جيتز,افيو5,فيات بونتو

[arch_emana]

ايهما افضل في العربيات الثلاثة ارجو الافادة ضروري جدا لاني ليس لي خبرة في العربيات وهاشتريه قريب

[ahmad--ezzat]

البنتو ايطالى بنسية 100 فى 100 ماتور 1300 محترم جدا شكل شيك جدا ثبات كويس اوى وشكلها احلى من الافيو والجيتس

[Dr.A.Nabil]

بونتو
مفيش مقارنه اصلا

[zeyad1810]

بونتو افضلهم

[arch_emana]

بس بيقولوا ان قطع غيارها غالية وخاصة انا لسة متعلمة سواقة جديد

[mr_safwt]

بونتو بونتو

[Rafraf]

punto motorha so3'ir gedan

bs its nice if you want something safe

[tutankhamoun]

جيتز عربية صغيرة بموتور كبير قوي عليها و ثباتها ضايع بلاش منها أحسن

البونتو عربية جميلة و موفرة في البنزين ووزنها و تصميمها متوافق مع الموتور
يعني متحش أنها ضعيفة إلا إذا حملت العربية ناس كتيرة
هاتحس بالفرق بينها و بين الموتور الكبير
غير كدا ...... مش هاتحس بحاجة خالص
الموتور متناسب قوي مع وزن العربية ( 860 كجم ) و توفير بنزين و قطع غيار متوفرة و أسعارها عايدة جدا
مين قال أنها غالية ؟؟؟

الأفيو .....عربية حلوة و أوسع من البونتو و تنفع عائلية عن البونتو و معقولة قوي بس برضه الثبات متوسط أو اقل قليلا
إما كعربية كويسة و موتورها قوته معقولة خالص و تقفيل العربية حلو و قطع غيارها هاتبقى متوفرة خصوصا انها بتشترك مع اللانوس في الموتور ....... بس مش عارف أيه قطع الغيار التانية اللي بتشترك فيها مع اللانوس

في الأخر
هاتخلي مقارنتك ما بين
الأفيو عائلية و أوسع
و البونتو شبابية

[arch_emana]

متشكرة اوي يا جماعة علي اهتمامكم وردودكم كنت مفيدة اوي بالنسبة لي اشكركم