بيجو بارس ولا شيفرولية لانوس.. اية رأيكم ؟

[pro_samir]

سلام عليكم

مش عارف الكلام عن البيجو البارس كتير قوى ومتضارب ويحيررر
العربية الان سعرها على موقع كونتاكت كارز عاملة 69 الف !!!
انا بصراحة مش عارف ازاى بيجو بالسعر دة اصلا يعنى سعرة لوحدة يعمل قلق ، اذا كان ال405 القديمة فى رينج الخمسين وبقالها اكتر من عشر سنين شغالة !

المهم مش عارف اللى على موقع كونتاكت دى هل هيا البارس ولا الروا
http://www.contactcars.com/NewCars_Profile.asp?EngineID=1494

؟

والسعر دة حاططها فى مقارنة قوية قوى مع الانوس

يعنى تقريبا السعر واحد .. التقفيل لانوس مصرى وبارس مانا عارف مصرى ولا ايرانى يعنى محصلة بعضها

بس فى الاخر دى اسمها بيجو و دى دايو يعنى المفروض مفيش مقارنة

لكن ارجع واقول الانوس اهى بقالها عشر سنين و الواحد مجربها وعارف اخرها اية
وان كان على عيوب التقفيل المصرى اهى معروفة شوية وهتتظبط

بس برضو البيجو برقبة الكورى اللى عاملة زى الكارتونة الطائرة دى ، وبعد 150 تحس انها مش على الارض اساسا

اكتر حاجة خوفتنى من البارس موضوع التوكيل + موضوع انها بتنزل مفككة ومش متقفلة كويس
وغير كدة من ضمن الكلام انها لما ركبلها جنوط 15 جابت 170 .. يعنى من غير جنوط مبتجريش ؟

محتاررررر


اية رأيكم يا جماعة ؟

[Superdriver]

دي غير دي

البارس سعرها 90000 جنيه
التانية 405 القديمة سعرها 70000 جنيه

[pro_samir]

ماهى حتى لو القديمة بتهيألى احسن من الانوس
ولا اية ؟

[ahmed76]

بصراحة شكرا على الخبر ده
اول مرة اعرف ان بيجو 405 ب 70000

وفين الدعاية بتاعتها مش عارف
انا بحب اللانوس جدا جدا لكن
اكيد طبعا احسن من اللانوس كفايه انها موتور بيجو
لو حتى بتتقفل تحت السلم

[ESO_POP]

يا باشا البيجو اللى بتتكلم عليها دى مش البارس دى الروا(الايرانى) ودى مختلفه جامد عن البيجو البارس (دفع الروا خلفى والبارس امامى)وفيه اختلافات فى العفشه وفى حاجات انا بصراحه مش فاكر هى ايه
والبيجو البارس تمنها 90 الف جنيه

[pro_samir]

يا جماعة لخبطونى أكتر .. اللى بتكلم عنها اللى فى اللينك دة :S

http://www.contactcars.com/NewCars_Profile.asp?EngineID=1494

بسبعين الف

دى 405 قديمة ولا الايرانى روا ولا بارس ؟

[the-hero]

الصور لهيكل العربية الخارجى بارس
لكن شكل الطبلوة والسعر ده بيقول انها روا الايرانى
ولكن الاعلان ده مش مظبوط أو فيه أخطاء لأن مستحيل يكون واحد شارى بارس ب90000 ويبعها فى نفس السنه ويطلب 69000
وبعدين الاعلان مش كامل وفيه حجات غلط

[the-hero]

وبرغم ان البارس شبه ال 405 تماما بس أنا مبصنفش البارس مع العائلة الفرنسية بيجو لأنها مشكوك فى أمرها ومنزلتش فرنسا أصلا يعنى فكرة مصانع تانية يعنى زى الروا بس معدلة شويه
وشويه يقولوا فى التوكيل ماتور فرنسي وصناعة مصرية وشويه يقولوا ماتور 307 وده طبعا مستحيل والواحد مش عارف ماتورها نوعة ايه اصلا
لذلك مقدرش أقيمها على سمعة شركة بيجو وأقارنها بأى عربية تانيه
لكن لو هقارن ممكن أبدلها للعملاق الفرنسي 405 البرستيج وديه عربية بقي ولا كلمة لاتقولى بارس ولا روا ولا شيفروليه ولا هيونداى كله يركن على جنب

[pro_samir]

الصور لهيكل العربية الخارجى بارس
لكن شكل الطبلوة والسعر ده بيقول انها روا الايرانى
ولكن الاعلان ده مش مظبوط أو فيه أخطاء لأن مستحيل يكون واحد شارى بارس ب90000 ويبعها فى نفس السنه ويطلب 69000
وبعدين الاعلان مش كامل وفيه حجات غلط

دة مش مستعملة دى جديدة كمان

[Nour_Peugeot]

عا كلام هيرو بالنص هي عربيه شبه متجمعه من كذا حتي الموتور اساسا بتاع ال 206 ال 1600

و العفشه عفشه البرستيج و التابلوه بتالوه البرستيج

انا راي بلاش انت تجيب برستيج مستعمل 2000 سي سي موديل 99 او 98 و تبقي راكب عربيه كويسه جدا

و برقبه الجديد في كذا حاجه

[mecho]

ياجماعة انا معايا البارس و موتورها tu5jp7 هو نفسة بتاع 307 و سيتروين و عربية كويسة جدا و اول تسليم ليها كان فى شهر 9 دة يعنى استحالة نكون الى فى الاعلان

[Nour_Peugeot]

طيب يا باشا متتبلنا عنها تقرير مفصل و لك جزيل الشكر

[ahmed1981]

يا جماعة لخبطونى أكتر .. اللى بتكلم عنها اللى فى اللينك دة :S

http://www.contactcars.com/NewCars_Profile.asp?EngineID=1494

بسبعين الف

دى 405 قديمة ولا الايرانى روا ولا بارس ؟

السيارة في الرابط هي بيجو روا 405 إيراني
راجع التالي:
http://www.nilemotors.net/Nile/showpost.php?p=17551&postcount=5

http://www.nilemotors.net/Nile/showthread.php?t=1793

[pro_samir]

شكرا على الافادة يا هندسة

[amirfanos]

يا باشا البيجو 405 ب 70 الف و هى اسم فقط لكن لا تمت للبيجو باى صلة
و لو كانت بيجو بجد و بنفس السعر لا يمكن مقارنتها بأى عربية فى مصر
لكن الصح خليك فى اللانوس مضمونة و 100 100