525 2008 ولا بيجو 508 2012

[mhmdabdo]

السلام عليكم
بقارن بين 525 الفتيس الجديد و البيجو 5008 بدايه الشكل
المقارنه عامه في حدود 200 الف
وخاصه اللي موجود ادامي 525 ماشيه 180كم بتوعها رشه باب
و 508 2012 ماشيه 50 شاكك فيهم بس هيه فابريكه بالكامل وتمام بس مش مرتاح حاسس انها 90 مش عارف ليه مع ان مفيش فيها عيب خالص
البي ام عاوزه شغل في العفشه وحساسات وكده
مين يستاهل 200 الف
وشكرا مقدما

[ENG.MaRk]

ال508 موديل أحدث بفرق 4 سنين و عدد كيلومتر أقل و عربية ممتازة محدش اشتكي منها قبل كدة و ماظهرلهاش أي عيوب fatal و الBMW طبعاً عربية لا غبار عليها بس أسعار قطع غيارها و صيانتها في مصر غالية نسبياً و كمان من كلامك عن العربية أكيد صاحبها مهمل فيها ف اشتري راحة بالك أحسن و خليك في البيجو

[محمد المصرى]

راى البيجو عشان تكلفة الصيانة وقطع الغيار

[J A G U A R]

لو اتنين حاله واحده اقدر اقولك مفيش مقارنه
بس واضح ان ال bmw متهانه وهاتصرف
عشان كده تخليك ف 508

[mhmdabdo]

هو طبيعي ان البي ام يكون ماشيه اكتر
طبعا لو نفس الحاله البي ام اغلا بكتير ولذلك
البي ام تستاهل كركوبه ولا بيجو تادي الغرض
هو اللي متاكد منه ان هيبه 525 اكتر بكتير من بيجو
لكن متردد حاسس انها موضه قديمه ومش مستهلا التعب

[ENG.MaRk]

هو طبيعي ان البي ام يكون ماشيه اكتر
طبعا لو نفس الحاله البي ام اغلا بكتير ولذلك
البي ام تستاهل كركوبه ولا بيجو تادي الغرض
هو اللي متاكد منه ان هيبه 525 اكتر بكتير من بيجو
لكن متردد حاسس انها موضه قديمه ومش مستهلا التعب

عربية من 3 سنين ولا من 7 ؟!

[محمد المصرى]

على فكرة انا مثلك تماما فى هذه المقاررنة لانى
عملت دراسة للسوق ( على قدى ) ووجدت ان البيجو والبى ام
افضل الموجود فى رنج 200 الف
بس الفرق فعلا فى الحالة لان البى ام دائما فوق 150 الف كم
ودائما رشه اجزاء والله واعلم بالباقى
والبيجو دائما فابريقة بالكامل ولا تتعدا 40 الف كم
طبعا غير تكلفة الترخيص والبنزين
والفرق بين عربية 1600 cc و2000 او 2300 cc
وطبعاً تكلفة الصيانة وقطع الغيار
كل ده رجح ان اقرر البيجو وابعد عن البى ام

[أحمد محمد]

الـ bmw سيارة رائعة، والـبيجو أيضًا سيارة أثبتت نفسها.

المقارنة الأساسية في عدد السنوات، ومن ثم عدد الكيلومترات (غير طريقة الاستعمال).

ببساطة الـ bmw سيارة مستهلكة، يعني كما يقولون "صاحبها الأول أخذ خيرها كله"، والخوف أن تأخذها وتبدأ نزيف المصاريف التي لا تتوقف وبالذات أن قطع الغيار غالية جدًا.

أما البيجو، فبفرض أنها تحتاج إلى بعض المصاريف، فلن تكون بالكثيرة إن شاء الله.