شارك ولا النترا ب ١٧٠الف

[ALAA_EL_NAGAR]

السادة الاعضاء الكرام

اناكنت عاوز اجيب عربية في حدود ١٧٠٠٠٠ مش
لاقي المبلغ ده يجيب حاجة كويس
و لقيت المقارنة بين الشارك ٢٠١٦ اخر فئة وكيل
و الانترا ٢٠١٦ قبل الاخيرة فيها اي ب اس و ايرباج و جنط و فتحة طارة و كده

يهمني عربية اعتمادية قطعغيار متوافرة و صيانة سهلة
متبهدلنيش عند صنايعية و تكون قوية

ناس تقولي اركب الياباني و عربيات جامدة

و ناس تقولي انت دافع كتير و دلع نفسك و هات النترا
بس انا خايف ان بيقولو واطية و هل في فرق كبير فعلا بينها و بين الشارك في العلو عن الارض

انا احترت اوي و برجاء الافادة عن تجربة

[A7medelfe2y]

شارك تكسب
بس لو هدفك الرفاهيه والمكاليات والاشكل اكتر يبقي الانترا

[hesham fawzy h]

هم الاتنين عالين عن الارض

الشارك اثبت من الالنترا

الالنترا اوبشن اكتر

لو مكانك اجيب شارك

[a7medalaa]

النترا اجمل بكتير عربية سلسة و مريحة الشارك عربية ناشفة و مزعجة بس حمالة عن الكوري لو بتهين العربية خليك في الشارك لو سواقتك كويسة و عايز عربية مريحة باور كهرباء و كماليات و دلع النترا اجمل و احسن من الاتنين السيراتو عشان الالنترا هتغير شكل علي السنة الجاية بره مصر

[ALAA_EL_NAGAR]

الف مشكر ليكم و منتظر المزيد من الاراء

[4fun14]

انا كنت ف نفس الحيره دى وكنت ميال جدا للالنترا بس جبت شارك ب 158 وقلت اوفر شويه لان الفلوس معجزة معايا..
بص ميزه الالنترا الاساسية :مثبت سرعه-ضمان غبور 5 سنين وجيد جدا-انعم واشيك-الشنطه اوسع "ممكن متفرقش مع ناس كتير حسب عدد افراد الاسره"
ميزه الشارك :يابانى بالكامل-اعلى على الارض-اثبت "رغم انها اعلى ب 2 سنتى"
بصراحه موضوع الالنترا انها واطيه ع الارض ده متخيل انه ماساه وهو اللى حسملى امرى بالشارك
بكل حياديه الانترا افضل لو تغاضينا عن العيب ده

[acs]

الانترا افضل

[ALAA_EL_NAGAR]

انا فعلا عجباني اوي الالنترا و شياكتها و مش عارف ازاي اللانسر الياباني بنفس السعر بردو بس بحسهها افقر
بصراحة لولا وطو الانترا و انها هتزعلني في المطبات كنت جبتها بدون تردد ، بس دي مشكلة كبيرة في مصر

[akmm]

هى آراء مختلفه ووفق رؤيه كل واحد ...................... وانا افضل الشارك .

[ashouhdy]

الانترا او سيراتو

[ashouhdy]

http://www.nilemotors.net/Nile/475651-a.html

[AHMEDJUDDY]

الانترا او سيراتو

هات السيراتو ....

[ALAA_EL_NAGAR]

هي الارك سيءة فعلا كده ولا ايه
انا هدفع مبلغ كبير الشارك معادتش رخيصة دلوقتي

[4fun14]

هي الارك سيءة فعلا كده ولا ايه
انا هدفع مبلغ كبير الشارك معادتش رخيصة دلوقتي

فى تقارير كتير عن الشارك اكثر حياديه..
ده واحد عمل بالعربيه 7 الاف كيلو وخسر فيها 5 الاف جنيه وبيقول اعاده بيعها وحشة..تساله ليه يقولك عشان اصلا سعرها غلى ف السوق يباه انا كده خسران اكتر من ال 5 الاف جنيه!تقوله طيب ده معناه انها عربيه حلوه طالما سعرها بيزيد مش زى السنترا مثلا سعرها نزل عشان محدش بيشتريها يقولك لا الشارك الناس مخدوعه فيها والسنترا الناس هتعرف قيمتها بعدين
تقوله ياعم الناس مخدوعه فيها ازاى وهى بقالها 7 سنين ف الشارع يقولك لا اللى كانت من 7 سنين دى عربيه احلى كتير والبويه كانت احسن والصاج معرفش ايه وشويه يقولك طول عمرها عربيه زباله ومحدش فكر فيها الا اخر سنه رغم انها القديمه 2008 كانت حلوه من شوية
بص المشكله انك بتفكر انها عربيه غاليه يعنى ممكن تشتغل 7 سنين تحط القرش ع القرش وحارم نفسك من متع الدنيا عشان تجيبها فمنتظر انها عربيه مفهاش غلطه
للاسف الحقيقة غير كده,هى عربيه سعرها متوسط ..مش رخيصه زى الصينى ومش غاليه زى الالمانى فانتظر منها امكانيات متوسطه برضه..ماهى لو ب 150 الف ونفس امكانيات الهوندا سيفيك مثلا يباه محدش هيشترى الهوندا!
انا شايف انك لو قارنت الشارك ام 150 الف بمثيلاتها "السنترا البيز لاين او الريو او التيوليدو او السياز او الكروز"هتتفوق
بس لما تقارنها بالنترا او سيراتو هاي لاين او تويوتا او مازدا لا طبعا مش هتسد معاهم
خلاصة الكلام العربيات اللى بتتباع كتير زى اللانسر والصنى بيطلع عليهم كلام كتير والناس اللى بتحب تتفذلك هتطلع فيهم القطط الفاطسه ويقولك روح اشترى سوبارو ولا توليدو..طب ترضاها لاخوك يا مؤمن؟ :d
--
انا قبل ما اجيب الشارك لفيت ع المنتديات والجروبات وكل جروب بيشتكى من عربيته بس المهم عرفت ايه عيوب كل عربيه فلما جبت الشارك قبل ماتفرج عليها حتى فى المعارض وانا عارف انها :
1-شنطه صغيره
2-عزل وحش
3-بطيئه شويه تحت ال 100
4-فيتيس اوتوماتيك عادى 4 سرعات
5-وكيلها وحش
الحقيقة باتسثناء عيب الشنطه الصغيره ده باقى العيوب مقدور عليها وليها حلول وبعد ماركبتها لقيت ان فى مبالغات كتير ومحستش ان العزل وحش للدرجه اللى بيوصفوها دى وفى مبالغخ كبيره ف النقطه دى وان الفيتيس كويس جدا ومش بحس بنقلاته واشتريتها خليجى بضمان aaa فمش محتاج الوكيل ف حاجه
وعلى فكرة حتى صغر الشنطه له حل وهو انك تبيع الاستبن الجنط الكبير ده وتجيب فرده استبن الرفيعه هتوفرلك كتير فى الشنطه بس هو مش حل مثالى اوى لان الجنط الصغير مش هيسعفك اوى ف السفر
وفى الاخر لقيت الباكيدج مجزيه يعنى المميزات اكتر من العيوب لان العربيه دى لو وقفوا انتاجها او عملوا شكل جديد منها بسعر اغلى مش هعرف اركب يابانى ابدا ..عربيه جرايه وتقيله وعاليه عن الارض وتكيف تلج وشكلها جذاب وشرس واعاده بيعها حلوة وفى سعر مش سهل تجيب فيه حاجه كويسة وصالون واسع جدا وعفشه مالتى لينك وومحدش اشتكى من المشاكل الكبيره زى انه غير فيتيس مثلا او ان العربيه بتسخن او بتغير عليه دريكسيون وفيها عيوب صناعه "على فكره الالنترا معروفه بالعيب ده للاسف" ولا ان العربيه بتعجز وبتشخشخ من كل ناحية زى معظم الكورى لما يقدم..عربيه متجربة مش بتخاطر فيها
وانصحك تحاول تسوقها قبل ما تشتريها حتى لو اجرتها يوم واحد

[marsguy]

فى تقارير كتير عن الشارك اكثر حياديه..
ده واحد عمل بالعربيه 7 الاف كيلو وخسر فيها 5 الاف جنيه وبيقول اعاده بيعها وحشة..تساله ليه يقولك عشان اصلا سعرها غلى ف السوق يباه انا كده خسران اكتر من ال 5 الاف جنيه!تقوله طيب ده معناه انها عربيه حلوه طالما سعرها بيزيد مش زى السنترا مثلا سعرها نزل عشان محدش بيشتريها يقولك لا الشارك الناس مخدوعه فيها والسنترا الناس هتعرف قيمتها بعدين
تقوله ياعم الناس مخدوعه فيها ازاى وهى بقالها 7 سنين ف الشارع يقولك لا اللى كانت من 7 سنين دى عربيه احلى كتير والبويه كانت احسن والصاج معرفش ايه وشويه يقولك طول عمرها عربيه زباله ومحدش فكر فيها الا اخر سنه رغم انها القديمه 2008 كانت حلوه من شوية
بص المشكله انك بتفكر انها عربيه غاليه يعنى ممكن تشتغل 7 سنين تحط القرش ع القرش وحارم نفسك من متع الدنيا عشان تجيبها فمنتظر انها عربيه مفهاش غلطه
للاسف الحقيقة غير كده,هى عربيه سعرها متوسط ..مش رخيصه زى الصينى ومش غاليه زى الالمانى فانتظر منها امكانيات متوسطه برضه..ماهى لو ب 150 الف ونفس امكانيات الهوندا سيفيك مثلا يباه محدش هيشترى الهوندا!
انا شايف انك لو قارنت الشارك ام 150 الف بمثيلاتها "السنترا البيز لاين او الريو او التيوليدو او السياز او الكروز"هتتفوق
بس لما تقارنها بالنترا او سيراتو هاي لاين او تويوتا او مازدا لا طبعا مش هتسد معاهم
خلاصة الكلام العربيات اللى بتتباع كتير زى اللانسر والصنى بيطلع عليهم كلام كتير والناس اللى بتحب تتفذلك هتطلع فيهم القطط الفاطسه ويقولك روح اشترى سوبارو ولا توليدو..طب ترضاها لاخوك يا مؤمن؟ :d
--
انا قبل ما اجيب الشارك لفيت ع المنتديات والجروبات وكل جروب بيشتكى من عربيته بس المهم عرفت ايه عيوب كل عربيه فلما جبت الشارك قبل ماتفرج عليها حتى فى المعارض وانا عارف انها :
1-شنطه صغيره
2-عزل وحش
3-بطيئه شويه تحت ال 100
4-فيتيس اوتوماتيك عادى 4 سرعات
5-وكيلها وحش
الحقيقة باتسثناء عيب الشنطه الصغيره ده باقى العيوب مقدور عليها وليها حلول وبعد ماركبتها لقيت ان فى مبالغات كتير ومحستش ان العزل وحش للدرجه اللى بيوصفوها دى وفى مبالغخ كبيره ف النقطه دى وان الفيتيس كويس جدا ومش بحس بنقلاته واشتريتها خليجى بضمان aaa فمش محتاج الوكيل ف حاجه
وعلى فكرة حتى صغر الشنطه له حل وهو انك تبيع الاستبن الجنط الكبير ده وتجيب فرده استبن الرفيعه هتوفرلك كتير فى الشنطه بس هو مش حل مثالى اوى لان الجنط الصغير مش هيسعفك اوى ف السفر
وفى الاخر لقيت الباكيدج مجزيه يعنى المميزات اكتر من العيوب لان العربيه دى لو وقفوا انتاجها او عملوا شكل جديد منها بسعر اغلى مش هعرف اركب يابانى ابدا ..عربيه جرايه وتقيله وعاليه عن الارض وتكيف تلج وشكلها جذاب وشرس واعاده بيعها حلوة وفى سعر مش سهل تجيب فيه حاجه كويسة وصالون واسع جدا وعفشه مالتى لينك وومحدش اشتكى من المشاكل الكبيره زى انه غير فيتيس مثلا او ان العربيه بتسخن او بتغير عليه دريكسيون وفيها عيوب صناعه "على فكره الالنترا معروفه بالعيب ده للاسف" ولا ان العربيه بتعجز وبتشخشخ من كل ناحية زى معظم الكورى لما يقدم..عربيه متجربة مش بتخاطر فيها
وانصحك تحاول تسوقها قبل ما تشتريها حتى لو اجرتها يوم واحد

كلام سليم

الشارك best value for money

ومافهاش حاجه جامده تخليك تخاف منها