محتار بين سكودا a7 واوبل انسجينا 2015

[emadelbadry]

يا جماعه محتار بين سكودا اوكتافيا 2016 موتور 1600 سي سي 110 حصان هاى لاين السعر 275000 الف وبين الاوبل انسجينا 2015 بسعر 275000 الف موتور 1600 سي سي تربو 176 حصان تنصحونى بايه مع العلم ان اوبل هاى لاين مش عارف اعمل ايه انا محتار وخايف من اوبل علشان قطع الغيار وسعر اعاده البيع والاعتماديه يا ريت حد ينصحنى

[emadelbadry]

ثانيا انا عايز النصيحه من جهه الاعتماديه وتوفر قطع الغيار والصيانه وسعر اعاده البيع وكف السيارتين ومن ناحيه البنزين علشان انا هحط 92 يا ريت من كل الجوانب والى عنده معلومه يقوله

[romioromio]

محدش حيقدر يفيدك
لاتنين لهم مميزات وعيوب عن بعض
لكن بصفه عامه مجموع المميزات والعيوب في الاتنين واحد كمحصلة نهائيه

يعني انتي اللي حتقدر تقرر
لان الموضوع قتل بحثا

مقارنة عالماشي من واقع خبرتي

موتور اوبل اقوي
ثبات الاتنين متقاربين
برستيج الاوبل اعلي حاجه بسيطه عشان بس جديده واقل انتشار مع اني بحس انها شبابي شويه عن سكودا وشكلها رياضي اكتر
قطع غيار الاتنين متقاربين
سوق واعادة بيع الاسكودا احسن عشان منتشره اكتر
وكيل قريبين من بعض كل التوكيلات اي كلام

راي شخصي
انا شايف الاوكتافيا اوفر ريتد في مصر
وسعرها بقي مبالغ فيه اوي وفي فئه اعلي من فئتها الي حد ما
وسحبها مش اللي اوي
وبيقولو مشاكل ال dsg والحاجات دي
والاوبل جديدهمش عارف سوقها ايه ظروفه


ممكن تدخل معاهم بيجو 508
شكلها فااجر اوي وفخمه جدا برستيج عالي اوي تنفع للمحافظ والجهات الرسميه فاهمني وتنفع كشبابي ورسمي
وثبات ومعروفه برده كماركه
وبرده قطع غيار واعتماديه تقريبا شبهم يعني

وفي الاخر زي ما قلتلك كل الكفات متقاربه انت بس اللي حتحدد

وده راي شخصي
وبالتوفيق

[d/ahmed mosaad]

فكر فى فورد فيوجن تحفه

[mariachi]

حضرتك ماينفعش مبدئياً تقارن بن المودلين دول علشان الاوكتافيا فئه أظغر من إنسجنيا!
بواقع خبرتي مع الإنسجنيا هي عربيه جميلة و قوية و مريحه لأقصى درجه وانا شايف لحد دلوقتي انها best value for money مقارنه بالمودلات إللي في نفس الفئه علشان هي ألماني فالأول والأخر.
الاوكتافيا فعلاً over priced أوي في مصر هي المفروض بتتقارن مع الاسترا والكورلا والسيفك مش إنسجنيا و 508 أو فورد فيوجن!

[hugan]

وﻻ دي وﻻ دي
بيجو 508

[acs]

508 شغال 92 بدون مشاكل

[ENG.MaRk]

أنا هجيبلك من الآخر ... هتمون 92 يبقي تخرج انسيجنيا من المقارنة لأنها حساسة لبنزين 95 ثانياً الأوكتافيا بأعلي فئة فيها ماتجيش حاجة جنب الانسيجنيا أو ال508 ثالثاً Prestige الأوكتافيا مش زي الباقي لأن اللي راكب أول فئة اللي ب 190000 هيبقي راكب نفس الشكل بتاعك و تبقي دفعت 85000 زيادة و مافرقتش عنه في حاجة غير LED و جنوط سبور خارجياً ... رابعاً الانسيجنيا 168 hp مش 176 و عزمها 260 N.m يعني سحبها أحسن من الأوكتافيا 100 مرة و لكن انسيجنيا ظهر فيها شوية مشاكل و أحد الأعضاء كان كاتب تقرير عن عربيته هنا في المنتدي ممكن تقراه ... أخيراً ال508 أحسن عربية في الفئة ديه لأنها أكيد أحسن من الأوكتافيا و ماتقلش في حاجة عن الانسيجنيا و في نفس الوقت عربية ممتعة في سواقتها جداً و محدش اشتكي منها من ملاكها و أنا أولهم مع العلم إن عندي عربيات أحسن منها 100 مرة في ألمانيا لكن عجباني جداً في مصر ... الفيوجن سعرها غالي مقارنة بيهم و كمان علشان تستمتع بيها محتاج تركب أعلي فئة اللي بتمن ال316i ف هتقول أركب BMW أحسن و هتخش في دوامة مقارنات ... 508 و ريح دماغك و ربنا يوفقك لما فيه الخير إن شاء الله :)

[mhmhmh75]

508 مميزه وانتشرت مع ناس بتشكر فيها لو مش عايز تمشي مع سياسه القطيع يبقا اوبل لا تتقارن مع اوكتافيا هات وخاطر لو مقتنع بيها