بروتون بيرسونا ولا سيات توليدو

[Hussein Galal]

شباب
محتار بين بروتون بيرسونا و سيات توليدو
في فرق سعر بس قدامه فرق اوبشنز رهيب
زائد اني خايف من فرامل البيرسونا(طول المشوار و وجوب تحضير فرامل في الفرامل المفاجأة) و حجزت تست درايف و محدش عبرني من شهر عشان اجرب الفرامل بنفسي
لو مكاني تختاروا ايه و بدون تعصب من فضلكم
سيات توليدو للعلم فتيس و موتور سكودا اوكتافياa5


المشكلة ان التوليدو جديدة مع اني ميالها

[محمد مجدي 22]

التوليدو

[Hussein Galal]

ليه ؟

[ibrahiiimooo]

الفكرة مش ان كل واحد يقولك مين احسن من وجهة نظرة الفكرة ان انت اللي تقرر مين فيهمانسب ليك و لاحتياجاتك
التوليدو مش احسن في الاوبشن وبس لا كمان احسن في الخامات و التقفيل و الاعتمادية كمان بس البيرسونا (و لو ان النصيحة لو حتجيب بروتون و مش فارق معاك اتساع الشنطة قوي هات الجين تو علشان افضل في الريسيل) البروتون حتتفوق في التسارع (و لو على حساب استهلاك البنزين) و الريسيل و سعرها ارخص كتير و شكلها اشيك من التوليدو و بالتالي لو انت سواقتك سريعة و غرز و كده و حتبيع بعد وقت قصير خليك في البروتون لان التوليدو الريسيل بتاعها حيبقى اوحش من البروتون

[hanyyacot]

انا معايا جين 2 وماعرفش حاجة عن التوليدو , ف هاكلمك عن الجين 2 / البيرسونا و هارد على نقطة الفرامل خصوصا . انا برضه قبل ما اجيب الجين 2 كنت قلقان من اللى باسمعه عن موضوع الفرامل . وبعد ما جيبتها لقيت ان مافيش اى حاجة صح من اللى بتسمعه عن الفرامل ده , مافيش عربيتين فراملهم زى بعض , كل الموضوع تعود رجلك على حساسية الفرامل وده لاى نوع عربية . . لكن الفرامل ممتازة فعلا وتسعفك فى اى موقف بكل سهولة . العربية فى العموم كويسة جدا بالنسبة لسعرها , لو عايز اداء وقوة واعتمادية وانتشار وقوة صاج . وربنا يوفقك للاصلح

[scientist9508]

بسم الله الرحمن الرحيم

اخى الفاضل

انا و بشكل شخصى ارفض وضع التوليدو على خط المواجهه امام البروتون. التوليدو هى سياره المانيه بشعار سيات.

انا من المعجبين بالبروتون جداً و لكن ان توضع فى الكفه المقابله للتوليدو فانها تخسر بالتاكيد.

و احقاقاً للحق و دقة للمعلومه فان البروتون تتفوق على التوليدو بنقطة واحده مهمه جداً وهى انك تستطيع الاستغنا عن التوكيل من اول لحظه لانها تكنولوجيا بسيطه و فى نفس الوقت سياره قويه.

هداك الله لارشد امرك و اقومه

السلام عليكم و سحمة الله و بركاته

[mariachi]

مفيش مقارنه أصلا. التوليدو أعلى طبعا!

[memo_p910]

معايا البرسونا والفرامل بتاعتها ممتازه هيا بس حساسيتها مختلفه عن الكوري مثلا

التوليدو افخم طبعا واكثر رفاهيهه وهو ده الفرق

البرسونا ممتازه ووحش على الطريق والتوليدو الماني محترم وفرق التكلفه في الشراء والتشغيل هو اللي هايحكمك في الاختيار