افيدونى فى انى اختار عربيةلا تزيد عن 20 الف

[ام حبيبة]

فى الفيات و اللادا و الستروين و الماروتى و لو تعرفوا انواع فى الحدود دى
افيدونى اهم نقطة مش عاوزة اروح كل شوية لسمكرة و لا ميكانيكا حتى لو ببلاش
يعنى عمرة كل فترة ماشى
و كمان دى اول عربية هسوقها

[AymanEF]

انا رايى الماروتى و مفيش كلام انك هتروحى لميكانيكى بس على الاقل خدى حاجه تكون احدث فى الموديل

و قبل اى حاجه هاتى سمكرى معرفه و خليه يكشف على العربيه انها مخبوطه او لاء و اديلو 100-200 جنيه و اتفقى معاه
اهم حاجه انها متكونش مخبوطه و الباقى ممكن يتضبط لان المواتير الاستيراد ببلاش للعربيات القديمه لو لاقدر الله فى حاجه

ابتدى ب 128 مو 97 و انتى طالعه 1300 سى سى
بعد كدا الماروتى

[omar117]

1- الادا هتبقى خشنة اوى فى السواقة بس مميزاتها هتبقى توافر قطع الغيار و عربية حمالة وتتحمل السفر وعربية حديد فى حديد .

2-ستيرون عربية حلوة و كل حاجه بس قطع غيارها نادرة شوية

3-سوزوكى ماروتى حلوة لحضرتك فى ايه سواقتها هتبقى حلوة قطع غيارها رخيصة و متوافرة و بتشم البنزين بس عربية خفيفة الصاج بتاعها خفيف جدا واى خبطة فيها بتاثر عليها

وفى اختيارات تانية ؟
1-فولكس بيتل
2-فيات 131
3-مازدا323
4-سيات ابيزا سيستم بورش

[bobozoro]

فيه برده فيات اونو زي المروتي كده

[J A G U A R]

ماروتى مناسبه
بس المهم تبقي حاله كويسه

[dr_haitham79]

فى نفس الفئة السعرية وحمالة أسية برضو:
دايهاتسو ميرا موديل 92 و94
حوالى 17 الف
ومابتزعلش صاحبها مهما حمّل عليها..
وشكلها صغيرة مع ان وسعها من جوة اكبر من الماروتى
وصيانتها كل فترة كبيرة
وبالذات لو الحرفيين مش بعيدة عنك: يبقى هاتيها وانتى مغمضة.

العربية قعدت معايا تلات سنين كانت عربية محترمة بجد.