سيات توليدو ، السي اليزية ، النيو لوجان ، السياز

[Ahmed Salah AD]

السلام عليكم

انا في حيرة من أمري ، انا عاوز عربيه تكون ثابته معايا وسحبها قوي موتور قوي
وفي نفس الوقت تكون بتكنولوجيا حديثه وتكون مزوذه بوسائل الرفاهيه ، ايضاً صاج قوي وتقفيل مُحترم

انا مش فارق معايا نقطة اعادة البيع او حتي لو بعض العيوب البسيطه اللي ممكن تتعالج مع الوقت
عاوز أحس اني راكب عربيه مُحترمه انا ميزانيتي لحد 130 ألف ، انا عارف انه صعب كل الامكانيات دي تكون متوفرة بالسهوله دي ..

انا بفاضل بين الفئات دي

سيات توليدو ، السي اليزية ، النيو لوجان ، السياز

اللي ينصحي باأي عربيه منهم ياريت يقولي الاسباب عشان اقتنع

ولو في حاجه افضل في نفس الميزانيه ياريت النصيحه

شكراً جداً

[ahmzd]

لو في توليدو ب 130 هتبقى أحسن اختيار، عربية ألماني أسباني، قوة ومتانة ورفاهية وحداثة وكل حاجة.. بعدها السيتروين.. بعدها اللوجان.. بعدها السياز.. ممكن تكون السياز أوفرهم في استهلاك البنزين وأكثرهم في الكماليات، بس الأكيد أنهاأضعفهم.. والله أعلم.

[Dr. Assem]

اللوجان كويسة. اتهيالي السعر ده يجيبلك الهاي لاين. يعني اوبشنز بالهبل مقارنة بنفس الفئة السعرية. عربية ثابتة مشاكلها قليلة. توكيل احسن من غيره كتير. عالية عن الارض.

[eng_amg]

اللوجان كويسة. اتهيالي السعر ده يجيبلك الهاي لاين. يعني اوبشنز بالهبل مقارنة بنفس الفئة السعرية. عربية ثابتة مشاكلها قليلة. توكيل احسن من غيره كتير. عالية عن الارض.

اللوجان جيدة كسيارة مدينة. ولكن ليست متزنة إطلاقااااا

[ENG.MaRk]

توليدو طبعاً

[memo_p910]

توليدو

[Dr. Assem]

اللوجان جيدة كسيارة مدينة. ولكن ليست متزنة إطلاقااااا

ممكن تفاصيل عن عدم اتزان اللوجان. علشان تعم الفائدة

شكرا :)

[eng_amg]

ممكن تفاصيل عن عدم اتزان اللوجان. علشان تعم الفائدة

شكرا :)

العربية عالية عن الارض بشكل كبير. ممكن تلاحظها لمل تركب عربية تانيا وتعدي جنبك.
وعمليا انا سوقتها اكثر من مرة (الشكل الجديد طبعا) حتي علي سرعة 90 الملفات غير موزونة بها.
آخر مرة كنا علي طريق بورسعيد معانا 3 عربيات. اوبترا ولانسر ولوجان. لما ركبت في اللوجان فعلا كان الفرق واضح.

[Hisham_1]

توليدو سياز ستروين لوجان

[h_1985]

التوليدو يس هى فين اصلا العربية مش موجودة فى الشارع خالص

[ahmzd]

أنا شفت اللوجان إمبارح وسمعت صوت موتورها وهو شغال.. كأنها سولار مش بنزين!! بصراحة مفيش أنعم ولا أحسن ولا أقل استهلاكا للبنزين ولا أحسن سحبا من مواتير الياباني، وعموما التوليدو مش ووجودة فعلا خالص، وأنا لفّيت عليها كتير وفي الآخر حجزت نبسان سنترا ودعواتكم لأني هأستلمها بعد يومين بإذن الله لما أبيع الأوبترا وأكمّل الفلوس إن شاء الله.

[arc_sherif_81]

انت كده رحت لفئه مختلفه تماما
مبروك مقدما

[mohmet]

التوليدو ديه انت بتاخد بيها ريسك عربيه مش موجوده في الشارع اساسا الاليزيه منتشره عنها
لو مكانك هاروح للسياز ..... ما شاء الله ابتديت اشوفها

[MaZaGAngeE]

سياز افضل ..
العربيات الياباني او اللي اصولها ياباني بيكون اعتماديتها افضل و قطع غيارها ارخص و سوق بيعها احسن من الاوروبي

[abdulkhaleq]

توليدو
سياز
لوجان
سيتروين