افتراضي أوتوماتيك زيرو ب 150 ألف - ساعدوني .

[egmi]

بقالي شهر عمّال الف واسأل ومحتاس ومش عارف اقرر .. بالله عليكم ساعدوني
معايا 150 ألف ومكن يزيدوا ل 155 , عاوز عربيه زيرو اوتوماتيك

أهم حاجه عندي في العربيه " الاعتماديه " , عاوز عربيه بتسحب وثابته وبتسافر وتروح وتيجي ويكون ال safety فيها عالي , وتكون قطع غيارها موجوده , اكيد عاوز كماليات في العربيه , بس مش هيّا الاساس يعني , يعني الدلع الزياده , مش فارق معايا اوي ... وبردو موضوع اعادة البيع مش فارق معايا اوي .

الاختيارات الي قدّامي في السعر ده :

شارك الفئه الثالثه
سوزوكي سياز
شيفروليه كروز
بريليانس V5

ساعدوني والنبي ...
و لو حد عنده اقتراح احسن برّه دول يا ريت يقول

وشكراً مقدماً

[د.هشام]

شارك أو كروز

[ashouhdy]

تحديث 20 مايو 2015
مواصفات شيفورلية كروز 2015
#مواصفات_كروز 2015 لو في حاجة ناقصة نضيفها.
موتور 1600 بقوة 116حصان و عزم 155نيوتن بيشتغل عادى جدا ببنزين92 حديث
فتيس 6 سرعات ستيبترونيك حديث مطور بكود 6t30 من اول 2014
4 ازاز كهربا بلمسة واحدة
اشارات بالمرايا
تصفيح بالكامل اسفل السيارة
فولو مي لايتس لما تنزل تضرب رعاش تفضل منورة لحد 2 دقيقة
فوج لايتس اصلي
اصوات تنبية عند ترك فرامل اليد مرفوعة والسير بالعربية
اصوات تنبية عند ترك الاشارة مضاءة فترة كبيرة
اصوات تنبية عند ترك اى انوار مضاءة ونزلت من العربية
صوت الانتظار بعد فترة جوة العربية والمفتاح متشال بيقلب صامت
سنترلوك بأنذار فابريقة مش راكب في التوكيل
ايمبوليزر الجيل الخامس احدث جيل
طارة مالتي فانكشن
حامل اكواب متحرك
كاسيت سي دى ام بي 3 ب aux
كاسيت العربية auto volume الصوت بيعلي و يوطي اوتوماتيك حسب الضوضاء
تحكم منفصل للاكواليزر واعدادت صوت الكاسيت للراديو والسي دي وال aux
أمكانية ضبط صوت الكاسيت العلو عند الفتح اوتوماتيك عشان لا تفاجأ بعلو الصوت
كاسيت العربية صوت قوى جدا بأربع سماعات 45وات في 4 سماعات
تحكم في اعدادت العربية من الكاسيت مثل الاشارات الانوار وصوت الكلاكس مع الغلق
فصل اوتوماتيك لكل كهربا العربية بعد 10 دقايق لضمان الحفاظ عالبطارية
تكييف بحساس الكنرونى لقياس مدى نسبة الاوكسجين بالكابينة
ازاز العربية حرارى 30% عزل حرارة
عفشة بتصميم رياضي
تصفيح للموتور كامل امامي
مرايات تحكم كهرباء بدون ضم
فتح الشنطة بالكامل فتحة كاملة من ريموت العربية
دركسيون تليسكوبي بيتحرك برة وجوة وفوق وتحت
كرسي السائق 6 اتجاهات وبيعلى ويوطي
كمبيوتر كامل بيتحكم في العربية يقرا اى اعطال وينبهك ليها
كمبيوتر رحلات
كمبيوتر لحساب استهلاك البنزين اللحظي ولكل 100ك متر
كمبيوتر يحسب الكيلومترات المتبقية بالبنزين اللي في العربية
دواسة البنزين كهربا مش على سلك واير
عزل مضاعف للعربية في الكابوت والشنطة والابواب على 2 كاوتش تخين و موكيت شمواة
عزل اسفل الابواب لمنع دخول المياة بكاوتش مخصوص
جنوط مقاس 16 بكاوتش عريض 205 على 60
مسامير الجنوط صلب مش زهر ذى الكورولا الجديدة
تصميم رياضي للعفشة من المساعدين والسوست الخلفية للثبات
ارتفاع العربية 16 سنتي عن الارض
ديسكات فرامل امامية وخلفية بقطر كبير
ABS نظام مانع للانغلاق
EBD توزيع الكتروني للفرامل على كل فردة كاوتش على حدى
TC تراكشن كنترول لمنع انزلاق السيارة او الكاوتش
ESP نظان اتزان الكترونى لمنع تعويم العربية عالملفات والغرز او الطرق الزلقة
Brake Assist معزز فرامل للطوارئ
2 Airbags
مخدع امامي بدرج كبير متحرك
حامل اكواب في كل باب
2 مخرج كهرباء امامي وخلفي للركاب الخلفيين
شنطة العربية واسعة جدا ماشاء الله بحر وعريضة
الدرج الامامي بلمبة اضاءة وواسع جدا
اضاءة انوار السيارة والتابلوة عند فتح الباب
اضاءة انوار صالون السيارة عند فتح العربية من الريموت
غلق اوتوماتيك للسنتر عند الوصول لسرعة 10كيلومتر

[M.Elwan]

الكروز اختيار مناسب مع الاخذ بالاعتبار انها متفوقة على منافسيها بفتيس 6 سرعات ووجود نظام الثبات الالكترونى esp
وسعرها في ميزانيتك بالظبط 149,990
بس لازم تاخد بالك من نقطة مهمة الفيس ليفت بتاع الموديل ده وصل مصر ومنتظر طرحه خلال شهرين او بعد نفاذ الشكل الموجود حاليا من عند منصور

[ahmzd]

كروز طبعا، وهناك أيضا سيارة ممتازة بدأت تنتشر في مصر وتأخذ حقها في السمعة الطيبة والإقبال الجيد عليها، وهي نيسان سنترا.. وسعرها يبدأ من 150 وحتى 170 ألف جنيها.. والعبد لله حجز منها الفئة ذات ال 160 ألفا وسيتم الاستلام خلال يومين بإذن الله تعالى.