الجولف 4 ولا الانسر

[ahmed dahmash]

السلام عليكم ..
عاوز اشترى عربيه.
ومحتاروبفكر فى جولف 4 .او لانسر بوما.
مع العلم انى مبمشيش بالعربيه كتير .
يعنى ممكن فى الاسبوع مره .
محتاج الافاده من حضراتكم .
واكون شاكر جدا ليكم.

[egyplan]

معلش مينفعش تقارن الجولف باللانسر
اللانسر يكسب فى كل اوجهه المقارنة
- قطع غيار ارخص
- اعطال اقل
- اصبحت محفوظة فى التصليح فمش هتغلب تروح تدور على مركز متخصص او توكيل
- قطع غيار منتشرة فى كل حى وكل مكان
- سرعة بيع وانتشار رهيب
- تكييف أقوى بمراحل
- سيدان وليست هاتش باك مثل الجولف يعنى حضرتك تقدر تحط فيها شنط السفر العائلية

الجولف تتميز بالثبات بس ده طبعا لو هتطير بالعربية على 180 ( وطبعا اى عربية مستعملة من الصعوبة تجيب الرقم ده) انهما فى حدود السرعات المعقولة 140 (طبعا عشان الطرق فى مصر اغلبها لا تصلح لاكثر من هذه السرعة) يبقى تتساوى مع اللانسر