كورولا vs امبريزا

[hoda_krakech]

مين احسن و مميزات و عيوب
كورولا 2015 و لا سوبارو امبريزا 2015
و مين احسن عربية سيدان لحد 190 الف

[hesham fawzy h]

انا شايف المازدا كويسة .. و اكيد السوبارو كويسة

بس الناس كلها هتقلك كورولا علشان اعادة البيع

[4fun14]

سوبارو عربيه هايلة لو مش فارقه معاك الفلوس وعاوز تصرف دم قلبك ف التوكيل وبعد 5 سنين تبيعها بتراب الفلوس او تخليها جنبك عشان مش هتلاقيلها بيعه

[Omar Mahmoud]

السوبارو افضل بمراااااحل
بس
قطع غيار اقل و اعادة بيع اقل للاسف ده السوق المصري

[hoda_krakech]

انا مازدا عجباني بس انا اخري 180 او 190 بكتير اوييييي فانا حاسس ان المازدا core الي هيا ب 178الف هتكون فاضية مش زي الب 210 الف

[eng_amg]

سوبارو عربيه هايلة لو مش فارقه معاك الفلوس وعاوز تصرف دم قلبك ف التوكيل وبعد 5 سنين تبيعها بتراب الفلوس او تخليها جنبك عشان مش هتلاقيلها بيعه

قطع غيار السوبارو أرخص كتير من تويوتا في التوكيل وخارج التوكيل.
مشكلة السوبارو هي إعادة البيع اذا ما قورنت بأي حاجة ياباني أخري
لدرجة أن في ناس متعلمة وحاملي شهادات عليا وبيفهموا في السيارات وميعرفوش سوبارو ولو سمع عنها سمع خير يقول أهه مش دي صيني بردو. ..

[scientist9508]

سوبارو امبريزا افضل فى كل شى حتى اسعار الصيانات الدوريه ارخص من التويوتا و من كل السيارات اليابانى و الالمانى و الكورى (فى نفس الشريحه). . . . . السوبارو هى الصفقه الرابحه جداً

[ahmzd]

سوبارو أفضل في كل شيء، وإذا كنت لا تغير السيارة إلا كل 5 سنوات فأكثر فستكون هي الصفقة الرابحة بلا أدنى منافسة، وأنا عندي رأي متواضع بعد إذن الجميع، وهو أن أي سيارة مهما كانت، عند بيعها بعد 5 سنوات أو أكثر من الاستعمال، تفقد الكثير جدا من ثمنها، يستوي في ذلك كل السيارات من كل الماركات.. والله أعلم.

[4fun14]

يا جماعه الناس هنا ممكن تاخد بنصايحكم ..هيا مش حروق ندوسها ع الكيبورد وخلاص
ممكن حد يسخر 200 الف جنيه وتكون كل ما يملك بناء على نصيحه حد منكم..يعنى اللى بيقول ان السوبارو احسن فى كل شىء ويسكت..طب قولى احسن فى ايه بالتفصيل!
انا مش شايف فى السوبارو اى ميزه عن الكورولا غير انها 4*4 وانها esp
ودى مميزات ملهاش قيمه فى مصر..بس هنقول انها ثابته ودى برضه مش ميزه اوى لحد مش جراى ومعظم مشوايره جوه البلد.. احنا مش فى بلد جبلية ولا بنعمل كامب فى الصحرا ولا الظروف الامنية تسمح بده اصلا
فى المقابل الكورولا اعتمادية واعاده بيع وتوكيل الكل بيشهدله واسرع وفيها اوتوبارك واوفر فى استهلاك الوقود ومرايات طى وليدات وحركات
وانا مش عاوز ادخل فى جدال عقيم بس اكيد اعاده البيع الواقعه دى ليها سبب..واكيد الناس بتشتم فى توكيل ابو غالى لسبب..
لو كانت عربيه بتريح صاحبها مكنش باعها بسعر واقع

[volociximab]

سويارو فى السعودية سيارة ميته
ممكن كل كام شهر تشوف واحده ماشيه فى الشارع

[أحمد محمد]

إمبريزا كسيارة أفضل من كورولا (ومن كثير من السيارات) من ناحية القوة والمتانة..

كانت عندي سوبارو فورستر من أكثر من عشر سنوات، وصدمتني سيارة نصف نقل بقوة أثناء رجوعها للخلف (كانت الصدمة قوية بالرغم من أنه كان راجعًا للخلف وسيارتي واقفة وراءه). نزلت أعاين ما حدث فوجدت الإطار البلاستيك المحيط برقم السيارة قد انشرخ (ولم ينكسر!) ولم يكن هناك أي أثر على السيارة أكثر من هذا، بينما الصدام الخلفي الحديدي للسيارة نصف النقل قد انثنى بالكامل لأسفل والجزء الأوسط منه انبعج والتوى بزاوية 90 درجة لتحت السيارة.

حينها وقفت متعجبًا من مدى قوة هذه السيارة والتي لم أر في مثل قوتها ومتانتها حتى في سيارات الدفع الرباعي الكبيرة.

قد لا تكون السيارات الحالية بمثل هذه المتانة ولكن أظنها تظل أقوى من مثيلاتها.

أما عن ظروف السوق عمومًا، فالكورولا أنسب ولا شك.

وبالنسبة للمواصفات فالإمبريزا أفضل قليلا من الكورولا في الفئتين الأولى والثانية في كل منهما، والأربعة في حدود السعر المطلوب أو تزيد قليلًا. ولكن الكورولا أفضل بدرجة ملحوظة في الفئة الثالثة من الإمبريزا، وكلاهما أعلى من المبلغ المرصود.

يبقى بعد ذلك مسألة أخيرة وهي أن الكورولا كحجم أكبر من الإمبريزا، وبالتالي فإن الكراسي وحقيبة الأمتعة أكثر اتساعًا.

[ahmzd]

إمبريزا كسيارة أفضل من كورولا (ومن كثير من السيارات) من ناحية القوة والمتانة..

كانت عندي سوبارو فورستر من أكثر من عشر سنوات، وصدمتني سيارة نصف نقل بقوة أثناء رجوعها للخلف (كانت الصدمة قوية بالرغم من أنه كان راجعًا للخلف وسيارتي واقفة وراءه). نزلت أعاين ما حدث فوجدت الإطار البلاستيك المحيط برقم السيارة قد انشرخ (ولم ينكسر!) ولم يكن هناك أي أثر على السيارة أكثر من هذا، بينما الصدام الخلفي الحديدي للسيارة نصف النقل قد انثنى بالكامل لأسفل والجزء الأوسط منه انبعج والتوى بزاوية 90 درجة لتحت السيارة.

حينها وقفت متعجبًا من مدى قوة هذه السيارة والتي لم أر في مثل قوتها ومتانتها حتى في سيارات الدفع الرباعي الكبيرة.

قد لا تكون السيارات الحالية بمثل هذه المتانة ولكن أظنها تظل أقوى من مثيلاتها.

أما عن ظروف السوق عمومًا، فالكورولا أنسب ولا شك.

وبالنسبة للمواصفات فالإمبريزا أفضل قليلا من الكورولا في الفئتين الأولى والثانية في كل منهما، والأربعة في حدود السعر المطلوب أو تزيد قليلًا. ولكن الكورولا أفضل بدرجة ملحوظة في الفئة الثالثة من الإمبريزا، وكلاهما أعلى من المبلغ المرصود.

يبقى بعد ذلك مسألة أخيرة وهي أن الكورولا كحجم أكبر من الإمبريزا، وبالتالي فإن الكراسي وحقيبة الأمتعة أكثر اتساعًا.

هي دي الخلاصة.. والله أعلم.. السوبارو عربية المزاج، والكورولا العربية العملية.