افضل سيارة لزوجتي واولادي الشباب

[Mostafa Bedo]

السلام عليكم احب اعرفكم ان انا ابن الراجل اللي بيسأل ف العنوان ده عشان هو ميعرفش ف النت وكدة فطلب مني اسألكم ودلوقتي انا بقتبس كلامه..
"السلام عليكم انا دلوقتي ناوي اجيب هدية لمراتي وولادي وعايز عربية كويسة لمراتي وشبابيه عشان الشباب هما اللي هيخرجوا بيها ف الغالب اكتر بردة والسعر ميزدش عن 110~115الف وتكون اتوماتيك وزيرو تنصحوني بايه ياللي ابني واكل دماغي بيكو (انا طبعا :) ) "
اي اقتراحات للراجل الغلبان ده ؟؟

[svneleven]

حدد بس عشان الناس تعرف تساعد. عاوز جديد و الا مستعمل. سيدان و الا هاتش. مانيوال و الا اوتو.

[speranz]

سانديرو ستيب واي

[Mostafa Bedo]

حدد بس عشان الناس تعرف تساعد. عاوز جديد و الا مستعمل. سيدان و الا هاتش. مانيوال و الا اوتو.

جديد واتوماتيك ومش فارقة ان كانت سيدان ولا هاتش باك

[عﻻء سالمان]

فى البروتون بيرسونا جميلة ومتينة

[ahmedsrs]

البيكانتو اوتو

[hilal]

لو تزود المبلغ شوية وتشتري ميتسوبيشي لانسر هيكون اختيار ممتاز
اما لو كان شرط الحد الاقصى مهم ، فالافضل هو هونداي فيرنا
وبالتوفيق وربنا يبارك لكم في والدكم

[ENG.MaRk]

لو الميزانية وصلت 120 سوزوكي سياز أو سيتروين سي اليزيه أفضل قيمة مقابل سعر في هذه الفئة

[رامي مصطفى]

طيب وايه عرفنا انك بتتكلم بإسم الوالد!!!!
مش جايز بتقول كده علشان تدبسه ويبأى احنا دبسناه مش ساعدناه؟؟؟؟هههه
طيب ماتقول للوالد يتبناني

[akmm]

متسوبيشى لانسر

[hilal]

نصيحة عشان الوالد ما يزعلش منك
هات نوع شائع يسهل تصليحه وقطع غياره متوفرة

[borio1704]

أنا شايف كيا بيكانتو مناسبة ليكو جدا..

أولا.. كون إن العربية هتسوقها الست الوالدة (وبنا يحفظها لكو).. فالأفضل كتير إن العربية تكون هاتش باك علشان طبيعة الستات في السواقة مش بيعرفوا بسوقوا عربيات كبيرة.

ثانيا.. كون إن العربية هيسوقها شباب (أتوقع في ثانوي والجامعة).. فبردوا هتكون مناسبة جدا علشان استهلاك البنزين يكون قليل ... والعربية نفسها معقولة جدا من ناحية الأداء بوجه عام.

ده غير إن شكلها شبابي وينفع بردو يكون حريمي شوية.

في المقابل.. العربية من ناحية إنها كوري.. فدي ميزة لإن اعتماديتها كويسة جدا.. يعني أعطالها قليلة نوعا ما... ده غير إن التوكيل بتاعها كويس.


أنصحك تقرا الموضوع ده كمان.. إن شاء الله يساعدك

http://www.nilemotors.net/Nile/329150-a.html

...

[Bassem Youssef]

Kia Rio

[Mostafa Bedo]

أنا شايف كيا بيكانتو مناسبة ليكو جدا..

أولا.. كون إن العربية هتسوقها الست الوالدة (وبنا يحفظها لكو).. فالأفضل كتير إن العربية تكون هاتش باك علشان طبيعة الستات في السواقة مش بيعرفوا بسوقوا عربيات كبيرة.

ثانيا.. كون إن العربية هيسوقها شباب (أتوقع في ثانوي والجامعة).. فبردوا هتكون مناسبة جدا علشان استهلاك البنزين يكون قليل ... والعربية نفسها معقولة جدا من ناحية الأداء بوجه عام.

ده غير إن شكلها شبابي وينفع بردو يكون حريمي شوية.

في المقابل.. العربية من ناحية إنها كوري.. فدي ميزة لإن اعتماديتها كويسة جدا.. يعني أعطالها قليلة نوعا ما... ده غير إن التوكيل بتاعها كويس.


أنصحك تقرا الموضوع ده كمان.. إن شاء الله يساعدك

http://www.nilemotors.net/nile/329150-a.html

...

فعلا انا 3 ث واخويا جامعة ووالدتي نادرا ما هتسوقها بس هي هتيجي باسمها عشان تبقي هدية ووالدي يفرحها لانها ربة منزل ومبتخرجش فالاستعمال الاكتر ليا انا واخويا

[Mostafa Bedo]

هو السعر مينفعش يزيد عن كدة خالص لان الوالد كان عايز اخرها 105 بس بعد الحاح مني انا شخصيا اقنعته توصل لحد 115