استهبال فى الاسعار انها زادت ساعدونى محتارة بين عربيتين اوى

[dina3860]

الى بيحصل دلوقتى مفيش حاجة تتقال عنه الا انه استهبال و جشع كنت حاجزة عربية رينو لوجان و غليت 7 الاف جنية ليه مش عارفة و سعر دولار ثابت اصلا و حجزاها بقالي شهرين و عايزين يدفعونى على السعر جديد
المهم انا مستخسرة ادفع 100000 فى لوجان مانيوال
الي عاجبني اولا جراند بونتو مايوال ب 100000 بردوا بس بيقولولى اجيب متسوبشلى اتراج اوتوماتيك فئه اولى فتنصحونى بايه

[volociximab]

بلاش اتراج

[dina3860]

مالها اتراج

[A.Saad]

سيارة ضعيفة

[tameem2010]

موديلات 2016 كلها ولعت بسبب الدولار
بس غريبه انك جبتيها مانوال

[tameem2010]

هاتي لك نيسان صني2016 اول فئة اوتوماتيك ب110

وهتريحك في صيانتها وقطع غيارها عند اي حد واي حد بيعرف يشتغل فيها
بعكس الرينو اللى له ناس معينه سواء في قطع الغيار او الشغل بتاعه

بس النيسان فقيرة في الامكانيات انما في الاخر وفي مجملها هتريحك

[dina3860]

امكنياتي اخرها 100000 فجراند بونتو كويسة ولا لا؟؟؟؟؟؟؟؟؟؟؟؟؟؟؟؟

[A.Saad]

قطع غيارها قليلة

[amr011111]

هاتى السنترا بـ 140 الف جنيه اول فئه ادفعى مقدمه وقسطى الباقى
عربيه تمنها ارخص من نظيراتها

[abo_salah]

مع احترامي لاراء الناس
جراند بونتو لا تقارن باي شكل من الاشكال باللوجان سواء اتوماتيك او مانيوال ....لانها احسن من اللوجان بمراااحل
يكفي انها ايطالي 100%
تقفيل وخامات وقطع غيار احسن مليوووووون مره من اللوجان ... عيبها الوحيد التوكيل ... مش اكتر من كده
اسعار التوكيل في قطع الغيار غاليه عالفاضي ... وقطع الغيار بتاعتها موجوده بره عادي بنص التمن
حضرتك هاتيها وانتي مغمضه ... يا اما تجيبي نيسان صني 2016 بعد البونتو ...
مع الملاحظه ان النيسان صاجها اخف واضعف ... البونتو صاجها ناشف وتقفيل محترم
من حيث المساحه البونتو مش هاتريحك اوي لو محتاجه عربيه عائله هاتبقي ضيقه شويه .. النيسان اوسع بمرااااحل
سواء صالون او شنطه
الموتور بتاع البونتو 1400 سي سي و72 حصان تقريبا بس موفر جداااااااا في البنزين طالما حضرتك ماشيه علي نظام eco
النيسان 1500 سي سي 108 حصان تقريبا .. استهلاك بنزين اعلي من البونتو ..
بس الصالون والشنطه اوسع وحضرتك هاتحسي بفرق الاتساع
توكيل نيسان اغلب الناس بتشكر فيه
توكيل فيات للاسف مش كويس ... ومالوش مراكز صيانه بره غير هو مركز واحد بس في العبور ...
انا معايا بونتو 2013 اتوماتيك .. وجربت النيسان صني 2015 و 2013 الشكل الجديد ...
الاتنين احسن من بعض في حاجات و حاجات ... تفرق بس حضرتك عايزه ايه ومحتاجه ايه اكتر من ايه ؟
مساحه ؟ ولا تقفيل عربيه ؟ ولا صاج تقيل ؟ ولا استهلاك بنزين ؟ ولا توكيل ومراكز صيانه كتير معتمده بره ؟
برضه للعلم مش اكتر ... البونتو في اعاده البيع مش بتجيب سعر عالي .... النيسان هاتبيع اكتر ( رأي الشخصي )

[dina3860]

شكرا على كل التفاصيل الي قولتها كلها انا امكنياتى دلوقتي بونتو مش صني و انا مشاويرى مش كتير جوه القاهرة بس خايفة من الصيانه في التوكيل لتكون غالية بزياده بس رايك اخليني فى بونتو مانيوال و افكس لاتراج اوتوماتيك و افكس لرينو لوجان؟

[Yehya Badr]

مع احترامي لاراء الناس
جراند بونتو لا تقارن باي شكل من الاشكال باللوجان سواء اتوماتيك او مانيوال ....لانها احسن من اللوجان بمراااحل
يكفي انها ايطالي 100%
تقفيل وخامات وقطع غيار احسن مليوووووون مره من اللوجان ... عيبها الوحيد التوكيل ... مش اكتر من كده
اسعار التوكيل في قطع الغيار غاليه عالفاضي ... وقطع الغيار بتاعتها موجوده بره عادي بنص التمن
حضرتك هاتيها وانتي مغمضه ... يا اما تجيبي نيسان صني 2016 بعد البونتو ...
مع الملاحظه ان النيسان صاجها اخف واضعف ... البونتو صاجها ناشف وتقفيل محترم
من حيث المساحه البونتو مش هاتريحك اوي لو محتاجه عربيه عائله هاتبقي ضيقه شويه .. النيسان اوسع بمرااااحل
سواء صالون او شنطه
الموتور بتاع البونتو 1400 سي سي و72 حصان تقريبا بس موفر جداااااااا في البنزين طالما حضرتك ماشيه علي نظام eco
النيسان 1500 سي سي 108 حصان تقريبا .. استهلاك بنزين اعلي من البونتو ..
بس الصالون والشنطه اوسع وحضرتك هاتحسي بفرق الاتساع
توكيل نيسان اغلب الناس بتشكر فيه
توكيل فيات للاسف مش كويس ... ومالوش مراكز صيانه بره غير هو مركز واحد بس في العبور ...
انا معايا بونتو 2013 اتوماتيك .. وجربت النيسان صني 2015 و 2013 الشكل الجديد ...
الاتنين احسن من بعض في حاجات و حاجات ... تفرق بس حضرتك عايزه ايه ومحتاجه ايه اكتر من ايه ؟
مساحه ؟ ولا تقفيل عربيه ؟ ولا صاج تقيل ؟ ولا استهلاك بنزين ؟ ولا توكيل ومراكز صيانه كتير معتمده بره ؟
برضه للعلم مش اكتر ... البونتو في اعاده البيع مش بتجيب سعر عالي .... النيسان هاتبيع اكتر ( رأي الشخصي )

مع كل الأحترام معلومات حضرتك
1) الجراند بونتو قطع غيارها غير منشرة و غالية جدا بسبب التوكيل علي عكس الرينو
2) و كمان صيانتها صعبة و باتت أكثر صعوبة من الرينو

أما عن مستوى التفقيل و التكنولوجيا فطبعا هي أعلي من الرينو

[tameem2010]

البونتو قطع غيارها نااااااااااااااار

[iso_loma]

طبعا حرام فى اللوجان اما البنتو عربيه ممتازه لكن قطع غيارها غاليه ومش منتشره اوى وهتخسرى فيها نص تمنها لما تيجى تبعيها غير كده هى عربيه محترمه انا ارشحلك فعلا النيسان لان برضو التراج مش محبوبه عشان 3 سلندر

[abo_salah]

شكرا للردود ...
عامه انا شخصيا اما باحب اشتري قطعه غيار عندي كيلاني في التوفيقيه وفي محل مودرن كار ( قطع غيار اصلي فقط ايطالي ) في شارع الطيران مدينه نصر .. و في كمان شارع دمشق .. بالاقي اي حاجه باسال عليها في الاماكن دي في اي وقت .. غير طبعا الجروب بتاع بونتو عالفيس بوك
فا مش عارف بقي موضوع ان قطع الغيار مش منتشر ده فعلا موجود ولا لا ..
مساله سعر قطع الغيار - انا شايف ان التوكيل نااار ناااار ناااااار .. وحراميه كمان
يعني مثلا انا كنت مغير طقم دبرياج وحبه حاجات معاه بره التوكيل بحوالي 2000 جنيه بالمصنعيه .... في التوكيل طقم الدبرياج لوحده بالمصنعيه كان في حدود 5000 جنيه ( للبونتو الاتوماتيك ) مش مانيوال ..
فا بانصح حضرتك لو النيسان صني سعرها بعيد شويه .. اتكلي علي الله وهاتي البونتو مانيوال ...
وبلاش اللوجان ...