سيارة مستعملة فى حدود 140 الف

[msfayad]

ارجو مساعدتي في شراء سياره مستعملة تكون في حدود 140 الف لاني محتار تماما
فكرت فى جيتا او سيفيك او استرا 2013 او سكودا اوكتفيا
عاوز حد عنده خبره ينصحنى

[ENG.MaRk]

ممكن Passat 2010

[msfayad]

شكرا جزيلا لردك.
هل السيارة 1400 سي سي او 1600
اخبار الفتيس بتاع الموديل ده

[ahmedbasto]

اوكتافيا كويسة جدا بالذات لو معاك عائلة لو شاب يبقى الهوندا تلاقى اللى انت بتدور عليه فيها وممكن تدخل الباسات وال e90 فى الحسابات

[The doctor]

بالسعر ده هتلاقى أوكتافيا a5 حالتها كويسه جدا و ممكن كمان تلاقى a6 بس ممكن ما تكونش كامله
و ممكن كمان تلاقى شيفروليه كروز 2014 أو 2015 هى سعرها دلوقتى زيرو فى المعارض 145

و الاتنين ثباتهم مفيش كلام عليه
ده غير ان الكروز من أول 2014 فيها ESP
ربنا يوفقك فى الاختيار

[A7medelfe2y]

هي الفانتازيا يا باشا
كل الي فيها طلعتها عجوزه شويه
لو الموضوع دا مش فارق معاك
يبقي وش هاتها ومتفكرش

[msfayad]

الف الف الف شكر لكل الناس المحترمة اللي ردت
ممكن تحديد اوكتافيا اي سنة صنع وتكون عاملة قد ايه كيلومترات _ هى المشكلة انى بصراحة بحس ان الاوكتافيا عواجيزي شوية ولا ايه رأيكم

[م/محمد ابراهيم]

الاوكتافيا مفيش عليها كلام طبعا وعالية ومش هتتعبك ولو عاوز حاجة شبابي زي الاوكتافيا هات جيتا بس واطبة عن الارض والباسات اجمد منهم وبرستيج عالى جدا بس مصاريفها ناااااار