سينوفا او جرانتا

[medo_31]

انا معايا في حدود 80 الف وعايز عربية زيرو ان شاء الله في حدود المبلغ ده , مش لاقي غير العربيتين السينوفا ب 77 الف واللادا جرانتا ب 75 الف وكنت استقريت على اللادا وبعيدن بدات افكر في السينوفا
احتياجاتي من العربية قطع غيار متوفرة واعتمادية وعفشة ناعمة وعالية عن الارض واقتصادية برضه ..
اللادا عيبها في الوكيل لكن وزي ما قريت صاجها ممتاز وعالية وموفرة للبنزين لكن فقيرة من الداخل .. السينوفا مش منتشرة لكن فيها اوبشن كويسة عن اللادا ... انا مستبعد الفيرنا واللانوس لاني مش شايفهم غير استعمال مش زيرو ..ولو فيه اختيارات تانية ( زيرو) في رنج المبلغ ده نضمهم للاختيار ...
معايا اسبوع واقرر ان شاء الله ....بانتظار ارائكم

[M.Gomaa]

لو عند حضرتك وقت ممكن تنزل تتفرج علي العربيتين في المعارض وشوف اللي انت مستريح ليها اكتر و صلي استخارة وتوكل علي الله، و ماتحرمناش من رآيك وتقريرك بعد ما تاخد القرار ان شاء الله، علي الفكرة العربيتين واحد في قلة الانتشار علشان لسه نازلين السنه دي.