ايهما افضل لانسر 99 ام لوجان 2010

[dr000638]

امامى لانسر 99 صاحبها طالب 52 اشترى ولا استنى لوجان 2010 ممكن توصل ل 60

[graffittiii]

فرق 11 سنة وتكنولوجي أحدث بـ 8000 ج ... متهيألي fair جدا
لوجان وإنت مغمض لو إنت واثق ان العربية سليمة .

[ahmed.galal78]

متابع

[eng_amg]

المقارنة غريبة شوية بس ححاول اثير نقطة مهمة.
وجهة نظر 1):
المتسوبيشي معايا موديل 2007 ومعايا عربيات اخرى اعلى فئة واقل فئة وكلهم اعلى موديل من المتسوبيشي لكن شهادة حق المتسوبيشي افضل عربية اعتمادية في نظري واكثر واحدة بعتمد عليها وبتغاضى عن صيانات وبصراحة عمرها مقلت معايا. دا غير اتزانها والاطمئنان وانت سايق في اي ظروف عارف انك حتاخد غرزة او حتفرمل حتجيبك.
فلو المتسوبيشي حالتها جيدة ومش حتصرف يبقى هات المتسوبيشي.
من وجهة النظر دي انا شخصيا اخد المتسوبيشي.

وجهة نظر 2):
فرق كبير في الكيلومتر والموديل والشيب لصالح الرينو.
ولو كان استخدامك للعربية داخل المدن ومش حتسافر بيها كتير ومش جراي يبقى توكل علي الله وهات الرينو. ودي وجهة نظر مراتي الي انا شايف انها تناسبها ولا تناسبني.

والاختيار لك طبعا

[ashraf_arief2003]

على فكرة موضوع اللوجان دى شاكك ان هى تبقى رينو دى داتشيا الرومانى بس اللى مش مصدق يشوف اللوجان فى المغرب البوليس المغربى جايبها وعليها علامة الداتشيا
والله اعلم وشكرااااا

[تامر.محمد]

اللوجان داتشيا فعلا مش رينو
بس عموما الفيصل هو تجربتها في الشارع عندنا في مصر

عموما في رأيي , اللانسر الكريستالة عربية حلوة , لكن فرق امكانيات اللانسر من اللوجان , ما يستاهلش فرق العمر بين دي و دي في رأيي

[dr000638]

انا بميل للأحدث اكتر لانها هتكون أسهل في البيع بإذن الله