شراء سيارة جديدة في حدود 100000

[Basem Sorour]

السادة اعضاء المنتدي الكرام اهلا بكم و انا اتشرفت اني انضميت ليكم بالمنتدي.
بصراحة انا عندي استفسار انا عايز اجيب عربية في حدود 100000 و انا محتار بين افيو و بريليانس كروس و رينو لوجان و سانديرو. و انه افضل الاوتوماتيك ولا المانيوال افضل و من حيث توافر قطع الغيار . ايه المتوفر في اسيوط لو امكن
انا اسف ان اختياراتي كتير بس ارجو المساعدة للضرورة.ايه رايكم

[Basem Sorour]

يا اعضاء المنتدي انتو فين ارجو الرد للضرورة

[ayaamna]

ناس كتير بتشكر فى اللوجان وبعديها الافيو
السانديرو اجمل بس اللوجان انتشار اكبر
الاوتوماتك افضل داخل المدينه وفى السفر
اما لو طرق رمليه المانيول افضل

[tito2020]

ليه مش حاطط فيات بونتو في اختياراتك

[M.fekry]

الأفيو تقفيل مصري و مفيهاش أي اوبشنس و لا أي وسيلة من وسائل الأمان و كمان الموتور بتاعها 86 باور هوس بس الميزة هى إعادة البيع انا معايا أفيو 2014 لو حتجيب لوجان خلي بالك من إعادة البيع

[m-sabry]

إبعد عن الأفيو تماما... عربية مفيهاش إزاز كهرباء خلفي هتتوقع منها إيه؟؟!!
الأفيو تكنولوحيا موتورها قديمة..حاجة وتمانين حصان و8 صباب و عفشتها ناشفة..
من الآخر الأفيو عربية شكل بس... شكل حلو مقدرش أنكر بس تكنولوجيا قديمة...
نصيحتي هات لوجان أو سانديرو..
البرليناس FRV Cross بيقولوا انها حلوة.. بس إعاداة البيع في الصيني عادة صعبة.. هختسر فيها شوية..

[Basem Sorour]

شكرا يا اعضاء المنتدي على المعلومات القيمة دي جداااااااااااا. بس انا حابب اعرف حاجة عن الرينو او الاوتوماتيك فيها عامتا . هل في مشاكل بالنسبة للفتيس الاوتوماتيك .من اعطال علشان مش عندي وقت اركن العربية و بحتاجها كتيييير.و ايه الفئة الكويسة و الاسعار علشان انا كل شوية بسمع اسعار مختلفة.
و ايه الفرق بين الاستيب واي و السانديرو.
اسف يا جماعة اسئلتي كتيرة

[Basem Sorour]

حاسسها صغيرة و ماشفتهاش في اسيوط بصراحة . علشان انا من اسيوط
و ايه ظروفها

[Basem Sorour]

إبعد عن الأفيو تماما... عربية مفيهاش إزاز كهرباء خلفي هتتوقع منها إيه؟؟!!
الأفيو تكنولوحيا موتورها قديمة..حاجة وتمانين حصان و8 صباب و عفشتها ناشفة..
من الآخر الأفيو عربية شكل بس... شكل حلو مقدرش أنكر بس تكنولوجيا قديمة...
نصيحتي هات لوجان أو سانديرو..
البرليناس frv cross بيقولوا انها حلوة.. بس إعاداة البيع في الصيني عادة صعبة.. هختسر فيها شوية..

طيب ايه افرق بين السانديرو و الاستيب واي . و ايه ظروف الاوتوماتيك فيها