سيفيك ولا سكودا

[Hani Hegazi]

السلام عليكم
ارجو المساعدة في اختيار السيارة التي ارغب ب شرائها ان شاء الله
وهما حاجة من اتنين ...
** هوندا سيفيك موديل 2008 او 2009
** سكودا اوكتافيا a5 موديل 2008 او 2009
انا قريت كتير عن عيوب ومميزات كل واحدة بس حطيت موضوع عشان اصحاب الخبرة اللي بيسوقوا الاتنين وباسلام لو حد ساق الاتنين مع بعض ...
مع الاخد في الاعتبار الحاجات الجاية دي بالنسبة لي عشان اقدر اشتري العربية الصح :-

- انا من بورسعيد
- بسافر كتير علي طريق بورسعيد السويس السخنة - السويس البحر الاحمر - بورسعيد المنصورة - الاسماعيلية راس سدر اللي بعد النفق كده ب 70 كيلو
انا قلت محل سكني والطرق دي عشان اعرف من حضراتكم نوع العربية المناسب ليهم
- انا متعلم السواقة قريب وبسوق عربية لانوس بتاعت اخويا بس دي اول عربية حشتريها
- ماليش اوي في ميكانيكا العربيات ف نفسي في عربية مشاكلها قليلة عشان مبقاش رايح جاي علي الحرفيين
- عندي الام بسيطة في ضهري او مش الام يعني مثلا بضايق من القعدة في الاوقات العادية مبطيقش اعد نص ساعة علي بعض ببقي عايز اقف ، بقول كده عشان اعرف العربية الاريح في السفر بالذات
- اقصي سرعة لقيت نفسي بسوق عليها 120 ل 130 الف كيلو
- عايز اعرف برضه ايهم احسن بالنسبة لقطع الغيار ، قصدي علي (التوافر) مش السعر لان كل حاجة والعة اصلا
- واخيرا انا كل اللي اقدر المه سواء معايا او سلف عشان اكمل اخره حيكون 115 الف عشان فيه تفاوت غريب بشوفه في الاسعار بتاعت الناس
اتمني المساعدة بجد

[mariachi]

السيفيك أنعم و أريح و موتورها أقوى بكتير. بس عيبها الوحيد إنها واطيه على الأرض بفارق كبير عن الاكتافيا. لو ده مش مشكله معاك ماتفكرش و هات السيفيك!

[JapRuleZ]

سيقيك 2007 يتم تعديل الارتفاع ب 1500 ج

[Hani Hegazi]

سيقيك 2007 يتم تعديل الارتفاع ب 1500 ج

ازاي بيتم التعديل وفين ؟؟

[iso_loma]

سيفيك 2009 اعلى من 2008 وهى انعم من الاسكودا لكن اعتقد ان الاوكتفيا اكثر ثبات على الطريق

[homos99]

سيقيك 2007 يتم تعديل الارتفاع ب 1500 ج

التعديل في التوكيل ؟؟

وايه اللي بيتعدل بالظبط ؟؟

[JapRuleZ]

بالتوكيل