ماتريكس ولا لانسر وولا النترا

[ahmed_kot88]

انا محتار كالعاده محتاج سياره وظروفه كالاتى
هنزل مصر اجازه لمدة شهر فى العيد الكبير أن شاء الله وخلص نهائى على شهر 3 السنه الجايه
عايز اشترى عربيه لما انزل اجازه بس ممكن أنتظر عادى لما انزل نهائى
المبلغ فى حدود 80 وممكن ازود بس تكون تستاهل
مفيش زيرو كويس اقل من 150 وبصراحه معنديش الاستعداد ادفع المبلغ ده فى عربيه
عايز عربيه تخدمنى مش انا أخدهما
ظروفى العائلية زوجه وثلاث اطفال فى الابتدائى
مشاوير لما انزل مصر نهائى هيكون داخل المدينه وكام مشوار بره على الطوالى سفر موش كتير بس أنا من مدن القناه ومفيش زحمه كتير يعنى وبحب سواقة المانيوال بس عادى بسوق اتوماتيك بس المانيوال أروع بالنسبالى
بعد الرغى ده كله
انا دورت لقيت انسب حاجه لانسر بومه وممكن ادفع لغاية 90 بس حاجه تستاهل او النترا لغاية 2010 المهم الحالات إلى لقيتها على النت يا اما سعرها معقول بس طالع عنيها او كويسة بلس اسعار مجنونه وهبل
لقيت قدامى ثلاث سيارات أعرفهم وممتازين
كارينز 2010 بس لس مش متأكد هتتباع ولا لا وعموما برضه انا مش عايز حاجه ملفته اوى للنظر
ماتريكس 2007 معوقين مع واحد صاحبى محافظ عليها جدا جدا وعربيه نضيفه جدا وعدى عليها 3 سنين وكده ممكن ندفع عشرة آلاف تنفك الحظر واشتريها
كرولا 2005 راشه بره فبريكه جوه ومعقوله على 70 الف وشغاله وصاحبها هيجدد ويشترى كارينز والعربيه معاه وسليمه
طبعا انا ميال للانسر بس مش لاقى حاجه نضيفه معدتش بتنزل زيرو الماتريكس والكرولا خايف من ثباتهم لأن عيالى هيكون معايا وانا بحب ال جرى برضه

[ahmedalaahosny]

لو هنتكلم عن الثبات يبقى الماتريكس كدا برا المقارنه
يتبقي الكورولا و اللانسر هنا الحاله والكيلومتر يحكم لكن كاراى شخصى ميال اكتر للكورولا بصراحه عفشتها طريه وقعدتها مريحه ف السفر
كمان لو متاح انك تدور على نيسان صنى وماله هى هتبقى موديل 2010 فول اوبشن اوتوماتيك ب85 الف

[eng_amg]

لو حتوصلهم 90 يبقى تجيب لانسر بومة سوبر أكشن بحالة ممتازة. في رأيي من حيث الثبات و العملية افضل اختيار

[yaserbasha2000]

لو كرولا 2005 حالتها كويسه تبقي رقم 1

لانسر 1600 اتوماتيك سوبر اكشن رقم 2

[ahmed_kot88]

لو هنتكلم عن الثبات يبقى الماتريكس كدا برا المقارنه
يتبقي الكورولا و اللانسر هنا الحاله والكيلومتر يحكم لكن كاراى شخصى ميال اكتر للكورولا بصراحه عفشتها طريه وقعدتها مريحه ف السفر
كمان لو متاح انك تدور على نيسان صنى وماله هى هتبقى موديل 2010 فول اوبشن اوتوماتيك ب85 الف

تمام انا فعلا مكانش الماتريكس فى حساباتى علشان الثبات بتاعها بس الى شدنى ليها حالتها ممتازه
بالنسبه للكرولا 2005 انا مركبتهاش بس سمعت انها مش ثابته ومش مريحه فى السفر فى القعده بتاعتها مجرد سمع
الصنى حلوه بس مش عارف هل هتبقى فى وسع اللانسر وموضوع سحب البنزين العالى فيها

[ahmed_kot88]

لو حتوصلهم 90 يبقى تجيب لانسر بومة سوبر أكشن بحالة ممتازة. في رأيي من حيث الثبات و العملية افضل اختيار

ممكن اوصلهم 90 بس مش لاقى ده انا سمعت اسعار عبط
عموما لو 90 الف تجيب ايه فى اللانسر وحالتها ايه

[ahmed_kot88]

لو كرولا 2005 حالتها كويسه تبقي رقم 1

لانسر 1600 اتوماتيك سوبر اكشن رقم 2

لو 90 تجيب موديل كام فى اللانسر
الكرولا راشه بره بس سليمه وشغاله على 75

[hugan]

لو تعرف تخلص في الكارينز افضلهم كعربيه عائليه
يليها ﻻنسر بومه عربيه جيده جدا اقتصاديه

[ahmed_kot88]

لو تعرف تخلص في الكارينز افضلهم كعربيه عائليه
يليها ﻻنسر بومه عربيه جيده جدا اقتصاديه

الكارينز حالتها كويسه هاى لاين خليجى على 120 الف وكانت جايه زيرو وعارفها ممتازه فعلا لكن لس مش متاكد هتتباع ولا بس برضه فيه حاجتين فيها
اولا سياره اس يو فى فممكن الاتزان بتاعها مش كويس
سحب البنزين فيها عالى
انا عايز اشترى عربيه يعنى معقوله فى الاستهلاك واعتماديه فى قطع غيارها وبرضه عائليه بس مش قوى يعنى عادى علشان كده ميال لليبانى واللانسر بالذات بس 90 الف يجيبو حاله ايه وموديل كام

[eng_amg]

ممكن اوصلهم 90 بس مش لاقى ده انا سمعت اسعار عبط
عموما لو 90 الف تجيب ايه فى اللانسر وحالتها ايه

90 يجيبو لانسر 2006 2007 كاملة حتكون راشة برا .. لأن الي مش راشش بيتكلموا في أسعار عبط فعلا 100 و 120 وكلام فاضي.