويسة و شكل جميل .. و موديل حديث

[sattia]

شكرا جزيلا لكل من اهتم ورد وشكرا لوقتكم ومجهودكم
اسف اذا لم اوضح بعض الامور
ابنائي اعمارهم 13 و10 و6 و3 يعني مش محتاج اماكن لافراد بالغين كبار يعني بالبلدي ممكن اتنين يخمسوا في كرسي :) عشان كده كان اقتراح عربيه سيدان كبيره زي اللوجان او السياز مع مراعاة الميزانيه طبعا
ثانيا لي تجربه سيئه مع ريجاتا مستعمله منهكه على مدار اكثر من خمس سنوات وعشان كده افضل عربيه زيرو عشان ابقى مطمئن لان مهما كان عربيه مشيت عالارض 3 او 4 سنين اكيد مش زي الزيرو انا عارف ان اكيد في عربيات نضيفه مستعمله بس انا اتعقدت من الريجاتا واللي باسمعه من المعارف والاصدقاء عن برضوا عربيات فجاه بيبوظ فيها كمبيوتر وغيره مخليني قلقان ومش مطمن

[AymanEF]

قدامك 2 عربيه بس الى تقدر تديك الى انتا عايزه

1- DFSK glory اوتوماتيك و دى صينى ب 110000 ( انا معايا المانوال منها اكتر من ممتاز ) و 7 راكب و تعتبر اوسع عربيه MPV فى السوق
2- سوزوكى ارتيجا اوتو بس مشكلتها الاوفر برايس لان تمنها 127000 و المعارض بتضرب السعر 10000 زياده لندره وجودها و التوكيل بيقولك الاستلام بعد وقت طويل

ملحوظه الاتنين 1400 سى سى

فى اخرهم و دى فوق الميزانيه بشويه تويوتا افانزا 162000

[MaZaGAngeE]

[QUOTE=sattia;3875964300]9
ابنائي اعمارهم 13 و10 و6 و3 يعني مش محتاج اماكن لافراد بالغين كبار يعني بالبلدي ممكن اتنين يخمسوا في كرسي /QUOTE]

الاتنين كبار كل واخد محتاج كرسي و انت و المدام .. كده بقوا 4 كراسي…
الاتنين الصغيرين كل واحد محتاج كنبة مش كرسي لوحده…

انت مش هتجيب عربية كل سنتين او تلاتة… يبقي وسع عليهم احسن و خليهم مرتاحين ..
هات ارتيجا و ركب شاشات في الكراسي و كده يبقي كل واحدد عنده الشاشة بتاعته و كرسي لوحده و هيفضل كرسي عشان اللعب و العرايس و العربيات الصغير.…