مقارنة بين سيارتين أودي مستعملين .. أرجو الافادة

[Das.Auto]

السلام عليكم

اريد شراء سيارة أودي ومعروض عليا سيارتين مانيوال كلاهما من طراز a4 وكلاهما قطع مسافة بين 140 الى 150 الف كيلو متر.

الاولى موديل 2006 رشت قبل كده وتحتاج مصاريف 5000 جنية لتغيير الكبوت والشبكة الامامية
بالاضافة الى بعد الامور الاخرى مثل كسر فى زرار التكييف يجب تغييره.
عدا ذلك فلا أري عيوب أخري من خلال مجرد رؤية الصور ولكن لمراكز الصيانة او المتخصصين ربما رأى اخر.

الثانية موديل 2007 هاى لاين بها فتحة سقف فابريقة ولكن بها خدوش فى اماكن متفرقة ويوجد اثار سمكرة فى جزء من السيارة. تحتاج مصاريف لتركيب غطاء الموتور الخارجي و مساعد الكبوت واصلاح الخدوش بالاضافة الى بعد الامور الاخرى البسيطة على حد قول البائع.

برايكم ايها افضل؟ وكم يكون افضل سعر لكل منهما وكم يجب ان يكون الفارق فى السعر بينهما؟


شكرا جزيلا وبانتظار ردودكم

[Das.Auto]

مفيش حد يقدر يفيدني بالمعلومة؟

[mif]

انت وصفت العربيتتين بطريقة سطحية جدا
عايز تجيب عربية مستعملة يبقي تبص :
1- دواخل العربية : حوض و قوايم و شنطة و سقف
2- اداء و كبس المكنة : ممكن واحدة فى الاثنين يكون كبسها اضغف من الثانية
3- اداء الفتيس و تجربه على كل الاوضاع او الغيارت
4- اداء باقي الاجزاء الميكانيكية
5- العفشة سليمة ولا متهالكة محتاجة تغيير
6- الكماليات و الاوبشنز : بتالف على كل زرار و اوبشن تجربه و اى حاجة عطلانة تنزل الثمن
7- حالة الجسم الخارجي و صالون العربية
8- حالة الاطارات
حتلاقي حاجات كتير صغيرة بس بتجمع فى الاخر مبالغ غير ان دى عربية مش منتشرة فكل قطعة بمبلغ

و ربنا يوفقك و اللى عندهم خبرة فى العربية يفيدوك

[Das.Auto]

انت وصفت العربيتتين بطريقة سطحية جدا
عايز تجيب عربية مستعملة يبقي تبص :
1- دواخل العربية : حوض و قوايم و شنطة و سقف
2- اداء و كبس المكنة : ممكن واحدة فى الاثنين يكون كبسها اضغف من الثانية
3- اداء الفتيس و تجربه على كل الاوضاع او الغيارت
4- اداء باقي الاجزاء الميكانيكية
5- العفشة سليمة ولا متهالكة محتاجة تغيير
6- الكماليات و الاوبشنز : بتالف على كل زرار و اوبشن تجربه و اى حاجة عطلانة تنزل الثمن
7- حالة الجسم الخارجي و صالون العربية
8- حالة الاطارات
حتلاقي حاجات كتير صغيرة بس بتجمع فى الاخر مبالغ غير ان دى عربية مش منتشرة فكل قطعة بمبلغ

و ربنا يوفقك و اللى عندهم خبرة فى العربية يفيدوك

اولا شكرا جزيلا على ردك.
ثانيا انا لم اصف السيارتين بطريقة سطحية بدل بطريقة دقيقة لأن ما قمت بوصفه هو ما رايته من خلال الصور فقط.
ممكن تقولي ازاى افحص اداء باقي الاجزاء الميكانيكية و العفشة سليمة ولا متهالكة؟

شكرا جزيلا

[mif]

اولا شكرا جزيلا على ردك.
ثانيا انا لم اصف السيارتين بطريقة سطحية بدل بطريقة دقيقة لأن ما قمت بوصفه هو ما رايته من خلال الصور فقط.
متزعلش من كلمة سطحية انا عايز اساعدك
ممكن تقولي ازاى افحص اداء باقي الاجزاء الميكانيكية و العفشة سليمة ولا متهالكة؟
لازم طبعا تكون العربية قدامك مش مجرد صور ... و تجرب العربية ... دور و اطلع و جرب كل الغيارات و الفرامل و اطلع كبارى و انزل و العفشة تبان فى المطبات و الملفات
و الافضل تكشف في كان متخصص هما يقرروا الحالة الكلية .... بنفسك حيبقى صعب جدا لانها عربية مليانة حساسات و كله بالكمبيوتر .

شكرا جزيلا

[Das.Auto]

اولا شكرا جزيلا على ردك.
ثانيا انا لم اصف السيارتين بطريقة سطحية بدل بطريقة دقيقة لأن ما قمت بوصفه هو ما رايته من خلال الصور فقط.
متزعلش من كلمة سطحية انا عايز اساعدك
ممكن تقولي ازاى افحص اداء باقي الاجزاء الميكانيكية و العفشة سليمة ولا متهالكة؟
لازم طبعا تكون العربية قدامك مش مجرد صور ... و تجرب العربية ... دور و اطلع و جرب كل الغيارات و الفرامل و اطلع كبارى و انزل و العفشة تبان فى المطبات و الملفات
و الافضل تكشف في كان متخصص هما يقرروا الحالة الكلية .... بنفسك حيبقى صعب جدا لانها عربية مليانة حساسات و كله بالكمبيوتر .

شكرا جزيلا

شكرا جزيلا علي المعلومة.
مكان متخصص زي مين؟ لان حتي التوكيل بتاعها رافض الفحص.

[dodo2000]

انا رأيى بلاش دى و دى أصلا و على قد المبلغ الى معاك شوف حاجة تانية مع العلم ان مستوى الركوبة هيكون لصالح الاودى من غير ما اعرف العربية الى ممكن تجيبها بس العربيات دى على الوصف بتاعك متبهدلين و المفروض الى بيركب الحاجات دى بيكون محافظ عليها انما بالوصف ده دول متبهدلين و هتتعب فيهم و هتضيع فلوسك

[Das.Auto]

انا رأيى بلاش دى و دى أصلا و على قد المبلغ الى معاك شوف حاجة تانية مع العلم ان مستوى الركوبة هيكون لصالح الاودى من غير ما اعرف العربية الى ممكن تجيبها بس العربيات دى على الوصف بتاعك متبهدلين و المفروض الى بيركب الحاجات دى بيكون محافظ عليها انما بالوصف ده دول متبهدلين و هتتعب فيهم و هتضيع فلوسك

انا بشكرك جدا على نصيحتك، حضرتك يعنى الشخص رقم 1000 اللى يقولى اوعى بلاش أودى علشان مش هتلاقي قطع غيارها فضلا عن السعر العالي وانها بتخسر كتير جدا فى اعادة البيع غير ان ماحدش بيفكر يشتريها الا نادرا وندرة او انعدام تواجد من يفهم فى صيانتها.
وايضا ان بنفس سعرها مستعمل ممكن اشتري تويوتا، كارينز، بيجو زيرو..
ولكن بالرغم من هذا كله لا اعلم لماذا لا أريد ان أحيد عن شراء سيارة أودي لكن بالتأكيد يجب ان تكوت بحالة ممتازة.

[م أحمد]

وايضا ان بنفس سعرها مستعمل ممكن اشتري تويوتا، كارينز، بيجو زيرو..
.

ليه..هما معروضين بكام ؟

[Das.Auto]

ليه..هما معروضين بكام ؟

140,000
so what do you think

[م أحمد]

140,000
so what do you think

I think it is a great "tadbeasa"

بالمبلغ دا حاجات زيرو كتير او المانى مستعمل زى المرسيدس افضل بكتير فى كل حاجة ... اعادة بيع مش واقعة و صيانة سهلة و لو احتجت الفلوس تلحق تبيع بسرعة

[Das.Auto]

i think it is a great "tadbeasa"

بالمبلغ دا حاجات زيرو كتير او المانى مستعمل زى المرسيدس افضل بكتير فى كل حاجة ... اعادة بيع مش واقعة و صيانة سهلة و لو احتجت الفلوس تلحق تبيع بسرعة

فعلا عندك حق بالاضافة الى ان كتير نصحونى ان على قد ما العربية حكاية الا انه خلاص اخد خيرها بعد استهلاك 7 سنين ومسافة 150 الف كيلومتر. وبعدين دول بيحاولوا يبيعوها بقالهم شهر ومش مركزين غير معايا!

ده الاغرب كمان ان العربية اللي عاينتها (واحدة ثالثة) وطلع فيها عيوب كتير، صاحبها عرضها للبيع بقاله 4 شهور وفي خلال الفترة دي عرضها مرة انها موديل 2007 وماشية 90 الف كيلو ومرة موديل 2007 وماشية 70 الف كيلو ومرة موديل 2008 وماشية 80 الف كيلو!

والغريب اوي بقي انه صاحب العربية اللى عاجبانى (مبدأيا من مجرد الصور) اللى فيهم بيحلف انه جاله عرض من تجار ازيد من العرض بتاعى ب 6 الاف جنية.
ومع هذا عايز يبيعهالى انا ولما سالته عن السبب ازاى تقبل عرض اقل ب 6 الاف، قالي علشان مش بحب اتعامل مع التجار.

انا نفسب اعرق ازاى؟؟ هو ماله تجار ولا أفراد؟ مش المهم مين عرضه اكبر من التانى وخلاص؟
انا بيتهيالى لو كنت اخوه وتاجر عرض عليه اكتر مني ب 6 الاف ما كانش هيبيعهالي انا (بافتراض انى اخوه)
ولا ايه رأيك؟

ولكن بالرغم من كل ده انا فعلا عاجباني العربية الأودي مع علمي بأني هخسر فيها اذا فكرت ابيعها ومش هلاقي اصلا اللي يرضي يشتري أودي على ما اظن يعني (على حسب ما سمعت مش اقل من 30 الف جنية) وعلى كلام واحد تاني: "بيعتها قطع فى سوق الجمعة"

[dodo2000]

هات جيتا 2009 هاى لاين و ماشية قليل و استمتع بيها

[Das.Auto]

هات جيتا 2009 هاى لاين و ماشية قليل و استمتع بيها

شكرا جزيلا على المشاركة بس ايه الفرق بين أودى موديل 2007 وجيتا موديل 2009؟ ما هو الاثنين مستعملين وممكن تكون حالة الجيتا سيئة بالاضافة ان مفيش مقارنة بين الأودي والجيتا.

[م أحمد]

فعلا عندك حق بالاضافة الى ان كتير نصحونى ان على قد ما العربية حكاية الا انه خلاص اخد خيرها بعد استهلاك 7 سنين ومسافة 150 الف كيلومتر. وبعدين دول بيحاولوا يبيعوها بقالهم شهر ومش مركزين غير معايا!

ده الاغرب كمان ان العربية اللي عاينتها (واحدة ثالثة) وطلع فيها عيوب كتير، صاحبها عرضها للبيع بقاله 4 شهور وفي خلال الفترة دي عرضها مرة انها موديل 2007 وماشية 90 الف كيلو ومرة موديل 2007 وماشية 70 الف كيلو ومرة موديل 2008 وماشية 80 الف كيلو!

والغريب اوي بقي انه صاحب العربية اللى عاجبانى (مبدأيا من مجرد الصور) اللى فيهم بيحلف انه جاله عرض من تجار ازيد من العرض بتاعى ب 6 الاف جنية.
ومع هذا عايز يبيعهالى انا ولما سالته عن السبب ازاى تقبل عرض اقل ب 6 الاف، قالي علشان مش بحب اتعامل مع التجار.

انا نفسب اعرق ازاى؟؟ هو ماله تجار ولا أفراد؟ مش المهم مين عرضه اكبر من التانى وخلاص؟
انا بيتهيالى لو كنت اخوه وتاجر عرض عليه اكتر مني ب 6 الاف ما كانش هيبيعهالي انا (بافتراض انى اخوه)
ولا ايه رأيك؟

ولكن بالرغم من كل ده انا فعلا عاجباني العربية الأودي مع علمي بأني هخسر فيها اذا فكرت ابيعها ومش هلاقي اصلا اللي يرضي يشتري أودي على ما اظن يعني (على حسب ما سمعت مش اقل من 30 الف جنية) وعلى كلام واحد تاني: "بيعتها قطع فى سوق الجمعة"

مفيش خلاف عليها كعربية ممتازة ... بس هى بتجمع بين مشكلتين اكبر من بعض

اعادة بيع بيتخسف بيها الارض ....خسارة مالية
ثقل شديد فى اعادة البيع..... خسارة زمنية و مش هتلاقى غير غاوى

و خسارة تدفع المبلغ دا فى عربية و تلف على تصليحها

انا فضلت متابع عربية بورش - اللى بتفصل عربيتين من مرسيدس - على كونتاكت كانت معروضة ب 160 الف متهيألى الاعلان قعد حوالى سنة و نصف او اكتر

انا كنت شايف اودى a5 ايام الثورة تربتك ليبيا كانت معروضة ب 55 الف و فهمت من كلامه ان فى لعب فى الورق ممكن يظبطه و طبعا هيبقى فى فلوس تانى هتدفع

الحالة الوحيدة اللى حضرتك ممكن تقبل بيها العربية انك تاخدها بسعر يعوضك الخسارتين (المالية و الزمنية)