تيوتا يارس 2015 والا هيونداى اكسنت 2015؟

[Kholod123]

السلام عليكم، لو سمحتم انا محتاره جدا بين هيونداى اكسنت و تيوتا يارس. استقريت على تيوتا يارس بس بيقولوا الثبات فيها مش حلو بعد 120؟ فا مش عارفه اعمل ايه؟ ممكن حد ينصحنى ولو ال ٢ مش اوى ايه عربيه احسن مش اكثر من 145؟
هى الثبات الى فى تيوتا يارس دا يعنى العربيه متبقاش امان والا ايه؟

[ENG.MaRk]

الياريس حلوة و ك أمان كويسة بس أحسن حاجة في الفئة ديه ريو أو سياز

[Omar_alaa]

تويوتا أفضل طبعا بس في عروض دلوقتي علي الهيونداي النترا في اعتقد انها أفضل منهم الاتنين

[engahmedezz]

طبعا مهما كانت الاكسنت حلوة فاليارس انتاج الوحش تويوتا يعنى مفيش الهري دا
وبعدين موديل يارس الجديد تلاشى كل اخطاء اليارس القديمه
بعدين موضوع ال145 دا حلو جدا فليه تفكري في الموديلين اصلا

عندك لانسر بتبدأ من 135لحد168 حسب الاوبشن اللي انت عوزاها
ودا رأيي واللانسر طبعا عربية ملهاش حل

[Kholod123]

طيب تمام شكرا جدااا ليكوا ! :) انا خلاص ان شاء الله هجيب تيوتا و هتوكل على الله

[mohamed hussei]

سيات توليدو

[Kholod123]

تمام يعنى اشوف برضو لانسر كدا قبل ما اشترى صح؟

[J A G U A R]

الياريس مبالغ ف سعرها جدا
شوفي شارك
او ريو هاتشباك
او ياريس هاتشباك عربيه مليانه كماليات

[Kholod123]

تعرف سعرها كام اليارس هاتش باك؟ و شكرا :)

[Kholod123]

انا بس مستبعده عن شارك عشان شكلها مش عجبنى اوى و ريو بيقولوا كيا قطع غيارها غاليه! والا ايه؟

[mif]

تمام يعنى اشوف برضو لانسر كدا قبل ما اشترى صح؟

انت مترددة اوي ليه كدا !
بصي علشان تفهمي الفكر المصري في السيارات

لما واحد بيبقى عايز يجيب عربية زيرو بيفكر ازاي

1- حدود مقدرته اللى هي بالنسبة لك 145 مثلا (الكاش افضل من القسط كفكر)
2- الاعتمادية المبنية على تاريخ السيارة (يعنى مش كلام الناس لكن اللى بيحصل على ارض الواقع )
(تاريخها يشهد لها بخلوها من عيوب الصناعة )
3- الاقتصادية فى الوقود (بمعنى انا حدفع اد ايه كل شهر بنزين على العرربية)
اقتصادية فى الصيانة (بمعنى كل فترة حقطع بالعربية مسافة معينة فهاعمل صيانات دورية حتكون تكلفتها اد ايه ؟)
اقتصادية فى قطع الغيار (بمعنى لو لا قدر الله العربية عملت حادثة سواء خطأ منى او من الغير .... و كله وارد ... )
4- متطلباتي الاخري (بمعنى واحد عايزة عربية ثابتة جدا على الطريق و تكون بتعرف تجري لانه بيحب يشد على السريع .... واحد عايز عربية واسعة علشان الاسرة او غيره ..... واحد عايز عربية مريحة جدا لانه بيتحرك و يسافر كتير ..... واحد عايز عربية فيها اوبشنز بالعبيط لدرجة ان في حاجات مش حيفتكر يستخدمها .... و كل واحد و متطلباته .
شكل السيارة (سيدان - هاتش باك - كروس -

انت فكرتى فى الاكسنت و الياريس
و البعض اقترح ريو و بيكانتو و النترا و سانديرو و لانسر و ..... و......و.......و.......
و حتفضلي تسمعي كل اسماء العربيات في مصر من هنا لبكرة

لو بتفاضلي بين الاكسنت و الياريس
الياريس جميلة جدا لكن سعرها مبالغ و انتشارها قليل و صيانتها و قطع غيارها كلها مبالغات بسبب اسم تويوتا
الاكسنت انت سمعت وجهة نظري قبل كدا

[Kholod123]

ههههه ايوه انت كدا جبت من الاخر انا فعلا متردده جدا وكل ما اقرر خلاص الاقى حد قال حاجه تخلينى اعيد تقكيرى
خلاص تمام كدا رينا يخليك والله انا ان شاء الله هقكر كدا مع نفسى واحتمال بإذن الله اجيب اليارس. شكرا جدا

[J A G U A R]

تعرف سعرها كام اليارس هاتش باك؟ و شكرا :)

هتلاقيها فى نفس حدود الرينج برضه
140 الف
بس تستاهل عن السيدان

[Kholod123]

ماشى تمام ان شاء الله هجبهااخر الشهر. و ربنا يسهلها يارب. شكرا يا جماعه جدا والله على المساعده. و كل عام وانتم بخير، رمضان كريم.

[h_shahin]

تعرف سعرها كام اليارس هاتش باك؟ و شكرا :)

اليارس هاتش باك 2015 نازلة فئتين
الفول أوبشن و دى تمنها في التوكيل 147
و الهاى لاين و دى تمنها 167 ألف
و هي 1300 سى سى

أما السيدان ففئة واحدة فول أوبشن
و سعرها 147
سعة 1500 سى سى