مقارنة امتلاك كورولا أو ميجان لمدة 10 سنوات

[د.محمود صلاح]

عاوز أعمل مقارنة ( بمشاركتكم طبعا ) بين امتلاك كورولا 2006 أو امتلاك ميجان 2006 لمدة 10 سنوات استخدام قياسى : -
الكرولا 1600 أعلى فئة 2006 مستعملة :-

1- سعرها حوالى 125 الف لو حالتها كويسة ...
2 - تكاليف صيانتها فى التوكيل على حسب الجدول لمدة 10 سنوات ( باعتبار 15 الف كم فى السنة ) .. حوالى 500 ج كل 10 الف يعنى 7500 ج فى ال 10 سنوات قول 10000 الاف
3 - فيها فرامل abs و2 اير باج وباور هيدروليكى وموتور ؟ VVT وكاسيت سى دى ومفتاح مشفر ومرايات كهربائى ضم وجنوط
4- لا يوجد فيها فتحة سقف ولا زجاج بلمسة واحدة ولا تحكم من الطارة ولا مثبت سرعة ولا ايرباج ذو مستويين للنفخ , ويشتكى ملاكها من عدم ثباتها فى السرعات . ولم تحصل الا على 4 نجوم فى الامان
5- سعر اعادة بيعها بعد 10 سنوات ( ان شاء الله ) بالقياس بسعر كرولا 98 الآن هو تقريبا 55 الف .

الميجان 2006 مستعملة اعلى فئة :-

1- سعرها حوالى 90 الف لو حالتها كويسة .
2- تكاليف صيانتها بالتوكيل لمدة 10 سنوات ( بفرض 15 الف كم فى السنة ) حوالى 17 الف ج متضمنة صيانة ال 60 وال 120 ذات ال 2000 ج .
3- فيها فرامل abs - ebd ,فتحة سقف , مثبت سرعة , تحكم من الطارة - كمبيوتر رحلات واعطال - حساسات مطر واضاءة - زجاج بلمسة واحدة - استيبترونيك - ثبات وعزل تام - تابلوه مبرد - اتبعنى للمنزل - زجاج حساس لوجود عائق ( رأس طفل مثلا ) -كول سنتر للعطل المفاجئ - وحدة رفع - نظام صوتى ب 6 سماعات - موتور cvvt - كاوتش عريض 205 وجنوط 16 - غلق الابواب الخلفية لسلامة الأطفال بتحكم من لوحة ازرار الزجاج ( وليس من جانب الباب الخلفى بعد فتحه ) -5 نجوم فى الامان ..... الخ
4 - من عيوبها موضوع تغيير الكويلات ب 2000 ج قول مرتين خلال ال 10 سنوات
5- سعر اعادة البيع بالفياس لميجان 98 الآن حوالى 40 الف
-------------------------
فبحسبة بسيطة أيهما تفضل ؟

[megane_man]

التفكير المصري هيقول تويوتا لأنه هيتقال دي مش محتاجة صيانة وسعرها هيفضل زي ماهو يعني شاريها ب 125 هيفضل سعرها 125 ويمكن يزيد والميجان عاوزة توكيل ماش وراها وبعد 10 سنين هيوزعوها ببلاش
التفكير المتميز هيقول ميجان عربية قوية أمان متميزة برسيج مش كل من هب ودب راكيبها

[Amr_Moh]

بحسبة بسيطة
125000-55000= 70000 down
90000-40000= 50000 down

[د.محمود صلاح]

بحسبة بسيطة
125000-55000= 70000 down
90000-40000= 50000 down

هذا بخلاف الكم الهائل من المواصفات لصالح الميجان وكذلك وسائل الامان

[أبو عبدالله]

أولا انا ليا رأي ان الموضوع اساسا ليس مكانه هنا
بما ان حضرتك بتعمل مقارنة بين كورولا وميجان مينفعشي اروح ساحة احد العربيتين واحط فيها الموضوع
منعا للتحييز اين كان منين

فأنا اطالب الادارة بنقل المضوع لساحة المقارنات

ثانيا نيجي بقه لبعض النقاط التي اراها في وجهة نظري المتواضعه انها ليست في محلها او ليست صحيحة في القياس بتاعها مثل :

2 - تكاليف صيانتها فى التوكيل على حسب الجدول لمدة 10 سنوات ( باعتبار 15 الف كم فى السنة ) .. حوالى 500 ج كل 10 الف يعنى 7500 ج فى ال 10 سنوات قول 10000 الاف

للأسف الكورولا لو مش عاوز تشوف التوكيل او تعرف اسمه ايه اصلا
فمن السهل عليك لو مالك كورولا انك لن تذهب بها للوكيل ابدا ولو وصلت للــ 200 الف كيلو وده عن تجارب لكل موديلات الكورولا وليس موديل واحد

فمن السهل عليك ان تجد من يمتلك كورولا الأن موديل 2001 او اعلى عامل اكتر من 150 او 200 الف كم ولم يذهب قط لأي مركز صيانة ليعمل صينة للعربيه

اما الموضوع هذا في الميجان فلن تستطيع ان تفعله ولو استطعت فأنا اؤكدلك انه لا يقارن بنسبة حدوثه في الكورولا ابدا

يعني انا لو قلت لحضرتك ان احتمالات الكورولا تروح التوكيل في 200 الف كم الأولى
يبقى الاحتمال 1 او 2 في الميه

اما الميجان فانا أظن ان الأحتمال لن يقل عن 50 %


يبقى النقطه الثانيه بدون الدخول في تفاصيل كتير

ان الكورولا من السهل عليك الأستغناء عن كل هذه التكلفة وتبقى مقتصرة على فلتر زيت وزيت بس غير كده مفيش
اما الميجان فلن تستطيع

لا يوجد فيها فتحة سقف ولا زجاج بلمسة واحدة ولا تحكم من الطارة ولا مثبت سرعة ولا ايرباج ذو مستويين للنفخ , ويشتكى ملاكها من عدم ثباتها فى السرعات . ولم تحصل الا على 4 نجوم فى الامان

الكورولا 1600 اعلى فئة التي تباع مستعمله بــ 125 الف
يوجد منها بفتحة سقف ودي اعلى فئة في الكورولا وموجوده فعلا

والزجاج بلمسة واحده موجود ولكن زرار السائق فقط

اما مسالة الثبات فانا اتحدى اي واحد ياتي بكورولا 1600 ذات الجنوط 15 ويقولي دي ثباتها مش عارف ايه

المشكلة في الكورولا ليس ثباتها
المشكلة مقاسات الكاوتش بتاعها اللي نازل فيها فعلا

5- سعر اعادة بيعها بعد 10 سنوات ( ان شاء الله ) بالقياس بسعر كرولا 98 الآن هو تقريبا 55 الف .

دي بقه نقطه صاعبه قوي قوي لعدة اسباب

انت عارف حضرتك الكورولا موديل 98 اللي اشتراها في سنتها اشتراها بكام ودلوقتي بيبعها بكام

ما هو لو بمقياس حضرتك ان لو احنا في سنة 1998 واشتريت كورولا عيون ساعتها وهيا كانت ايامها على ما اتذكر بالظبط كانت بــ 58 او 62 الف جنيه

لو احنا في سنة 98 تفتكر هنقول ان العربيه دي بعد 10 سنين هتبقى بــ 55 الف جنيه

مظنش ابدا ولا في الأحلام كان حد يقدر يقول كده

طيب الكورولا موديل 94 كانت بتتباع في حدود 40 الف جنيه ودلوقتي بتتباع في الخمسينات برضه

يعني مقياس غير مظبوط


يبقى في النهاية في نقطتين مهمين :

اول واحده ان الكورولا لست من الضروري انك تذهب لصيانتها في توكيلها
يعني مش عاوز اقولك ان اكتر من 70 % من ملاك الكورولا مبيروحوش التوكيل من اساسه ولا يعرفوه
يعني التكلفة بتاعتها غير ملزمة ومن السهل الأستغناء عنها

ثانيا ان سعر اعادة البيع ليس صحيح بالمره وليس في محله
مع اخذ في الاعتبار ان الميجان القديمة مالهاش سوق من اساسه علشان تتباع
يعني الكورولا لو قولت هبيع هتلاقي الناس واقفه امامك تشتري اما الميجان اظن انه من الصعب الحصول على مشتري لها

يبقى الحسبة مش كده خالص وهناك فارق يعتبر واظن والله اعلم ان الموضوع مش محتاج ان الواحد يتحدث بالتفصيل اكتر لأن السوق واضح ومحلل كل حاجه لوحده

ثانيا اخي الفاضل ميجان مان

اعذرني ولكن مسألة تفكير مصري وتفكير متميز ده فيه شئ من التشدد شويه

يعني مش شرط ان حضرتك بتحب التمييز يبقى الناس التانيه عاديه وان التفكير بتاعهم عادي
لأن ده مالوش علاقة بتمييز التفكير خالص

اعذرني اساس اختيار اي واحد لأي سيارة التكلفة في المقام الاول وليس التمييز
ممكن التمييز يأتي في المرتبه التالية ولكن هناك معادلة بين كل الاولويات وليس اوليه على حساب اخرى

وهذا اراه الفكر المتوسط اي الوسطيه بين كل الاولويات

[احمد عز]

thxxxxxxxxxxxx

[د.محمود صلاح]

شكرا على المشاركات والردود ...

[saysayed]

اللهم صل على النبي