If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
بص انا هاسعدك في مميزات و عيوب الشارك
لاني عارفها كويس لكن الباقي مش عارفهم اوي
المميزات :
1.السحب
2 إعادة البيع
3.شكلها حلو
4.النعومة
5.لو الهاي لاين بتبقي حلوة من جوة
6. استهلاك البنزين
7.قطع الغيار متوسطة
8.عالية عن الارض
9.الثبات ممتاز
العيوب
1.العزل
2.لو البيز لاين مبتبقاش حلوة اوي من جوة
3.الموتور صوتة عالي
4.صاجها مش قوي اوي
الريو معرفش عنها حاجة و التبدا اعتقد انها عربية ممتازة بس اعادة البيع و قطع الغيار مش مضمونين
الشارك عيبها الأزلى العزل سواء للحرارة أو صوت المكنة العااااالى جدا جوه العربية
التيدا أفضل لو أنت مبتغيرش العربية على طوووول
الريو المكنة بتاعتها ضعيفة
شكرا يا Hugan بس ممكن اعرف لو سمحت اية مزايا وعيوب كل واحدة فيهم
أنا ممكن أفيد حضرتك كخبرة شخصة عن النيسان التيدا كمميزات وعيوب .
أولا المميزات :
عربية تقفيل تايلاندي بمواصفات وخامات عالية
الصالون واسع وسع غير طبيعي متلاقيهوش في معظم العربيات الصالون مش الهاتشباك
الشنطة واسعة جدا برضة .
صاج متين جدا والأكصدامات بتقوم بالواجب وزيادة اوي عن تجربة خبطة مش قليلة وكنت فاكر أني هنزل الاقي الأكصدام علي الأرض لقيتة زي ما هو بس مخدوش خدش بسيط
تكييف تلاجة , Dual
عربية راسية جدا علي الطريق 170 وزي الفل حتي في الملفات
الباور بتاعها خرافي , حاجة كدة تشرح القلب
نيجي للعيوب بقي :
العربية فيها حاجاة غريبة في السحب , ان سحبها لحد 100 أو احيانا 120 كويس ,هو مش ممتاز بس كويس .
بعد ال 120 تحس انها مش راضية تزود برغم ان ال RPM بيبقي لسة مجابش 3 اصلا (ودي ميزة من ناحية تانية أنها اقتصادية في البنزين ). هو اينعم بتجري بعد كدة بس بتأخد وقت , ف متنفعش في الشد مع حد
الأوبشن في العربية فقير علي سعرها , هيا سعرها تقريبا 165 وهيا فئة واحدة الجنوط 15 بدون فتحة سقف ولا سينسور بارك ولا زجاج ملون من غير زينون أو لدات . زي ما قلتلك اوبشناتها عادية قوي مقارنة بسعرها
التابوة بتاعها كبيرة ومنظم بس فقير برضة مفيهوش رفاهية كتير ودة ممكن سمة عامة في الياباني .
انا مش عارف عن باقي العربيات بصراحة لكن أعتقد الشارك أو الريو ممكن يبقوا ارخص ب حوالي 20 أو 25 الف ودة سعر مش قليل وهتركب بيه عربيات محترمة جدا .
التيدا عربية ممتازة وأعتمادية قوي قوي قوي وموفرة للبنزين جدا بس مش هتحس معاها برفاهية كبيرة , قطع غيارها وصيانتها في المعقول كعربية جديدة , بس طبعا مش رخيصة .
أنا في المقارنة دي صوتي للشارك , بس خد بالك من العزل السيء وصوت الموتور , ولو انت ناوي متغيرش في خلال فترة قريبة فكر في الريو أحسن , شكل جديد ورفاهية الكوري ونعومتة .
معلش علي الكومنت الطويل شويتين
Comment