عربيتك من اختيارك

[د.اسماعيل النجار]

فين الاقى
انعم عفشة/اريح صالون/اهدأ صوت موتور وكاوتش وهوا(احسن عزل)/اقوى عزم وتسارع/احسن وسائل امان/اشيك شكل خارجى وداخلى/سعة لترية 2000 سي سي فاقل
هل ممكن الاقى التركيبة دى فى عربية واحدة او معظم بنودها

[hesham fawzy h]

فى حدود كام

[monamize4]

المواصفات دى ماتتجمعش الا ف المرسيدس فقط و مش هتلاقيها حتى ف البى ام فى

[svneleven]

F30 320i.

[Fawzy.Abdelnour]

فعلا مرسيدس فقط.
bmw كلها تقريباً عفشه سبورت, بتكون انشف من المرسيدس.
و تبقى افضل بكتير لو E-Class
C-Class عفشتها انشف شويه.
حاطت ميزانيه كام؟؟

[ENG.MaRk]

لو الbudget في حدود 300 يبقي Peugeot 508 أو Opel insignia أو Ford Fusion و لو الbudget في حدود 400 يبقي Volvo S60 أو S80 و لو في حدود 500 يبقي C180 أو 320i F30 أو Audi A4 و أي حاجة بسعر أعلي من 500 هتلاقي فيها اللي انت عايزه ^_^

[د.اسماعيل النجار]

فى حدود كام

----------------------------------------------------------------------------------
كنت منتظر اشوف كام عربية واعمل مقارنه المهم راحة الركوب بغض النظر عن السعر

[د.اسماعيل النجار]

المواصفات دى ماتتجمعش الا ف المرسيدس فقط و مش هتلاقيها حتى ف البى ام فى

---------------------------------------------------------------------------------------------------
احييك على الجملة الاخيرة لسببين
1-فهمت متطلباتى من العربية
2-البى ام معظمها عفشة رياضية وخلوص واطى عشان الثباتو والمناورة
والمرسيدس طبعا من الخيارات اللى فى ذهنى لكن لسة الموديل

[د.اسماعيل النجار]

f30 320i.

-------------------------------------------------------------------------
انظر الرد السابق

[د.اسماعيل النجار]

فعلا مرسيدس فقط.
Bmw كلها تقريباً عفشه سبورت, بتكون انشف من المرسيدس.
و تبقى افضل بكتير لو e-class
c-class عفشتها انشف شويه.
حاطت ميزانيه كام؟؟

-------------------------------------------------------------------------
انت بتقرا افكارى
ياجماعة انا ماكنتش عايز اقول اللى بفكر فيه عشان مااثرش على اختياراتكم
لكن لااخفى عليك انى فكرت مابين سى 180 الجديدة واى 200 2010

[د.اسماعيل النجار]

لو الbudget في حدود 300 يبقي peugeot 508 أو opel insignia أو ford fusion و لو الbudget في حدود 400 يبقي volvo s60 أو s80 و لو في حدود 500 يبقي c180 أو 320i f30 أو audi a4 و أي حاجة بسعر أعلي من 500 هتلاقي فيها اللي انت عايزه ^_^

-----------------------------------------------------------------------------------------------
واحشنى مهندس مارك واحييك لثباتك على موقفك
1-كل العربيات اللى اخترتها اوروبى
2-مازالت البيجو 508 لها مكانة فى قلبك وعقلك
3- كسرت كل التابوهات والثوابت التى جعلها الناس امرا مسلما به وهى(انعن واريح عربية اليابانى)

[د.اسماعيل النجار]

ياجماعة اشكركم جدا على الاهتمام والرد لكن انا عايز اختار العربية بنفسى من خلالكم وعشان كده موضوعى فى صيغة سؤال ايه العربية بالاسم والموديل اللى بتتوفر فيها كل او معظم شروط الراحة والهدوء والرفاهية؟

[أحمد محمد]

فين الاقى
انعم عفشة/اريح صالون/اهدأ صوت موتور وكاوتش وهوا(احسن عزل)/اقوى عزم وتسارع/احسن وسائل امان/اشيك شكل خارجى وداخلى/سعة لترية 2000 سي سي فاقل
هل ممكن الاقى التركيبة دى فى عربية واحدة او معظم بنودها

يا دكتور، هذه المواصفات لن تجدها في أي سيارة لأنك تطلب الأفضل في كل واحدة من المواصفات أعلاه، وهذا عمليًا مستحيل تواجده في سيارة واحدة. وأعطيك مثالًا على ذلك...

أنت اخترت في النهاية مرسيدس c180، فهل هناك إجماع على أنها الأجمل شكلًا؟ مع العلم أن الشكل قد يختلف عليه البشر! فإذا جئنا لأريح مقصورة، فما رأي الأعضاء في اتساع حيز القدم والركبة أمام المقاعد الخلفية؟

أرجو أن تقبل تعليقي بصدر رحب، وليس معنى ذلك أني أنكر طبعًا أن المرسيدس تجمع أشياء جيدة كثيرة معًا، ولكن ليست "أفضل الأشياء" معًا. وأظن أن هناك سيارات كثيرة تجمع هذه التركيبة بدرجة ما.

[د.اسماعيل النجار]

يا دكتور، هذه المواصفات لن تجدها في أي سيارة لأنك تطلب الأفضل في كل واحدة من المواصفات أعلاه، وهذا عمليًا مستحيل تواجده في سيارة واحدة. وأعطيك مثالًا على ذلك...

أنت اخترت في النهاية مرسيدس c180، فهل هناك إجماع على أنها الأجمل شكلًا؟ مع العلم أن الشكل قد يختلف عليه البشر! فإذا جئنا لأريح مقصورة، فما رأي الأعضاء في اتساع حيز القدم والركبة أمام المقاعد الخلفية؟

أرجو أن تقبل تعليقي بصدر رحب، وليس معنى ذلك أني أنكر طبعًا أن المرسيدس تجمع أشياء جيدة كثيرة معًا، ولكن ليست "أفضل الأشياء" معًا. وأظن أن هناك سيارات كثيرة تجمع هذه التركيبة بدرجة ما.

-----------------------------------------------------------------------------------------------
الاستاذ احمد محمد قبل كل شىء احييك على الموضوع الرائع فى المقارنة بين بيجو واوبل وستروين وقد اعدت قراءته والتعليقات عليه اكثر من مرة لثراء معلوماته وشمولها...
ثانيا لم اختر فى النهاية c180 ولكن قلت انى فكرت فيها كسيارة منافسة ولم اقل انها الاجمل ولكن لاانكر انها من ضمن الاكثر جمالا وحداثة وامكانيات فى السوق المصرى
ثالثا اوافقك الراى ان حيز الاقدام الخلفى مازال دون المامول رغم زيادة طول قاعدة العجلات وطول وعرض السيارة وفعلا مازالت من ضمن سيارات القطاع c ولكنى متشكك فى نعومتها وهدوئها وعزلها وهو مادفعنى لطرح سؤال مباشر عن سيارة تتوفر فيها عوامل الراحة وتجاهلت..... بلد المنشا والامان والسعر والاتساع ونوع ومعدل استهلاك البنزين واعادة البيع وقطع الغيار وانشار مراكز الخدمة والصيانة وغيرها الكثير من العوامل فقط عوامل الراحة المطلقة وانت ذكرت ان هناك سيارات تتوفر بها معظم هذه العوامل....ويظل السؤال ماهى هذه السيارات بالامثلة؟

[د.اسماعيل النجار]

مهندس مارك مافيش عربية فوق 500 فيها كل مااحلم به سوى مرسيدس s ولكنه حلم عزيز فلو سمحت اذكر لى امثلة غيرها