أرجو المساعدة كورولا 2015 ام بي ام 316 ام باسات

[eng_tamertaha]

السلام عليكم
في حدود ال 200.000 جنيه أرجو المساعدة في الاختيار بين الكورولا 2015 او 2016 سواء زيرو او كسر زيرو
وبين ال bmw 316 مستعملة طبعا
وبين الباسات مستعملة
وجزاكم الله خيرا

[م أحمد]

انت كدة حددت ال fixed cost للعربية ب 200 الف

لازم تحدد ال running cost بتاعك مع العربيات دى

الكورولا اقلهم بكتير و ال بى ام اعلاهم بكتير و الباسات بفتيس ال DSG اعمل حسابك على فتيس يبوظ كل مدة لو 2009 و ما بعده

[eng_tamertaha]

شكرا ليك م أحمد
فعلا فيه ناس كتير اشتكت من فتيس الباسات ودي نقطة اتفق معاك فيها وحتى تخليني اخرج الباسات شوية من حساباتي
لكن بالنسبة لقطع غيار الكورولا الجديدة و البي ام 316 هل الفرق بينهم كبير للدرجة دي
اصل سألت كذا واحد وقاللي ان قطع غيار الكورولا نازلة غالية جدا فحسيت انها مش هتفرق كتير ولا انت ايه رأيك؟

[م أحمد]

عندك حق فعلا فى موضوع قطع الغيار و اضف لكدة البى ام المستعمل خدت هبدتها الاولى فى اعادة البيع و الهبدة التانية مش هتبقى زى الاولى لو هتيجى تبيع ...يعنى مش هتبعد كتير عن الكورولا

يتبقى نقطة الكماليات ...كماليات الكورولا 2015 كتير (لاعلى فئة) فهل الكماليات دى مؤثرة معاك و لا يهمك اساسيات العربية و خلاص...طبعا لو الامر محصور فى اساسيات العربية فالعملية محسومة أكيد !!!

[eng_tamertaha]

الله ينور يا هندسة
فعلا الكلام ده مريح وهي تبقى كماليات مقابل ركوبة
ربنا يصلح الحال