اول سياره و مش عارف اجيب ايه فى حدود 20 الف

[Ahmed 2000]

السلام عليكم , هو الموضوع رخم و المقارنه ارخم خصوصا ان المبلغ صغير بس طمعان ف اصحاب الخبرة انهم يسعدونى فيه
محتاج عربيه فى حدود 20 الف و للاسف مش هقدر ازود جنيه واحد , مشوار يومى من المعادى حدائق القبه و مشوارين اسبوعيا من المعادى للعبور
لو سعر قطع الغيار غاليه شوية بس بتعيش و متوفره على الاقل فى مكان او اثنين لما اروح اضمن الاقيها مافيش مشاكل , مش فارقه بنزين 80 ولا 90
اسف للاطاله بس احب اعرف رأى حضرتك فى جولف 1 متعدله جولف 2

[Ahmed abdkarim]

لو انت عاوز حاجه قطع غيارها متوفرة سيبك من الجولف
سوزوكى ماروتى اعتقد كويسة

[Ahmed 2000]

لو انت عاوز حاجه قطع غيارها متوفرة سيبك من الجولف
سوزوكى ماروتى اعتقد كويسة

ممكن اعرف من حضرتك 20 الف يجيبو موديل كام , و ايه راى حضرتك فى سرعتها و الثبات على الدائرى او فى السفر ؟

[م أحمد]

المبلغ دا يجيب 128 حالة محترمة و مش مقرفة

[joon2]

بص يا باشا هو انا هقولك تجربتي .... انا انصحك بديهاتسو شاريد هاتش باك موديل 90 او 91 في الحدود دي انا كانت اول عربية اجيبها بصراحة عربية من الاخر وهتعمل معاك في حدود فلوسك لو حالة كويسة ومش متهانه .... وبالنسبة لقطع الغيار متوفرة مش ناقصة انا الناس خوفوني شوية قبل ما اجيب لكن لقيت كل حاجه في الحرفيين وبالتحديد عن اوشين و في واحد جنبه مش فاكر اسمه تخصص شاريد الموديلات دي . والعربية كنت بجري بيها 120 بامانة وكانت حالت عربيتي تعبانه الي حد ما كمان و كنت بروح بيها كل حته بس في نقطه واحدة وهي المكانيكية مش اي حد يشتغل فيها زي الفيات لكن اي حد بيشتغل في اليباني يشتغل فيها وعن تجربة ..... واعتمادية جدا وفي منها مكيف ..... وفي الاخر خد راي الناس الخبرة عني بالطبع ...

[م أحمد]

المكنة ال 1300 فى ال 128 لو زيرو تجيب 160 !!!!

و لو مكنة 1100 تجيب ال 140 !!!

مفيش ورشة من اول البلاد لآخرها ما يعرفش يشتغل فيها و قطع الغيار فى الصيدلية و عند المكوجى و البقال و بتوع قطع الغيار طبعا

مش واسعة و مش ضيقة و تمشى عائلى

[Ahmed 2000]

بص يا باشا هو انا هقولك تجربتي .... انا انصحك بديهاتسو شاريد هاتش باك موديل 90 او 91 في الحدود دي انا كانت اول عربية اجيبها بصراحة عربية من الاخر وهتعمل معاك في حدود فلوسك لو حالة كويسة ومش متهانه .... وبالنسبة لقطع الغيار متوفرة مش ناقصة انا الناس خوفوني شوية قبل ما اجيب لكن لقيت كل حاجه في الحرفيين وبالتحديد عن اوشين و في واحد جنبه مش فاكر اسمه تخصص شاريد الموديلات دي . والعربية كنت بجري بيها 120 بامانة وكانت حالت عربيتي تعبانه الي حد ما كمان و كنت بروح بيها كل حته بس في نقطه واحدة وهي المكانيكية مش اي حد يشتغل فيها زي الفيات لكن اي حد بيشتغل في اليباني يشتغل فيها وعن تجربة ..... واعتمادية جدا وفي منها مكيف ..... وفي الاخر خد راي الناس الخبرة عني بالطبع ...

هو فعلا فى ناس رشحتلى الشاريد بس المشكله ان صعب جداااااا تجيب حالة نظيفه فيها

[Ahmed 2000]

المكنة ال 1300 فى ال 128 لو زيرو تجيب 160 !!!!

و لو مكنة 1100 تجيب ال 140 !!!

مفيش ورشة من اول البلاد لآخرها ما يعرفش يشتغل فيها و قطع الغيار فى الصيدلية و عند المكوجى و البقال و بتوع قطع الغيار طبعا

مش واسعة و مش ضيقة و تمشى عائلى

طب حضرتك شايف ان فى فرق فى الموديلات لو هشترى 128 و اشدها ؟ تابلوه و كراسى حديثه موتور جديد ؟ و ايه افضل موديل لو هشد العربيه شده كويسه و ثمنها تكون كام تقريبا , و هل الشد سهل ولا الاسهل اشترى حاجه مشدوده جهزه خصوصا ان دى اول عربيه و مليش خبره كافيه , و شكرا لاهتمام حضرتك و اسف على الاطاله

[م أحمد]

اتعب كتيييييييير فى البحث لغاية لما تلاقة حاجة جاهزة فى حدود 17000 الف و خلى معاك مصاريف تشغيل احتياطى لان مفيش عربية مستعملة لاى ماركة فى اى ارقام فلوس إلا وبتصرف عليها...حتى الزيرو ليها مصاريف صيانة...و تراعى قطع غيار جديدة مش الكذب بتاع الامستعمل المسمى استيراد +ميكانيكى شاطر=مفيش مشاكل ان شاء الله

العربية نوعين واحدة بيتى و دى ان شاء الله عربية روعة
وواحدة تعليمية يتعاقبها الملاك و لو يطولو يحطو لها عصير برسيم علشان تمشى هيعملو ...و دى بلوى

و أهم حاجة ابعد تماما عن الشاسيه المعيب (بارومة او اعوجاج من حادثة).... كل حاجة تانية مقدور عليها...يبقى معاك سمكرى امين مش يسمسر من وراك و يفرز العربية من فوق لتحت

[Ahmed 2000]

اتعب كتيييييييير فى البحث لغاية لما تلاقة حاجة جاهزة فى حدود 17000 الف و خلى معاك مصاريف تشغيل احتياطى لان مفيش عربية مستعملة لاى ماركة فى اى ارقام فلوس إلا وبتصرف عليها...حتى الزيرو ليها مصاريف صيانة...و تراعى قطع غيار جديدة مش الكذب بتاع الامستعمل المسمى استيراد +ميكانيكى شاطر=مفيش مشاكل ان شاء الله

العربية نوعين واحدة بيتى و دى ان شاء الله عربية روعة
وواحدة تعليمية يتعاقبها الملاك و لو يطولو يحطو لها عصير برسيم علشان تمشى هيعملو ...و دى بلوى

و أهم حاجة ابعد تماما عن الشاسيه المعيب (بارومة او اعوجاج من حادثة).... كل حاجة تانية مقدور عليها...يبقى معاك سمكرى امين مش يسمسر من وراك و يفرز العربية من فوق لتحت

متشكر مره ثانيه لاهتمام حضرتك يا باشمهندس احمد و اسمحلى بأخر سؤال , الموديل بيفرق فى السعر ولا الحاله فقط الى بتفرق

[م أحمد]

متشكر مره ثانيه لاهتمام حضرتك يا باشمهندس احمد و اسمحلى بأخر سؤال , الموديل بيفرق فى السعر ولا الحاله فقط الى بتفرق

الحالة أكيد و دا ما يمنعش ان العربيات الموديلات القديمة ليها حدود فى السعر لا تتعداها

[aw2100]

اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!

[Ahmed 2000]

الحالة أكيد و دا ما يمنعش ان العربيات الموديلات القديمة ليها حدود فى السعر لا تتعداها

الف شكر يا باشمهندس

[Ahmed 2000]

اشترى اى عربية بلاش ال128 عربية ضعيفة وكل شويه شروخ فى الشاسيه وفى اساسيات العربية انصحك تشوف عربية ماروتى او ممكن 125 او 124 او لادا قديم افضل من ال128 وبراحتك اهم حاجه ماتستعجلش فى شراء عربية ولو تلاقى عربية بتاعه صديق او معرفه تكون عارفها ولو اغلى من السوق اشتريها لان فيه عربيات كتير دلوقتى مضروبه ومبروك على العربية الجديدة!!

و الله يا استاذ وليد انا تعبت , مش عارف اعمل ايه , بس 125 و 124 شكلهم قديم شوية و الماروتى الى مجربنها قالو على الدائرى مافيش ثبات و انسى السرعه و متفكرش تسافر بيها , اللادا الحالات النظيفه في التسعينات بيطلبو اكثر من 20

[Mahmoud Naguib]

متابع معاك