اريد شراء سيارة ﻻ تزيد عن 80 الف مصرى, بماذا تنصحونى

[yahiaz]

السلام عليكم ورحمة الله وبركاته

كل عام وانتم بخير, كنت عايز اسأل الخبراء هنا عن شوية حاجات:

انا لسة حروح ان شاء الله اتعلم السواقة جديد, حروح مركز لتعليم القيادة, هل كل المراكز زى بعضها مش فارقة وﻻ فى مراكز كويسة ياريت تفيدونا ؟

مدة التعليم بتبقى اد ايه وهل المركز بيعلم كل حاجة ؟

وهل ينفع بعد ما اخلص تعليم فى المركز اسوق على طول وﻻ ﻻزم اتدرب اﻻول فترة معينة ؟

وبعد ما اتعلم السواقة كنت عايز اجيب عربية, تنصحونى اجيب جديد وﻻ مستعمل ؟

انا كنت شوفت على النت وكنت محتار بين العربيات دى :
سوزوكى التو 59
شيفروليه ﻻنوس 79
هيونداى اى 10 80.5
شيفروليه ﻻنوس فول اوبشن 83
رينو لوجان 87
كيا بيكانتو 90 الف

وكلهم مانويل

هل تنصحونى اجيب مانويل وﻻ اتوماتيك اوﻻ, وهل فرق السعر بين المانويل واﻻتوماتيك يستاهل ؟

وهل فى اى عربيات تانية تنصحونى بيها تكون فى حدود ال 80 الف او اقل ؟

وهل تنصحونى بالجيد وﻻ المستعمل باعتبار انى لسه حتعلم السواقة ؟

وانهى احسن اجيب عربية كبيرة وﻻ هاتشباك ؟

مع العلم ان مشوارى غالبا حيبقى كل يوم حوالى 50 كم رايح و 50 كم جاى

معلش طولت عليكم

وجزاكم الله كل خير
وكل سنة وانتو طيبين وعيد سعيد عليكم

[mohamed-ahlawy]

لو مستعمل خليك في لانسر بومة موديل 2006 ل 2008 هتلاقيها في السعر دة
و هتلاقي مانيول و اوتوماتيك
انا شايف انك تجيها مانيول احسن
او اشتري لانوس فول اوبشن او فيرنا برضو الاثنين مانيول
الحاجات الي بقولك عليها اعادة بيعها ممتازة
و كمان قطع غيارها مترمية و رخيصة جدا
و سيبك من اللوجان علشان قطع غيارها غالية و صيانتها صعبة شوبة
لكن الباقي لا
او لو انت معندكش مشكلة في الصيني يبقي اشتري بي واي دي f3 عربية احسن من كل الي فوق
و قطع غيارها رخيصة جدا
بس اعادة بيعها مش حلوة اوي

[yahiaz]

لو مستعمل خليك في لانسر بومة موديل 2006 ل 2008 هتلاقيها في السعر دة
و هتلاقي مانيول و اوتوماتيك
انا شايف انك تجيها مانيول احسن
او اشتري لانوس فول اوبشن او فيرنا برضو الاثنين مانيول
الحاجات الي بقولك عليها اعادة بيعها ممتازة
و كمان قطع غيارها مترمية و رخيصة جدا
و سيبك من اللوجان علشان قطع غيارها غالية و صيانتها صعبة شوبة
لكن الباقي لا
او لو انت معندكش مشكلة في الصيني يبقي اشتري بي واي دي f3 عربية احسن من كل الي فوق
و قطع غيارها رخيصة جدا
بس اعادة بيعها مش حلوة اوي

ربنا يكرمك ويجازيك خير على الرد
يعنى انت رأيك اجيب جديد وﻻ مستعمل وانا لسه حتعلم سواقة جديد ؟
وموضوع العربيات الصينى, ماعتقدش ان هى كويسة وﻻ ايه ؟
ايه رأي حضرتك فى العربية دى مستعملة:
سيارات مستعملة | هيونداي | I10 | 1100 سي سي | موديل 2015 - 2118049 - ContactCars.com

[ahmedfor3]

من رائيى تجيب لانوس جديد افضل انتا متعرفش القديم ممكن يكرهك فى حاجه اسمها عربيه ولما تيجى تبعها ممكن تخسر
كتير وكده كده هتبيع علشان الجديد يبقى هات الجديد بالمره اضمن وموضوع العلام سهل وربنا يوفقك لما فيه الخير

[aw2100]

طالما لسه حتتعلم السواقه انصحك تجيب عربيه صغيرة تتعلم عليها مستعمله زىى الماروتى او الالتو او عربية لادا تكون بحاله كويسه لو صحتك كويسه وخبط بيها سنه وبعدين اشترى العربية اللى تحبها ميزه المستعمل فى البيع مابتخسرش كتير لكن ال0 بلاش ومبروك على اول عربية ليك !!

[hany_]

خليك فى المستعمل لان المبلغ اللى معاك مش هيجيبلك عربيه امكانيات و اويشنز على مستوى بس تقدر تجيب سياره مستعمله اوبشنز عالى و حاله ممتازه بالمبلغ ده ممكن تجيب لانسر بومه او هيونداى الانترا 2008 او هوندا سيفيك 2004 او سيتروين c4 مو 2006 العربيه دى تحفه بس قطع غيارلا غاليه و عايزه اعتناء او شيفورليه افيو او اوبترا 2012 او تويوتا ياريس 2006 عربيه ممتازه

[mohamed-ahlawy]

الصراحة انا معرفش في الجراند i10
بس ثانية واحدة هقرا عنها و احكيلك

[yahiaz]

من رائيى تجيب لانوس جديد افضل انتا متعرفش القديم ممكن يكرهك فى حاجه اسمها عربيه ولما تيجى تبعها ممكن تخسر
كتير وكده كده هتبيع علشان الجديد يبقى هات الجديد بالمره اضمن وموضوع العلام سهل وربنا يوفقك لما فيه الخير

شكرا جزيلا على الرد, والله انا كنت شايف كده برده اﻻول, بس خايف اجيب جديد وانا لسه بتعلم سواقة, ممكن ابوظها على اساس انى لسه بتعلم (سوء استخدام) وﻻ ايه راى حضرتك ؟

طالما لسه حتتعلم السواقه انصحك تجيب عربيه صغيرة تتعلم عليها مستعمله زىى الماروتى او الالتو او عربية لادا تكون بحاله كويسه لو صحتك كويسه وخبط بيها سنه وبعدين اشترى العربية اللى تحبها ميزه المستعمل فى البيع مابتخسرش كتير لكن ال0 بلاش ومبروك على اول عربية ليك !!

شكرا جزيلا على الرد, بس القديمة حاسس انها مش مضمونة ممكن تطلع فيها مشاكل مش ظاهرة, وتدوخنى بعد كده وﻻ ايه راى حضرتك ؟

خليك فى المستعمل لان المبلغ اللى معاك مش هيجيبلك عربيه امكانيات و اويشنز على مستوى بس تقدر تجيب سياره مستعمله اوبشنز عالى و حاله ممتازه بالمبلغ ده ممكن تجيب لانسر بومه او هيونداى الانترا 2008 او هوندا سيفيك 2004 او سيتروين c4 مو 2006 العربيه دى تحفه بس قطع غيارلا غاليه و عايزه اعتناء او شيفورليه افيو او اوبترا 2012 او تويوتا ياريس 2006 عربيه ممتازه

شكرا جزيلا على الرد, بس القديمة حاسس انها مش مضمونة ممكن تطلع فيها مشاكل مش ظاهرة, وتدوخنى بعد كده وﻻ ايه راى حضرتك ؟

الصراحة انا معرفش في الجراند i10
بس ثانية واحدة هقرا عنها و احكيلك

تمام, شكرا لحضرتك

[aw2100]

اشترى عربيه قديمه موديل مش عالى رخيصه اتعلم عليها بس اهم حاجه تشوف ميكانيكى معرفة يشتريها ليك على ضمانته ويقوم باعمال الصيانه ويتابعها وماتشتريش لوحدك وممكن تلاقى عربيه صديق او زميل عمل عاوز يبيع علشان يجدد ماتستعجلش على شراء عربيه وبرضه مانصحكش بالجديد دلوقتى فى كل الحالات !!!

[wael30003]

السلام عليكم ورحمة الله وبركاته

كل عام وانتم بخير, كنت عايز اسأل الخبراء هنا عن شوية حاجات:

انا لسة حروح ان شاء الله اتعلم السواقة جديد, حروح مركز لتعليم القيادة, هل كل المراكز زى بعضها مش فارقة وﻻ فى مراكز كويسة ياريت تفيدونا ؟
----طبعا مش كل المراكز زى بعضها اسأل الاول

مدة التعليم بتبقى اد ايه وهل المركز بيعلم كل حاجة ؟
-----غالبا ٦حصص وبيعلم الاساسيات فقط مش كل حاجة

وهل ينفع بعد ما اخلص تعليم فى المركز اسوق على طول وﻻ ﻻزم اتدرب اﻻول فترة معينة ؟
------لازم تدرب الاول فترة معينة

وبعد ما اتعلم السواقة كنت عايز اجيب عربية, تنصحونى اجيب جديد وﻻ مستعمل ؟
-----اشترى جديد بدون تفكير
انا كنت شوفت على النت وكنت محتار بين العربيات دى :
سوزوكى التو 59
شيفروليه ﻻنوس 79
هيونداى اى 10 80.5
شيفروليه ﻻنوس فول اوبشن 83
رينو لوجان 87
كيا بيكانتو 90 الف

وكلهم مانويل
اللوجان انا اشتريتها زيرو .....ممتازة وبدون مشاكل وقطع غيارها فى المتناول....وما تصدقش الا اللى جرب

هل تنصحونى اجيب مانويل وﻻ اتوماتيك اوﻻ, وهل فرق السعر بين المانويل واﻻتوماتيك يستاهل ؟
اشترى اوتوماتك وقسط الفرق

وهل فى اى عربيات تانية تنصحونى بيها تكون فى حدود ال 80 الف او اقل ؟
اى عربية زيرو فى نفس الفئة اعلى من ٨٠الف

وهل تنصحونى بالجيد وﻻ المستعمل باعتبار انى لسه حتعلم السواقة ؟

وانهى احسن اجيب عربية كبيرة وﻻ هاتشباك ؟
-----سيدان عشان الشنط والسفر واغراضك فى غير وقت السفر هتنفعك كتير

مع العلم ان مشوارى غالبا حيبقى كل يوم حوالى 50 كم رايح و 50 كم جاى
------ده ادعى انك تشترى جديد مش مستعمل

معلش طولت عليكم
ولا يهمك

وجزاكم الله كل خير

جزانا واياكم
وكل سنة وانتو طيبين وعيد سعيد عليكم

وانت طيب

[mohamed-ahlawy]

انا قرات واحد بيقول انها ناشفة شوية و ثباتها متوسط
و سحبها متوسط مش قوي و مش ضعيف اوي
غير كدة معرفش حاجة

[wael30003]

انا قرات واحد بيقول انها ناشفة شوية و ثباتها متوسط
و سحبها متوسط مش قوي و مش ضعيف اوي
غير كدة معرفش حاجة

هى مش ناشفة ولا ناعمة متوسطة وثباتها جيد وسحبها متوسط بس مش وحش

[ahmedfor3]

يا باشا الجديد جديد ده رائيى وموضوع تعليم السواقه ممكن ب 300 جنيه تتعلم وطلع الرخصه فى اى مدرسة سواقه
وتبقى ضحية بمبلغ لا يذكر مقارنة بعربيه مستعمله الله اعلم بحالها ده والله رائيى

[wael30003]

يا باشا الجديد جديد ده رائيى وموضوع تعليم السواقه ممكن ب 300 جنيه تتعلم وطلع الرخصه فى اى مدرسة سواقه
وتبقى ضحية بمبلغ لا يذكر مقارنة بعربيه مستعمله الله اعلم بحالها ده والله رائيى

[super_keko]

بوص يا ريس انا زيك بالظبط ولسة حتعلم السواقة ونفس المبلغ الي انت حتدفعة معاية

بوص انا سالت ناس كتير المستعمل احسن من الجديد لان الجديد اخرك حتجيب لانوس وعربية مش تمام خالص لانها مع اخويا

بوص ياريس والله بكلمك بكل امانة انت تجيب عربية كويسة مستعملة عدد كلومترات تكون قيلية لا تتعدي 90 الف علشان لما تيجي تستعملها وتعيد بيها ما تخصرش كتتتتتير

المهم هات عربية نضيفة تكون اوتوماتيك افضل لان عن نفسي انا كنت بتعلم في يوم مع اخويا مرة واحد في سوافة المنوال صعبة شوية و بتلخبتك في نقل الفتيس

واحنا دلوقتي في سنة 2015 يعني الافضل ليك الاوتوماتيك غير كدة حتعلمك بسرعة لان انت مش محتاج تعرف الدبرياش وخطواتة والله بقولك الكلام دة لوجة الله علشان برضة ربنا يكرمي انا كمان لان انا بدور علي عربية كويسة مستعملة المهم ابعد عن البيجو والشفرلية مشاكل الدنيا والاخرة في الفتيس الاوتوماتيك

واخيرا توكل علي الله