بيجو 301 والا نيسان صني والا افيو؟؟

[مصطفى عصام]

السلام عليكم

انا محتار جدا بين البيجو 301 والنيسان صني والافيو مع اختلاف اسعارهم واختلاف اشكالهم

بس ياريت حد ينصحني من النواحي التالية:

-الميكانيكا
-الصيانة
-الثبات
-الصالون
-التكييف
-التحمل
-سعر اعادة البيع

وشكرا ليكم

[Adnfalcon]

أحسن نصيحه هتسمعها ف حياتك ..
انك تبعد عن الأفيو

[مصطفى عصام]

طب بالنسبة للبيجو والنيسان؟

[Adnfalcon]

البيجو اعلي ثبات فيهم و خامات أفضل
الصني الجديده مناسبه لداخل المدينه بس ثبات أقل
حسب احتياجاتك .. انت محتاج ايه ؟

[speranz]

من كل النواحي نيسان صني تكيف ممتاز مريحة منتشرة باعتمادية الياباني

[Adnfalcon]

من كل النواحي نيسان صني تكيف ممتاز مريحة منتشرة باعتمادية الياباني

صح لو هو يقصد الشكل القديم .. ياباني
بس النيو صني مش ياباني

[مصطفى عصام]

امال النيو صني ايه لو مش ياباني؟

[Adnfalcon]

امال النيو صني ايه لو مش ياباني؟

هندي

[مصطفى عصام]

طب في حد عنده راي تاني؟ :d

[hugan]

صني الجديده
مضمونه عن البيجو

[Mahony]

السلام عليكم
انا كان عندي ٢٠٦ موديل ٢٠١٢ مانيوال بعتها عشان كده و أخذت ٢٠٧ موديل ٢٠١٢ اتوماتيك ..
بعد ما جربت الاوروبي في السيارات ، ما اعتقد ح اشتري ياباني ، كوري ، او أمريكي بعد كده .

انا من رأي استبعد الأفيو من المقارنة ، لأن الأفيو بعد اقل من سنه تحس العربية متفككه و ليها أصوات ، تقفيلها مش و لابد .
الصني عمليه و الصيانه و الميكانيكا فيها سهله ، البيجو تحتاج شخص يعرف للعربية بس جودتها عاليه .
التكييف في الصني ممتاز جدا ، و البيجو كمان ممتاز .. بس لو وقفت المقارنة على التكييف بس ح اختار البيجو حتى لو التكييف في الصني أفضل . لأن تكييف البيجو يعتمد عليه .
الثبات أكيد البيجو أفضل بكثير جدا عن الصني .
الرحابة داخل السيارة ، البيجو ٣٠١ أفضل بكثير جدا عن الصني ، و المسافات و الأوقات الطويلة داخل العربية البيجو تتفوق على الصني .
التحمل ، الصني أفضل من البيجو ... و لكن لو استخدامك معتدل برضه البيجو تتحمل و مافيهاش مشاكل .
اعادة البيع الصني أفضل ، و لكن لو حضرتك عايز السيارة معاك فترة طويلة ، خذ البيجو لأن راحة السواقة أفضل من الصني .. انا أضحي بفلوس اعادة البيع مقابل راحتي . .

[arc_sherif_81]

البيجو