فيرنا اوتوماتيك ولا نيسان صنى الجديدة اوتوماتيك ؟للاجره

[wael6]

السلام عليكم ورحمة الله
كل عام وانتم بخير
رمضان كريم

انا حاليا عندى فيرنا مانيوال اجره

وربنا يعافيني ويعافيكم يارب جالى غضروف وبتعالج منه وربنا يكتب الشفا يارب

طبعا عارفين المانيوال فى الزحمة متعب جدا ازاى

بس المشكلة ان لو جبت اوتوماتيك هدفع فرق كتير

رغم ان العربيه موديل 2013 وماشيه حوالى 75 الف كم وانا فقط اللى كنت بسوقها وحالتها بسم الله ماشاء الله مقاربه جدا للزيرو صيانات مستمره وكله الاصلي وفى مواعيده تمام الحمد لله

هل
1- اجيب فيرنا اوتوماتيك مستعمله بحالة كويسه ؟
وبكده هدفع فرق قليل او يمكن مدفعش ؟

2- اجيب فيرنا اوتوماتيك زيرو ؟
هدفع فرق كبير ميقلش عن 50 الف ج ؟ وده مش متوفر معايا ؟
وهلاقي صعوبة فى تقسيطه ؟

3- ايه رايكم فى النيسان صني الجديدة ؟
بشتغل ع الغاز حلو ولالا ؟
وطبعا هدفع فرق كبير هيعدي 70 الف ج ؟ وبرده مش متوفر معايا ؟
وهلاقي صعوبة فى تقسيطه ؟

اعتقد ان الاختيار الاول هيكون مثالى
بس انا خايف من المستعمل خصوصا الاجره ولا ايه رايكم ؟

وهنا ليا سؤال

انا طبعان مش حابب الفيرنا اوى لفترة طويلة فى السواقه
لان دواستها ضيقة وواطيه عن الارض وضيقه فى الشنطة والكنبة
بس السوق فى البيع والشرا هو حاكم علينا بكده

فلو جبت فيرنا اوتوماتيك هحس براحه
ولا هى هى ؟

ولازم من الافضل ان اغير الفيرنا كلها
واجيب مثلا نيسان صنى اوتوماتيك ؟


انا اسف جدا للاطاله
بس قولت افكر معاكم بصوت عالى
حفظكم الله من كل شر

وشكرا جزيلا

[hugan]

هات بي واي دي اوتو
عامه فتيس الصني مفيش منه اي شكوي نهائي
وافضل من الفيرنا مفيش كلام

[wael6]

البي واى دى فى البيع والشرا مش اوى ؟
وكمان الصيني ميطمنش

متشكر جدا لاهتمامك

[eng.m7md.ali]

هو ليه الفرق كبير كدة ؟؟

انا شايف الفيرنا اللي مع حضرتك تجيب مبلغ كويس
والف سلامة علي حضرتك

[wael6]

هو ليه الفرق كبير كدة ؟؟

انا شايف الفيرنا اللي مع حضرتك تجيب مبلغ كويس
والف سلامة علي حضرتك

الله يسلمك يارب

طيب ممكن اعمل تسعير لعربيتي من فضلكم ؟

وشكرا جزيلا

[Omar Mahmoud]

الف سلامة
انا من رايي لو حضرتك تجيب الفيرنا اوتو مستعمل او بي واي دي اوتو بغض النظر عن اعادة البيع

[ENG.MaRk]

الbyd عربية كويسة و علي فكرة واخدة قطع ياباني كتير و هي عبارة عن نسخة من كورولا القديمة و تكنولوجيا الموتور و الفتيس ياباني بس قديمة و عربية مريحة ... أتمني لحضرتك الشفاء العاجل و ربنا يوفقك لما فيه الخير إن شاء الله :)
لو الbyd مرفوضة يبقي هات صني بس أعتقد مش هتبقي كويسة مع الغاز

[wael6]

الف سلامة
انا من رايي لو حضرتك تجيب الفيرنا اوتو مستعمل او بي واي دي اوتو بغض النظر عن اعادة البيع

طب البي واى دى كعربيه اوتو كويسه ولا ليها عيوب ؟
كنت سمعت انها بتسخن

وكمان مكنتها مش لنسر بومه ؟
وان تغييرها مش بينفع يتثبت فى المرور الا مكنتها الاصليه
يعنى لو جبت مكنة لانسر او تويوتا المرور مش بيرضي ؟

متابع
وشكرا جزيلا

[hugan]

طب البي واى دى كعربيه اوتو كويسه ولا ليها عيوب ؟
كنت سمعت انها بتسخن

وكمان مكنتها مش لنسر بومه ؟
وان تغييرها مش بينفع يتثبت فى المرور الا مكنتها الاصليه
يعنى لو جبت مكنة لانسر او تويوتا المرور مش بيرضي ؟

متابع
وشكرا جزيلا

ياباشا حضرتك بتقول انك سواق تاكسي
يبقي اكيد عارف ان بي واي دي سحقت الفيرنا تماما في التاكسي
هي ملك السوق حاليا في التاكسي
وحتي الملاكي عامله مبيعات محترمه
التسقيط مفيش منه مشاكل في المرور سواء هي او اسبرانزا

[ENG.MaRk]

طب البي واى دى كعربيه اوتو كويسه ولا ليها عيوب ؟
كنت سمعت انها بتسخن

وكمان مكنتها مش لنسر بومه ؟
وان تغييرها مش بينفع يتثبت فى المرور الا مكنتها الاصليه
يعنى لو جبت مكنة لانسر او تويوتا المرور مش بيرضي ؟

متابع
وشكرا جزيلا

الBYD أحسن عربية تاكسي في السوق بسعر معقول ... أشيك من عربيات كتير في فئات أعلي منها و موتورها كويس و مفيهاش مشاكل و أعلي من الverna و في نفس الوقت منتشرة صيانتها سهلة بس أرجوك بلاش تقلبها غاز لأنك كدة بتقتل الموتور ... ممكن تطلبها special order غاز من الوكيل أحسن لأن المواتير المخصصة لحرق البنزين لو حرقت حاجة غيره هتتبهدل حتي و لو بعد 100000 كم

[wael6]

الBYD أحسن عربية تاكسي في السوق بسعر معقول ... أشيك من عربيات كتير في فئات أعلي منها و موتورها كويس و مفيهاش مشاكل و أعلي من الverna و في نفس الوقت منتشرة صيانتها سهلة بس أرجوك بلاش تقلبها غاز لأنك كدة بتقتل الموتور ... ممكن تطلبها special order غاز من الوكيل أحسن لأن المواتير المخصصة لحرق البنزين لو حرقت حاجة غيره هتتبهدل حتي و لو بعد 100000 كم

ممكن من فضلك
اعرف تفاصيل special order غاز
السعر والمواصفات
ولازم اطلبه انا مباشرة من الوكيل ولا ممكن اقول للتاجر عليه
اكمن هيكون فى نمر اجره فلازم التاجر هيكون فى النص ؟

وشكرا جزيلا

[ENG.MaRk]

ممكن من فضلك
اعرف تفاصيل special order غاز
السعر والمواصفات
ولازم اطلبه انا مباشرة من الوكيل ولا ممكن اقول للتاجر عليه
اكمن هيكون فى نمر اجره فلازم التاجر هيكون فى النص ؟

وشكرا جزيلا

التفاصيل ديه أنا مش متأكد منها و مش حابب أفتي بس روح اتأكد بنفسك من الوكيل أفضل

[mif]

ا

1- اجيب فيرنا اوتوماتيك مستعمله بحالة كويسه ؟
وبكده هدفع فرق قليل او يمكن مدفعش ؟

2- اجيب فيرنا اوتوماتيك زيرو ؟
هدفع فرق كبير ميقلش عن 50 الف ج ؟ وده مش متوفر معايا ؟
وهلاقي صعوبة فى تقسيطه ؟

ممكن تعمل حل بسيط طالما انت عربيتك معاك من الزيرو و محافظ عليها
ممكن تقلبها اوتوماتيك ... اسائل فى التوكيل تكلف كام ... لو مبلغ معقول اعملها عندهم و بكدا تبقى انت في السليم
و لو مبلغ مبالغ فيه .... حتدور على حد متخصص و عمل الحكاية دي قبل كدا .... و ممكن تجيب فتيس استيراد او جديد.

3- ايه رايكم فى النيسان صني الجديدة ؟
بشتغل ع الغاز حلو ولالا ؟
وطبعا هدفع فرق كبير هيعدي 70 الف ج ؟ وبرده مش متوفر معايا ؟
وهلاقي صعوبة فى تقسيطه ؟
[COLOR="rgb(139, 0, 0)"]يا راجل يا طيب دي عربية ماتفعش ملاكي فاكيد مش حتنفع اجرة
دي اضعف صاج فى مصر تقريبا .... هي عربية عكس فكر الاجرة تماما صيانات غالية جدا و قطع غيار غالية جدا و مش معمرة بتجربة ملاكها داخل و خارج مصر استهلاكها عالي و لو قلبتها غاز يبقى انت عايز تدفع الالفات كل سنة فى تغيير المكنة

ماتنفعش تاكسي

اعتقد ان الاختيار الاول هيكون مثالى
بس انا خايف من المستعمل خصوصا الاجره ولا ايه رايكم ؟[COLOR="rgb(139, 0, 0)"]
عربيتك انت ضامنها .... و طالما معاك عربية ماتغيرهاش .... عدل فيها بما يناسبك[/COLOR]
وهنا ليا سؤال

انا طبعان مش حابب الفيرنا اوى لفترة طويلة فى السواقه
لان دواستها ضيقة وواطيه عن الارض وضيقه فى الشنطة والكنبة
بس السوق فى البيع والشرا هو حاكم علينا بكده

فلو جبت فيرنا اوتوماتيك هحس براحه
ولا هى هى ؟
[COLOR="rgb(139, 0, 0)"]ااكيد حتحس براحة طبعا و لكن استهلاك البنزين حيبقى ازيد قليلا[/COLOR]
ولازم من الافضل ان اغير الفيرنا كلها
واجيب مثلا نيسان صنى اوتوماتيك ؟
[COLOR="rgb(139, 0, 0)"]اوعي حد يلعب فى دماغك و يقولك ياباني و الهري الفاضي دا.... ابعد عن صني

لو عايز تغير ممكن تجيب البي واي دي و لكن سعر اعادة بيع اقل و عمر اقل و مصروفها اكبر من الفرنا

زى ما قولت لك لو عايز تصرف بسيط دور على واحد محترف و فتيس اوتوماتيك استيراد و سقطه و اركب عربيتك اللى انت عارفها بشكل جديد[/COLOR]
[/color]

[wael6]

ان شاء الله بدأت احصر تفكيرى فى الآتى
1- التعديل بس مش عارف هيكون عملى وزى الفبريكا ولالا ؟
ممكن اعرف رقم توكيل غبور كام ؟
2- انى ابيع الفيرنا المانيوال واجيب الفيرنا اوتوماتيك زيرو
3- او انى اشوف عربية فيرنا اوتوماتيك كسر زيرو (هل تنصحون بالاوتوماتيك المستعمل ولالا ؟ )

متابع حضراتكم
ولكم جميعا جزيل الشكر
وكل عام وانتم بخير
رمضان كريم

[mif]

الثلاثة اقتراحات كويسين و كل واحد بسعره
ان شاء الله بدأت احصر تفكيرى فى الآتى
1- التعديل بس مش عارف هيكون عملى وزى الفبريكا ولالا ؟
اعتقد دا الاقتراح الارخص بالنسبة لك
ممكن اعرف رقم توكيل غبور كام ؟
الخط الساخن 16661
كيلو 28 طريق مصر-اسكندرية الصحراوى - المنطقة الصناعية أبو رواش , الجيزة , مصر

الرقم البريدي : 60 القرية الذكية

تليفون: +20 (0) 239100485

فاكس: +20 (0) 2 3539 0139

2- انى ابيع الفيرنا المانيوال واجيب الفيرنا اوتوماتيك زيرو
دا حيكون الاختيار الاكثر تكلفة و ممكن تدخل فى حسبة 20-25 و هو الاختيار الاضمن
3- او انى اشوف عربية فيرنا اوتوماتيك كسر زيرو (هل تنصحون بالاوتوماتيك المستعمل ولالا ؟ )
ممكن بس تكشف كويس جدا و ممكن تكشف فى التوكيل

متابع حضراتكم
ولكم جميعا جزيل الشكر
وكل عام وانتم بخير
رمضان كريم