في حدود 100,000 تنصحوني اشتري ايه

[mohamedadel86]

السلام عليكم ورحمة الله،،

اعتذر لو كان الموضوع مقرر بس اعذروني مش عارف اوصل لكل المواضيع

محتاج رأيكم في عربيه في حدود 100,000 تنصحوني اشتري ايه ولو من list اللي تحت يكون اختياركم ايه:

1- رينو فلوانس مستعمله 2010 او 2011
2- شيفروليه اوبترا 2011
3- رينو لوجان 2016
4- شيفروليه افيو 2016

وعامة تنصحوني بايه اشتري جديد ولا مستعمل

شكرا

[shelga]

انا رأيى "و اللة اعلم" ان بلاش المستعمل , الجديد من غير حاجة فيهو بلاوى كتير مبالك بالمستعمل

الافيو مجربتهاش بس شفتهة فى معرض منصور فى شارع جامعة الدول من اول فتحت الباب و قعديتك فى العربية هتعرف على طول انهة تقفيل مصرى و معجبتنيش نهائى بس دور و اسئل عليهة و حاول تجربهة

اللوجن حلوة , فى ناس كتير بتشتكى منهة و التصنيع المغربى عموما بس برضة لازم تجربهة و تقارن و فى كمان المتشوبيشى الاتراج يبانى هية ديقة شوية و متور 3 سلندر و 1200 سى سى و انا شايف ان دة مش عيب و بتعمل 21 كيلو فى الليتر عموما شوفهة و خليهة فى حساباتك برضة

اللوجن و الاتراج ممكن تشفهم و تجربهم "مش تست دريف اوى يعنى بس تلف بيهم شارعين تجرب القعدة و السواقة" فى معرض عربيات فى المهندسين فى شارع الحجاز امام جامع الحمدية الشزلية

و ربنا يوفقك انشاء اللة

[hamo81]

ضيف عليهم البي واي دي إل 3
BYD L3
عربية واسعة وكل الكماليات وناس كتير بتشكر فيها و انا معايا الf3 نفس الماتور وسحبها ممتاز وتكيفها ثلاجة
شوفها كده في المعارض وقارن بينها وباقي الأنواع وربنا يوفقك

[أحمد محمد]

نصيحة عامة، الزم الجديد وابتعد عن المستعمل ولو كان المستعمل بإمكانيات أعلى بعض الشيء. بهذا تجنب نفسك الكثير من المشاكل لعدة سنوات - بإذن الله طبعًا.

[M.Gomaa]

ابعد عن المستعمل و غنيله، حتي لو هتركب عربية زيرو صغيرة و إمكانيتها محدودة.

[memo_p910]

الفيات بونتو مانيوال ب 100 الف جديده ومحترمه جدا

او اتراج خليجي كامله اوتو في حدود 100 الف برده وكويسه

[wael30003]

انا كان معايا اللوجان الشكل القديم عملت بيها ٤٠٠٠٠ موديل ٢٠١٢
مزعلتنيش غير فى الكاوتش بتاعها بس

ما اعرفش الشكل الجديد اخباره ايه

[AlphaCharlie]

انا كان معايا اللوجان الشكل القديم عملت بيها ٤٠٠٠٠ موديل ٢٠١٢
مزعلتنيش غير فى الكاوتش بتاعها بس

ما اعرفش الشكل الجديد اخباره ايه

نصيحة ابعد عنها...
كان معاك القديمة وواخد عليها لو سوقت الجديدة حتحس انها موتور 800 cc
بجد تباين كبير بين الشكلين في اداء الموتور. وطبعا التقفيل

انا لو في موقف حضرتك افكر في 3 عربيات مستعملة
فلونس
اوكتافيا
جيتا.

وطبعا افضلك تزود شوية وتدخل في الجديد

[zohdy]

لو عربية للسفر كتير وعربية للعمر انا ارتبلك حسب المزانية 120 الف جنية زود المبلغ ده
1 البيرسونا / الجين 2
2 لوجان / سانديرو
3 اوبترا => الي حد الان لسه جديدة ولم يظهر لها عيوب الي حد الان
4 byd l3
هم دول اللي يدفع فيهم فلوس غير كده يبقا حرام
عربيات تعمل 110 حصان وسائل امن تحميك في طريق السفر عفشة تستحمل السفر و كل الاعمال الشاقة
عربية من دول تقعد معاك من 10 الي 20 سنة وانت تستخدمها وتحس بالقوة و الاداء و الامن

[mohamedadel86]

انا رأيى "و الله اعلم" ان بلاش المستعمل , الجديد من غير حاجة فيهو بلاوى كتير مبالك بالمستعمل

الافيو مجربتهاش بس شفتهة فى معرض منصور فى شارع جامعة الدول من اول فتحت الباب و قعديتك فى العربية هتعرف على طول انهة تقفيل مصرى و معجبتنيش نهائى بس دور و اسئل عليهة و حاول تجربهة

اللوجن حلوة , فى ناس كتير بتشتكى منهة و التصنيع المغربى عموما بس برضة لازم تجربهة و تقارن و فى كمان المتشوبيشى الاتراج يبانى هية ديقة شوية و متور 3 سلندر و 1200 سى سى و انا شايف ان دة مش عيب و بتعمل 21 كيلو فى الليتر عموما شوفهة و خليهة فى حساباتك برضة

اللوجن و الاتراج ممكن تشفهم و تجربهم "مش تست دريف اوى يعنى بس تلف بيهم شارعين تجرب القعدة و السواقة" فى معرض عربيات فى المهندسين فى شارع الحجاز امام جامع الحمدية الشزلية

و ربنا يوفقك إن شاء الله

متشكر جد لرد حضرتك .. هو انا معاك ان المستعمل هايكون مشاكه اكتر بس في الاخر كله علي حسب الشخص اللي بيستخدم العربيه.

اللوجان عجباني اكتر من الاتراج من حيث التكنولوجي والوسع بس عامة ان شاء الله اشوف الاتنين واجرب سواقتهم واقرر

تحياتي،

[mohamedadel86]

ضيف عليهم البي واي دي إل 3
byd l3
عربية واسعة وكل الكماليات وناس كتير بتشكر فيها و انا معايا الf3 نفس الماتور وسحبها ممتاز وتكيفها ثلاجة
شوفها كده في المعارض وقارن بينها وباقي الأنواع وربنا يوفقك

والله هي شكلها كويس بس ياريت تقولي ايه نظام التوكيل بتاعها وقطع غيارها موجوده ولا لا وهل العفشه كويسه وياتري في اصوات تخبيط وتزييق المنتشره في معظم السيارات دلوقتي

شكرا لاهتمامك

تحياتي،

[mohamedadel86]

لو عربية للسفر كتير وعربية للعمر انا ارتبلك حسب المزانية 120 الف جنية زود المبلغ ده
1 البيرسونا / الجين 2
2 لوجان / سانديرو
3 اوبترا => الي حد الان لسه جديدة ولم يظهر لها عيوب الي حد الان
4 byd l3
هم دول اللي يدفع فيهم فلوس غير كده يبقا حرام
عربيات تعمل 110 حصان وسائل امن تحميك في طريق السفر عفشة تستحمل السفر و كل الاعمال الشاقة
عربية من دول تقعد معاك من 10 الي 20 سنة وانت تستخدمها وتحس بالقوة و الاداء و الامن

لا هو انا مش هاسافر بيها كتير يعني هايكون استعمال داخل البلد بس

انا للاسف مش هاقدر ازود عن 100 ولو جيت علي نفسي هايكون 110 بفكر في اللوجان والبي واي دي بس البي واي دي مش عندي فكره عنها ياريت لو تقدر تفيدني من ناحية التوكيل وقطع الغيار

تحياتي،

[mohamedadel86]

انا كان معايا اللوجان الشكل القديم عملت بيها ٤٠٠٠٠ موديل ٢٠١٢
مزعلتنيش غير فى الكاوتش بتاعها بس

ما اعرفش الشكل الجديد اخباره ايه

شكرا لاهتمامك .. ان شاء الله اجرب اللوجان الشكل الجديد واشوف ايه الكلام

تحياتي،