" 160 ألف "تويوتا ياريس أو رينو فلونس

[ahmedrefat]

السلام عليكم
انا عاوز اشتري عربية في حدود 160 الف و محتار بين الياريس السيدان و الرينو فلونس اول فئة اوتوماتيك
لو في اقتراح لعربية غيرهم مش هيونداي يارييييت

[swimmer25]

ياريس سيدان بس تكون ال 1.5

[salam100100]

سينترا من الوكيل انتظار 3 شهور ب150 الف
او 165 الف استلام فورى

السينترا عربيه جديده بتتجمع فى مصر, لسه محدش اشتكى منها عشان لسه جديده
لسه مظهرش ليها عيوب

الفيتيس بتاعها cvt

[hanyyacot]

رينو فلوانس افضل بكتير جدا من الياريس , ممكن كمان الهوندا سيتى

[AHMADALY1999]

نيسان سنترا

[ashouhdy]

كروز 2016 اكيد

اول فئة 157الف هاي لاين 165

http://www.nilemotors.net/Nile/477797-2016.html

[ashouhdy]

[prince93]

سينترا من الوكيل انتظار 3 شهور ب150 الف
او 165 الف استلام فورى

السينترا عربيه جديده بتتجمع فى مصر, لسه محدش اشتكى منها عشان لسه جديده
لسه مظهرش ليها عيوب

الفيتيس بتاعها cvt

فين الانتظار ٣ شهور دة يا ريت تدلنى عليه
انا لسة سائل يوم ١٦ نوفمبر فى ناشيونال يونيون شارع النزهة و السبع شارع الحرية و مودرن موتورز شارع الحجاز و اتلاتة اصلا قافلين باب الحجز دلوقتى و التلاتة قالولى ان الحجوزات وصلت لشهر ٥ ٢٠١٦!!
استنى عربية ٦ شهور ليه؟!
فعلا لو تعرف معرض يسلمنى فى خلال ٣ شهور بالسعر الرسمى يا ريت تعرفنى

[تامر.محمد]

بصراحة مفيش مقارنة اصلا

مش عارف سؤال زي ده بيتسئل ازاي و الله

[amirz]

حضرتك اركب الاتنين وشوف الفرق .. وعموما هما فئتين مختلفين تماماااااا والافضل فى رأيى الفلوانس نظرا لفخامتها ووسعها الداخلى

[Hany Saad]

بغض النظر عن السعر المتقارب، الياريس فئة أقل من الفلوانس و هى تكافىء الرينو سيمبول او اللوجان
الفلوانس نفس مستوى الكورولا و المقارنة ما بينهم من أصعب ما يكون لأنهم متقاربين جداً
اعتقد كده حضرتك عرفت جواب سؤالك إيه

تحياتى

[Hegazio]

ازاي العربيتين دول يتحطو في مقارنة جنب بعض !!!؟؟؟
عشان سعرهم قريب ؟؟
لا حول ولا قوة الا بالله

[Ahmed Mekawy]

معظم العربيات المحلى البوية بتاعتها بتروح و تبيض بع 3 سنين. كمان مع الاسف فيه عيوب فى التقفيل. انا كنت مقتنع بالسينترا بس بعد التجميع المحلى صرفت نظر , انا حاولت اقفل الشنطة بتاعتها فى المعرض ما عرفتش الا بع 3 محاولات.
الياريس من جوا فقيره جدااا.
الفلوانس اللى موجودة دلوقتى خليجى متجمعه فى كوريا بدون ضمان.
انا شايف ان الكروز احسن.

[Hany Saad]

معظم العربيات المحلى البوية بتاعتها بتروح و تبيض بع 3 سنين. كمان مع الاسف فيه عيوب فى التقفيل. انا كنت مقتنع بالسينترا بس بعد التجميع المحلى صرفت نظر , انا حاولت اقفل الشنطة بتاعتها فى المعرض ما عرفتش الا بع 3 محاولات.
الياريس من جوا فقيره جدااا.
الفلوانس اللى موجودة دلوقتى خليجى متجمعه فى كوريا بدون ضمان.
انا شايف ان الكروز احسن.

بغض النظر عن نوع العربية الأفضل و لكن الفلوانس الخليجى المتجمعه فى كوريا دى استيراد تجار، الفلوانس التركى موجوده فى التوكيل بنظام الحجز زى أى عربية و فيه منها قليل فى المعارض بأوفر برايس لشدة الطلب عليها و هتتوافر فى المعارض الشهر ده علشان فيه دفعه على وصول
لاحظ برده ان الكروز هى كمان تقفيل كورى
تحياتى

[Ahmed Mekawy]

بغض النظر عن نوع العربية الأفضل و لكن الفلوانس الخليجى المتجمعه فى كوريا دى استيراد تجار، الفلوانس التركى موجوده فى التوكيل بنظام الحجز زى أى عربية و فيه منها قليل فى المعارض بأوفر برايس لشدة الطلب عليها و هتتوافر فى المعارض الشهر ده علشان فيه دفعه على وصول
لاحظ برده ان الكروز هى كمان تقفيل كورى
تحياتى

الحقيقة انا كنت بدور على الفلوانس و مش لاقى غير الخليجى و السعر كان 168000 اول فئة.
انا معاك ان الكروز كورى بس بضمان و متجربة .اناكنت فى حيرة بين الاتنين بس الوقت كان ضرورى بالنسبة لى.