اسبيرانزا تيجو ولا رينو ستيب واي ؟

[m-sabry]

بم اني مش خبير فانا شايف الشبه في السعر والشكل.. بس التيجو صيني وده اللي مخوفني والستيب واي اصغر في الحجم على ما اعتقد.
رأيكوا ايه بأه؟
ابعد عن الصيني واغنيله ولا استفاد بفرق الحجم والنوع اللي هيكون لصالح التيجو طالما السعر متقارب ؟؟

[hugan]

هاتكلم علي التجو ﻻئني من ملاكها
شخصيا مقتنع ن ستيب واي ﻻترقي للمقارنه مع التيجو
مفيش مقارنه ا صلا
يعني لما اسافر دمياط
آلصالون فيه سته افراد
الشنطه فيها شابين صغيرين اوﻻدي
السقف عليه شبكه ومحمله شنط وزن تقيل
ونشغيل التكيف الرائع
او لما اسافر الساحل
العربيه محمله عمال
الشنطه مليانه عده
السقف محمل خامات تقيله وسلالم
احمد ربنا علي التيجو الرائئعه القويه
عربيه افلام قويه فعلا عاليه متينه تكييف ممتاز شداد ماسك كرتيرات الحوض
مساعدين كبوت
قطع غيار رخيصه ومتوفره
شايف انها مش ناقصها غير انها تكون اوتو ماتيك
تصلح لكل الاغراض
مهندس مقاول خدمه شاقه
كلمه صيني البعض بيرددها في العالب مابيفهمش في العربيات
اللي يههمني مت العربيه ادائها جودتها مشاكلها صيانتها قطع غياره
العفشه حتي الان 70 الف كيلو غيرت مساعدين تويوتا راف ياباني
مفيش اكتر من مصاريف التشغيل العاديه
فلاتر زيوت تيل
حتي الكاتينه والبلي وسير الدينامو الاصلي ماغيرتهمش

[m-sabry]

انا فعلا اعرف تن التيجو اثبتت نفسها كعربية كويسة.. لكن انا بسمع ان العربيات الصيني دايما بتدوخ على ما تلاقي لها قطع غيار.. وبتضطر توفق لها قطع غيار ماركات تاني مواصفاتها قريبة منها... وانا شخصيا مش بتاع لف ودوخة على المحلات والصنايعية ومحبش اروح منطقة معينة زي الحرفيين مثلا او ش سوريا وأسأل وأدور وكده.. ده غير ان قطع الغيار اللي بتتوفق عليها من ماركات تانية ممكن متبقاش مظبوطة عليها لانها اساسا مش بتاعتها وبالتالي تأثر على العربية على المدى البعيد..

[m-sabry]

فياترى قطع غيار التيجو متوفرة؟؟ ولا هدوخ عليها ؟؟
انا اعرف واحد صاحبي جاب اسبيرانزا الصغيرة ال a113 ومكنش لاقي بعض قطع غيارها في التوكيل نفسه !!!!!!

[hugan]

قطع الغيار متوفره وبكثافه
شارع دمشق والتوفيقيه

[m-sabry]

طيب كده حلو اوي.. فاضل بس يكون فيه منها اوتوماتيك... وأعقتد انها مانيوال بس.. الموضوع محتاج تفكير.. هي فعلاً ععجباني جداً بس ممكن مجيبهاش علشان بس انا زهقت من المانيوال.. الزحمة زهقتني منه.. عالعموم شكراً جزيلاً على الرد الوافي وانا ان شاء الله هعمل استخارة وأفكر برضو لأنها عجباني جداً.. :)
ربنا يعمل اللي فيه الخير بأه..