اوبترا-صني-اكسنت-سياز

[arateb]

السلام عليكم يا شباب دلوقتي انا بعت عربيتي وهشتري عربيه في حدود ١٢٠ الي ١٣٠ الف يهمني الوسع و سعر أعاده البيع و التوكيل قدامي الاختيارات الاتيه
أوبترا الجديده (عجباني كمالياتها بس بيقولو صيني)
صني الشكل القديم (بس جديده)
اكسنت أر بي
سوزوكي سياز

يا ريت تساعدوني لأَنِّي محتار و مش عارف انهي الأفضل مع العلم أني مبغيرش العربيه الا كل عشر سنين
شكرًا

[hesham fawzy h]

شارك و ريح نفسك ..

[ahmzd]

الوسع: كله ما عدا الصني ( هي أضيق واحدة فيهم لكن ماشي الحال وشوف بنفسك )
سعر إعادة البيع (حتى الآن) : أكسنت وصني، صني وأكسنت!
التوكيل: كله زفت!
عموما رأيي السياز كصفقة على بعضها وفي المجمل هي أحسن اختيار حاليا.. بتحقق الوسع والكماليات وتوفير البنزين والشكل الجميل الحديث والفتيس المحترم.. أما بالنسبة لسعر إعادة البيع لا يمكن الحكم عليها الآن لأنها سيارة جديدة جدا على السوق المصري ولم يتم تداولها بيعا وشراء كمستعمل، ولكن انتشارها السريع وحجم الإقبال عليها مبشّر بالخير.. وأما بالنسبة للتوكيل فالكلام المتداول عنه حاليا أنه يحاول إثبات وجوده من خلال تحسين مستوى الأداء العام بيعا وصيانة.. والله أعلم.