احسن عربيات فى رنج 75-85

[iso_loma]

السلام عليكم
لو سمحتم انا عايز عربيه اتوماتيك فى رنج 75 -85 الف تكون عربيه شبابى وموفره تصلح لداخل وخارج المدينه ومتكنش موديل قديم تقرفنى عايز عربيه تستحمل ومتفتحش بقها بعد سنه وبعد بحث على النت عجبتنى كذا عربيه ومحتاج مساعدتكم فيها ونصيحتكم ومقارنه بينهم من اهل الخبره بمميزات وعيوب كل واحده من حيث عيوب كل واحده و اسعار قطع الغيار واستهلاك البنزين والثبات وقله الاعطال
1- فولكس جيتا 2006
2- تيدا هاتش باك موديل 2007
3-هيونداى i30 موديل 2009
4-سيات ابيزا 2010 الشكل الجديد
5-سيات ابيزا 2008
fsv-6 او fsv
7-بومه 1600 موديل 2007 بس مش ميال اوى ليها
اسف على الاطاله بس محتار فى عربيه تقعد معايا مده طويله مع العلم انى معايا سيراتو 2006 اتوماتيك

[محمد مجدي 22]

طبعا طبعا طبعا طبعا جيتا 2006
بس انت مش هتلاقي جيتا 2006 بالسعر دة

[محمد مجدي 22]

جيتا طبعا بس مفيش جيتا بالسعر دة

[iso_loma]

خلاص نشيل الجيتا من الموضوع لانى عرفت ان موديلات 2006 و 07 فيهم مشاكل فتيس وتكيف والموديلات الاعلى اغلى ايه بعدهم

[lancer06]

السلام عليكم ورحمة الله وبركاتة
مرحبا أخى الكريم
لو مكانك هختار ميتسوبيشى لانسر من ناحية
الأداء والسحب
التوفير فى البنزين
توافر قطع الغيار
شبابية
منتشرة وسهل بيعها بسهولة
يابانى

[iso_loma]

طيب ما التيدا يبانى وفئه اعلى من اللانسر ولا ايه رايكم

[iso_loma]

ارجوكم ساعدونى دماغى هتنفجر انا كمان بفكر فى فيات جراند بونتو 2011

[lancer06]

طيب ما التيدا يبانى وفئه اعلى من اللانسر ولا ايه رايكم

السلام عليكم ورحمة الله وبركاتة
أخى الحبيب
فى عربيات كتير بالسعر دا ممكن تختار مابينها
الفيصل ما بينهم أنك تجرب المتاح قدامك
وتحكم انتا بنفسك ايه اللى استريحت لية
لكن خلى حالة العربية فى المقام الأول ومتبقاش منساق لفئة معينة
انا لما اخترت لانسر اخترتها عن طريق انى مجربها ومستريح ليه من ناحية التابلوة
والوسع وانها بتتحمل وشكلها شبابى ومرضى وقطع غيارها متوفرة عند ناس كتير مش هتدوخنى على حاجة معينة
ودا طبعا رأى شخصى لأنى ببساطة شايفها بترضينى
أنت ممكن يكون ليك رأى تانى وغيرى لية رأى تالت
المهم أنتا عاوز ايه جرب واحكم بنفسك وتعالى قولنا انا استقريت على كذ و كذا بناءا عن رغبتى