انا محتار بين كيا سيراتو ex ورينو فوانس e3

[mshy2020]

الى خبراء السيارات ومستخدميها .. برجاء افادتي في مميزات وعيوب كل سياره وايهم يعطيني ثبات اعلى وقوة انطلاقه وقياده امنه بكل وسائل الامان والرياضيه وف نفس الوقت واسع للافراد ومووووووووفر للبنزين

ودي لينكات المواصفات والسعر من على موقع اباظه :

الفلوانس :
أباظة أوتو تريد

السيراتو :
أباظة أوتو تريد



وشكراا

[mshy2020]

45 مشاهده ومفيش اي راي او تعليق ؟

فين اهل الخبره والملاك .. افيدوني يا جماعه ؟

[أحمد محمد]

السيراتو أفضل في الانتشار وإعادة البيع واختبارات التصادم وأداء المحرك أفضل قليلًا، بالإضافة إلى فتحة السقف. وبعض التجهيزات الأخرى.

الفلوانس أكبر حجمًا وحيز الأمتعة أكبر وارتفاع السيارة عن الأرض أكبر وأنظمة المكابح أفضل، بالإضافة إلى التجهيزات الأخرى كمثبت السرعة وحساس المطر والمفتاح الذكي، إلخ.

أظن الفلوانس أفضل في الفئتين اللتين اخترتهما.

[Dr. Assem]

الفلوانس اوسع . و اكثر توفيرا للبنرين بسبب الفتيس cvt. اعلى عن الارض

السيراتو تتفوق في قوة الانطلاقة و الاداء الرياضي.

اختار انت بقى

في اكتر من حد قال ان الفلوانس فئة اعلى من السيراتو. معرفش علشان فرنساوي و لا ايه. و انا موافقهم . بس مش عارف ليه

[mohamedadel86]

فلوانس افضل من السيراتو بصفه عامه لكن لو بتحب الاداء الرياضي يبقي خليك في السيراتو

[wael30003]

السيراتو افضل ...تقريبا نفس الكماليات فى السيارتين ...لكن فى الانطلاق السيراتو تتفوق تفوق ملحوظ .....الفلوانس ادائها عادى جدا فى التسارع وه بشهادة ملاكها ....
مع العلم بانى امتلك سيراتو ٢٠١٥ ....بس بانصحك تشترى الفئة اللى فيها abs
لان الفرامل عندى سيئة جدا
فى ميزة للفلوانس صالونها وشنطتها اوسع من السيراتو ....
السيراتو سعراعادة البيع افضل زى ما ذكر احدالاعضاء ...

انا رأيى الشخصى اشترى السيراتو
السيراتو ١٣٠ حصان ٢كامه
الفلوانس ١١٥حصان واظن انها كامه واحده

[hugan]

سيراتو

[zizo2100]

السيراتو أفضل فى كمالياتها من الفلوانس و سحبها افضل كتير و تكاليف صيانتها اقل لكن من عيوبها الثبات على الطرق سيئ جدا و السيارة ضعيفة و من أشد عيوبها إن الفتيس الجديد بالرغم من متعة آداءة لكن عمره مش طويل و العربية من غير abs ماتنفعش لأنها مش حاتوقف فى فرامل أبدا
الفلوانس مفيش حد اشتكى منها فى الصيانة ثبات عالى جدا أداء أأقل من السيراتو لكن جيد فرامل ممتازة عزل صالون ممتاز واسعة قوية لكن رفاهية أقل من السيراتو عربية قوية و عملية

[احمد زكي]

عن تجربه للفلوانس ٢٠١٥ لمده ٨ شهور وحوالي ٦٠٠٠ كيلو

مميزاتها عن تجربه فاخمه سواقتها ممتعه وعاليه عن الارض ثابته جدا علي الطريق
عيوبها الموتور بيبخر زيت بعد ١٥٠٠
عمود دريكسيون عاوز يتغير بعد ٢٠٠٠
مش بتاعت سحب ولا جري
صوت الموتور عالي

[scientist9508]

بشكل شخصى أرى أن الفلوينس أفضل آداءآ . . لكن فى مجال عيوب صناعه و جودة تقفيل تفوز السيراتو حيث أننى لم أسمع فى يوم من الأيام أن أحد من ملاك السيراتو إشتكى من ذلك.

[devil_storm]

مع احترامي للجميع صالون السيراتو اوسع و بفرق واضح من صالون الفلوينس
يا ريت اللي يكتب معلومه يكون متاكد منها