شراء سيارة بهدف تحسين الدخل , ارجوا المشاركة

[sherif1988]

السلام عليكم

عندى كام سوال وعايز رئيكم بردك في نفس الوقت

طبعا كلنا عرفين الظروف الاقتصادية لمعظم المصريين وان الجاى على قد اللى رايح

وانا واحد عايز احسن من دخلى واعين قرش واكون نفسى لسة لانى لسة شاب لا املك اى شى غير وظيفتى فقط لا شقة ولا غيرة ولا الاهل في مقدرتهم انهم يسعدو

المهم بحثت كتير وكتير ازى أعيش واعين قرش اعمل بية حاجة

من ضمن الحاجات اللى وقعت قدامى وانا بدور

واحد صحبى قلى ان ممكن لو معايا عربية ااجر العربية
او اطلع اشتغل عليها بنفسى مشاوير او تبع شركة او مكتب

انا لا املك عربية
فكرت ياترا لوا انا اشتريت عربية قسط بضمان المرتب والوظيفة
هل هقدر اسدد الأقساط واكسب من الشغل دة ؟

هل موضوع التاجير ولا المشاوير دة مجزي ؟
هل مضمون انى كل شهر داخل مبلغ معين جزء منة للقسط وجزء اعينة ومصاريف ؟.

ازى اقدر اعمل كدة

انا دورت على النت لقيت إعلانات وكلام كتير فية تاجير بعقد وتاجير بالمشوار او الشهر
بس هل ياترا الموضوع دة مضمون ؟

ياريت تفدونى وتقولى رئيكم

[speranz]

العربية تاجرها لشركة بعقد وتدفع من العائد القسط ناس كتير عاملة كده
بس المهم المقدمة وكده عشان تجيب موديل مطلوب هيحتاج مقدمة كبيرة
الا مثلا لو موظف حكومي فالمقدمة هتبقي صغيرة وتحويل مرتب

[sherif1988]

العربية تاجرها لشركة بعقد وتدفع من العائد القسط ناس كتير عاملة كده
بس المهم المقدمة وكده عشان تجيب موديل مطلوب هيحتاج مقدمة كبيرة
الا مثلا لو موظف حكومي فالمقدمة هتبقي صغيرة وتحويل مرتب

انا صحفى في جريدة قومية
بس المرتب مش زى ما الناس فاكرة
هوا ينطبق علينا مثل من برة هلة هلة ومن جوة يعلم الله

موضوع تأجير العربية لشركة بعقد
افتكر دة اللى هوا بسلم العربية للشركة طول مدة العقد مثلا سنة كاملة
ناس كتير قلتلى بلاش مش مضمونة كمان هيرجعولك العربية تصرف عليها كل اللى كسبتة واكتر
وناس تقولى لو انا اللى شغال عليها المكسب هيبقا اكتر

[shake]

متابع

[khaled_sabry]

متابع
يتهيألى لو عاوز تشغلها تاكسى مثلا حيبقى الرك كله على السواق اللى حتجيبه

[amr011111]

اهم حاجه فى اى مشروع علشان ينجح انك تديره بنفسك

[دكتور خالد]

اعرف واحد جايب مع شركاء ميكروباص تويوتا 2014 الكبير المكيف ده و شغال عليه هوه و شركائه بس وهما ناس محترمة و التعامل معاهم كويس جدا و بيطلعوا عليه مشاوير و بصراحه هوه مجزى - انا كنت اجرته يودينى و يجيبنى بعد 4 ايام من الغردقة و اخد 2400 جنيه

[mazen56]

ممكن تجيب عربية جديدة ودخلها تبع شركة أوبر
أعمل بحث على جوجل على شركة أوبر بتشغلك بعربيتك ببرنامج على الموبايل
هذه فكرة كويسة بس أنا معرفش مدي صدق الشركة في الوعود علشان مشتغلتش معاهم

[sherif1988]

الف شكر ليكم يا جماعة

بس موضوع انى اشغلها تاكسى دة مستبعدة جدااا
انا اقصد انها مشاوير زى مثلا واحد مسافر محمتاج عربية
واحد رايح مكان محتاج عربية
فرح مثلا الكلام دة
أوصل ناس تبع شركة من والى الشركة الكلام دة
انما تاكسي مظنش

موضوع الميكروباص أولا سعرة غالى
كمان مفيش حد ممكن يدخل شريك قدامى
و كان ليا واحد صحبى جايب ميكروباص كدة وباعة وقلى وجع دماغ ومصاريف وكلام كتير

ياريت حد يفدنى في الموضوع دة

[sherif1988]

ياريت اقترحتكم يا جماعة

[mr_green]

الموضوع غير مجدى نهائى و الإيجار هابيهدل العربية تماما و إللى هايتبقى من مكسبها هاتلاقيك دفعته فى الفايدة بتاعت القسط

[bassemali]

الموضوع غير مجدى نهائى و الإيجار هابيهدل العربية تماما و إللى هايتبقى من مكسبها هاتلاقيك دفعته فى الفايدة بتاعت القسط

بالضبط.. مكسبك ف الاخر هيبقى بس انك ركبت عربيه جديده.. لكن فلوس مافيش.. هتبيعها ف الاخر بتمنها بعد الفوايد مافيش مكسب.. لو هتشتغل عليها بنفسك فلازم تكون تبع شركه بتأجر العربيه بالسواق لو هنضرب مثال بالفيرنا.. ايجارها وهيا زيرو من غير سواق 2500 جنيه تقريبا.. بالسواق بتبقى ب 2900 تقريبا والمكتب اللي بيجيبلك الشغلانه بياخد شهر عموله ع السنه.. الشركه بتتحمل الزيت والبنزين وانت بتتحمل تجديد التأمين والرخص والصيانه.. اما لو هتشغلها بالمشوار.. مش هتجيب 1000 او 1200 جنيه ف الشهر او على حسب رزقك ومشاويرك ودول هيبقوا يدوبك سداد قسطها ومصاريفها.. نصيحه فكر ف حاجه تانيه لاني كنت فكرت ف المشروع ده وجيبت اسبرانزا جديده بالقسط واشتغلت عليها تبع شركه بس انا كنت حاطط ف حسابي انها وضع مؤقت مش دايم فعيشت ف القصه دي 5 شهور لميت فيهم قسطها مدة سنه لقدام لحد ماربنا وفقني وعملت اللي كنت عايزه واستوب على كده.. دلوقت عربيتي معايا بستعملها وبس.

[sherif1988]

بالضبط.. مكسبك ف الاخر هيبقى بس انك ركبت عربيه جديده.. لكن فلوس مافيش.. هتبيعها ف الاخر بتمنها بعد الفوايد مافيش مكسب.. لو هتشتغل عليها بنفسك فلازم تكون تبع شركه بتأجر العربيه بالسواق لو هنضرب مثال بالفيرنا.. ايجارها وهيا زيرو من غير سواق 2500 جنيه تقريبا.. بالسواق بتبقى ب 2900 تقريبا والمكتب اللي بيجيبلك الشغلانه بياخد شهر عموله ع السنه.. الشركه بتتحمل الزيت والبنزين وانت بتتحمل تجديد التأمين والرخص والصيانه.. اما لو هتشغلها بالمشوار.. مش هتجيب 1000 او 1200 جنيه ف الشهر او على حسب رزقك ومشاويرك ودول هيبقوا يدوبك سداد قسطها ومصاريفها.. نصيحه فكر ف حاجه تانيه لاني كنت فكرت ف المشروع ده وجيبت اسبرانزا جديده بالقسط واشتغلت عليها تبع شركه بس انا كنت حاطط ف حسابي انها وضع مؤقت مش دايم فعيشت ف القصه دي 5 شهور لميت فيهم قسطها مدة سنه لقدام لحد ماربنا وفقني وعملت اللي كنت عايزه واستوب على كده.. دلوقت عربيتي معايا بستعملها وبس.

انا دورت حبة لقيت اعلانات بتقول ان المكسب شهريبا ممكن يكون من 6000 الى 15000 الف جنية

الاختلاف على حسب عدد الساعات

معظم اللى شفتة بيطلبو العربية بالسواق
ومعظمهم بيقول جميع الانواع معادا الصينى كلة
ومعادا الفرنا والانوس والموديلات دى

بيتكلموا مثلا فى بيجو 301
و سيراتو
و تيوتا
و لانسر والحاجات دى
و فرنا لا النترا اة

هل الكلام دة صحيح ولا غلط
كمان انا الموضوع دة عيزة موقت لمدة سنتين فقط لانى عايز اجمع فلوس علشان اسافر برة البلد ومحتاج حولى 80 الف جنية فا انا بقول لو العربية جبتلى ربح كل شهر بعيد عن القسط 3000 او 4000 هجمع المبلغ تقريبا فى سنتين

مثلا لو جبت لانسر شارك
ومثلا اشتغلت انا بنفسى عليها تبع مكتب مثلا لو جبتلى 6000 جنية فى الشهر
القسط مثلا هيبقا فى حدود 2500 ولا 3000

البقاى هنقول هيبقا 3000
وانا مرتبى 2000 يبقا المجموع 5000
5*12= 6000 الف
يبقا السنتين ب 120 الف
يعنى هبقا جبت المبلغ اللى محتاجة وزيادة

و سعتها ابيع العربية واسدد باقى الاقساط للبنك واسافر
اية ريك هل الكلام دة ممكن ولا اية
وهل الشارك هتجبلى المبلغ دة زى ما بشوف فى الاعلانات ولا اية
؟؟؟؟؟؟؟؟؟؟؟

[A7medelfe2y]

ميروباص 7 راكب ويشتغل منه مشاوير خاصه وكمان يشتغل علي اطفال المدارس
صاحبي عامل كدا