محتار مبين فيرنا 2016 و لوجان 2016

[Ahmed.Elfiky2]

السلام عليكم
انا محتار اجيب فرنا مانويل 2016 او لوجان مانويل 2016
اهم شياء عندى
1- اعرف ابيع العربيه بسهوله (بياعه)
2-اعاده سعر البيع
3- مفهاش مشاكل كتيره
4- قطع الغيار
5-التوكيل محترم

انا سمعت انى لوجان مانويل فى مشاكل فى الدبرياج و طانابير ومشاكل اخرى

ارجو الأفاده

[Mostafa Nagieb]

حضرتك ذكرت خمس بنود للمقارنه كلهم لصالح الفيرنا للاسف

[mohamad]

انا محتار نفس حيرتك ومعاهم ميتسوبيشي اتراج
انا مستخصر ادفع في الفيرنا المبلغ ده

[m0105153611]

الخلاصه كده و ببساطه

عايز تركب عربيه والسلام بس تكون زيرو وبتجري كويس قوي ولما تحب تصلحها تبقى بتصرف كلام فاضي بالمقارنه لغيرها وبتبيعها بتمن قريب من اللي اشتريتها بيه يبقى الفيرنا (بس دي ركوبه اي كلام - الاكسنت 2000 برقبتها)

انما غير كده مهما اختلفت الانواع في نفس الفئه السعريه اكيد هاتركب عربيه محترمه بجد بس مصروفها اعلى من الفيرنا

[Ahmed.Elfiky2]

الخلاصه كده و ببساطه

عايز تركب عربيه والسلام بس تكون زيرو وبتجري كويس قوي ولما تحب تصلحها تبقى بتصرف كلام فاضي بالمقارنه لغيرها وبتبيعها بتمن قريب من اللي اشتريتها بيه يبقى الفيرنا (بس دي ركوبه اي كلام - الاكسنت 2000 برقبتها)

انما غير كده مهما اختلفت الانواع في نفس الفئه السعريه اكيد هاتركب عربيه محترمه بجد بس مصروفها اعلى من الفيرنا

شكرا على الرد

من كلامك ان لوجان صعبه فى بعها ومصارفها عليا وفيها مشاكل

[شادي الشيخ]

بص انا كان معايا فيرنا 2013 من الزيرو و قعدت معايا سنتين و حاليا معايا لوجان بالنسبه لاعادة البيع فاكيد الفيرنا تكسب ، توكيل محترم فمفيش في مصر اصلا الكلام ده ، قطع الغيار الفيرنا ارخص بس الفرق مش كبير
من الاخر الفيرنا تكسب في اعادة البيع و السحب و التكييف و قطع الغيار ، و اللوجان تكسب في وسع الصالون و مساحة الشنطه و علو العربيه و راحه القعده و الفرامل و الثبات ، يعني لو عايز عربيه شعبي للسوق يبقي فيرنا انما لو عايز عربيه ركوبه و ليك انت يبقي لوجان

[شادي الشيخ]

و لو عايز تسال في اي حاجه في العربيتين انا معاك

[graffittiii]

يبقى الفيرنا (بس دي ركوبه اي كلام - الاكسنت 2000 برقبتها)

هو انا مش عايز اخرج بره الموضوع بس مش فاهمك بصراحة!
برقبتها من حيث ايه؟!!
امان - كماليات - فرامل - راحت الركوب؟ الاتنين مافيهومش حاجة من دي
تسارع؟ الاكسنت مش هتشوف الفيرنا غير في الـ parking lot

[devil_storm]

هو انا مش عايز اخرج بره الموضوع بس مش فاهمك بصراحة!
برقبتها من حيث ايه؟!!
امان - كماليات - فرامل - راحت الركوب؟ الاتنين مافيهومش حاجة من دي
تسارع؟ الاكسنت مش هتشوف الفيرنا غير في الـ parking lot

متفق معاك و الفيرنا افضل من الاكسنت طبعا

[mohamad]

انا حاسس ان اللوجان صاجها ضعيف اوي و اكيد مش هتبقي اعتمادية وقليلة الاعطال زي الفيرنا

[ayman_kamal]

بص يا سيدي انا عندي لوجان الشكل القديم و ركبت و سفرت بالفيرنا كذا مرة ممكن اقولك عليهم الاتي:

- الشكل الخارجي طبعا الفيرنا شكل اتهرس في مصر يجي 10 سنين او اكتر و واطيه على الارض و ده ماينفعش في شوارعنا الحلوة اللوجان الجديدة شكل يعني مش بطال مش جامد قوي و لا وحش ومن اعلى العربيات السيدان اللي في مصر
- من جوه الصالون اللوجان اوسع بكتير 5 اشخاص بالغين زي الفل و اكبر و احسن و اجمل و الشنطة اكبر
- عوامل امان في اللوجان اكتر فرامل احسن ب (abs) وواحدة ايرباج (ماشي الحال احسن من مافيش)
- ماكينة الفيرنا اقوي و سحب طبعا كل الناس عارفه اللوجان طلعتها بطة زي غالبية الاوربي بس بعد 60 زي الفل
- على السرعات الفيرنا بعد 100 120 انا باتشاهد اللوجان ممكن بعد 140 اتشاهد برضو
- الاعتمادية انا مشتكتش من اللوجان في حاجة و مغيرتش فيها حاجة 3 سنين 60 الف كيلو من الزيرو اما الفيرنا مقدرش افيدك قوي في الجزئية دي لاني ركبت بس لكن مش بتاعتي
- التوكيل طبعا توكيل كيا و رينو (اللي هما نفس المالك) تقريبا احسن توكيل في مصر دلوقتي غبور اكيد سمعته مش محتاجة اي اضافة
- الصيانة و التصليح برة دلوقتي بعد انتشار اللوجان الكيبر فممكن نقول الاتنين زي بعض في سهولة انك تلاقي حد متخصص فيهم واعتقد المصنعيات متقاربة
- قطع الغيار اعتقد الفرق مش اللي يخض واللوجان بقى في قطع صيني و تركي و اسباني و فرنساوي و روماني و هندي و استعمال كمان زي ما انت عايز و متفاوت الاسعار مش غالية زي ما الناس فكرة برضو من الاول و الاخر الاوربي غير الكوري
- سعر اعادة البيع ممكن تفتح دوبيزل و تتفرج و انت تعرف تحكم بنفسك و ال 2 مطلوبين بس ممكن الفيرنا اكتر اكيد

[dr.amr]

انا معايا الاتنين
وباختصار اللوجان افضل من جميع النواحي ك ركوبة
لكن البيع للفيرنا
بصراحة انا بحب اللوجان اكتر بكتير

[MOUSTAFA_SAAD]

انا مستغرب ان لغاية دلوقتى لسه فيه ناس بتقارن بين اللوجان وبين عربيتين اللى هما الفيرنا واللانوس اللى عفا عليهم الزمن ومتوقف تصنيعهم فى العالم كله من اكتر من 10 سنين
لاراحه ولاثبات ولافرامل والاهم من ده كله لا وسائل امان
الحاجه الوحيده اللى يتفوقوا فيها رخص قطع الغيار لانهم موديلات قديمه ومتواجده من فتره
لكن سعر اعادة البيع اعتقد متقارب
وكمان اعتقد اللوجان اغلى فى السعر لانه مش معقوله يكونوا نفس السعر

ارشحلك اللوجان طبعا ولو عاوزه عربيه تبيعها بعد سنه اشترى فيرنا ولا لانوس مستعمل

[emadnasser]

الاختيارين اسواء من بعض واحد صاحبي معاه فيرنا كان مسافر بيها كان هيقلب من الهوا لان موتورها قوي وبيخليك غصب عنك تجري ولما رجع كان بيشاور عقله يبيعها لحد ماواحد شاورله كان فاكره تاكسي وقرر انه يبيعها

[Mohamed Awny91]

متسوبيشي اتراج 2016 ان شاء الله..