لوجان ولا l3

[Eng_Mina]

يا جماعة ممكن تساعدوني في الاختيار بين رينو لوجان اوتو ولا byd l3

الاتنين نفس السعر بس امكانيات ال l3 اعلي طبعا لكن صيني و ضمان 60000

ولا اعلي شوية في السعر و اجيب ال صني

من فضلوكوا تفيدوني و ارجوكوا محدش يخرج برا ال 3 انواع دول

[Ahmed emad has]

اللوحان اضمن . L3 احسن بكتييييييييييييييير بس مش مضمونة خالص في اي حاجة خاصة الفتيس

لو تقدر تزود هات سياز

[ahmadhegazy99]

أنا كنت زيك بالظبط وكنت قررت أجيب الl3 ولما رحت المعرض مش عارف ليه مستريحتش وقررت اني استلف باقي المبلغ وأكمل وأجيب الصني والحمدلله اني خدت القرار ده الصني عربيه مضمونه ومحترمه وماليه الشوارع ومزعلتنيش في حاجه وتوكيلها ممتاز. البي واي دي مهما كانت كويسه فهي عربيه صيني وعامله زي البطيخه انت ونصيبك

[scientist9508]

إبعد عن الصينى تكسب . . . سويفت أو سياز أو بروتون و أخيرآ لوجان لسوء سمعة الوكيل مؤخرآ

[Eng_Mina]

أنا كنت زيك بالظبط وكنت قررت أجيب الl3 ولما رحت المعرض مش عارف ليه مستريحتش وقررت اني استلف باقي المبلغ وأكمل وأجيب الصني والحمدلله اني خدت القرار ده الصني عربيه مضمونه ومحترمه وماليه الشوارع ومزعلتنيش في حاجه وتوكيلها ممتاز. البي واي دي مهما كانت كويسه فهي عربيه صيني وعامله زي البطيخه انت ونصيبك

بس انا لما شفت ال l3 عجبتني :d و الصني كمان سمعتها مش كويسة طب حضرتك جبت انهي فئة و بكام

[Dr. Assem]

اللوجان تمام. و الشكل الجديد زودوا فيخ الاوبشنز 7الاخر لدرجة انها قربت من الفلوانس اللي اكتر منها بما لا يقل عن 50- 60 الف. بالعكس هاي لاين اللوجان فيه كاسيت تاتش و نافيجيشن و ده غير متوفر في كل فلوانس مصر

لو تقدر تزود و تجيب الصني انت و امكانياتك. بس مش عارف ليه كتير بيقولوا الشكل القديم احسن. سمعت عن مشاكل الفرامل و الطنابير اللي بتتغير بدري. خلينا نسمع من ملاكها احسن

[AlphaCharlie]

إبعد عن الصينى تكسب . . . سويفت أو سياز أو بروتون و أخيرآ لوجان لسوء سمعة الوكيل مؤخرآ

+111111

[Abo_Mazen]

بلاش ال byd من وش شركة الأمل