أفضل عربية زيرو في حدود من ١١٠ الف الي ١٢٥ الف

[ahmeddorra]

أنا ناوي اشتري عربية جديدة الشهر الجاي ان شاء الله في حدود ١١٠ الف و ممكن أوصلهم ل ١٢٥ الف بصعوبة لكن ممكن ، و محتار بين البروتون جين ٢ و اللوجان و السيتروين سي اليزيه و النيو البترا اول فئة ، يا ريت لو ممكن تساعدوني مع العلم ان العربية مش لازم تكون عائلية

[hanyyacot]

الجين 2 افضلهم , اللوجان ثباتها على الطريق وحش , السى اليزيه انتشارها قليل وقطع غيارها غالية , و النيو اوبترا كل حاجة فيها صينى . الجين 2 افضلهم ك اداء عربية واعتمادية عالية

[ahmeddorra]

الجين 2 افضلهم , اللوجان ثباتها على الطريق وحش , السى اليزيه انتشارها قليل وقطع غيارها غالية , و النيو اوبترا كل حاجة فيها صينى . الجين 2 افضلهم ك اداء عربية واعتمادية عالية

أنا متفق معاك جدا و شكرًا علي الرد ، لكن أنا اسمع عن عيوب التقفيل في الجين ٢ و مش عارف هل الموضوع ده اتحسن في الموديل بتاع السنة دي

[JOKER_KLEN]

افيو

[Sindibad]

أنا متفق معاك جدا و شكرًا علي الرد ، لكن أنا اسمع عن عيوب التقفيل في الجين ٢ و مش عارف هل الموضوع ده اتحسن في الموديل بتاع السنة دي

لو انت من النوع اللي بيبص لجودة التقفيل والأصوات اللي مالهاش لازمة والطقطقة والحاجات دي هتندم لو جبت الجين تو

[ahmeddorra]

لو انت من النوع اللي بيبص لجودة التقفيل والأصوات اللي مالهاش لازمة والطقطقة والحاجات دي هتندم لو جبت الجين تو

أنا بسأل هل مشاكل التقفيل دي مقدور عليها و لا صعب علاجها و هل في حاجات في قصة التقفيل دي الواحد ممكن يتفاداها و هو بيشتري ، لان أنا يهمني قبل التقفيل الصاج و الثبات و الموتور و دي طبعا حاجات لا خلاف عليها في الجين ٢ و خصوصا ان أنا للأسف كنت عامل حادثة جامدة قريب لكن الحمد لله

[ELDESEL2001]

الجين2 معايا داخلة فى 5 سنين عربية ما شاء الله ممتازة ومفيش لا طقطقة ولا عيوب تقفيل ..وهي افضلهم طبعا بالمقارنة بالسعر وطلع اللوجان والشيفروليه برة المقارنة خالص ..تانى حاجة الجين 2 سعرها كدة ﻷنها مدعمة لمصر وبتتباع فى اوروبا والخليج غالية مش رخيصة وماليزيا بقالها كام سنة ابتدت تشيل الدعم تدريجيا لان مصنع بروتون اتخصخص فبالتالى سعرها بيزيد وكمان مع ارتفاع سعر الدولار ..اللي اقصده من كلامى انها المفروض اغلى من كدة بكتير ووالله مش علشان معايا انا رديت عليك لانى كنت محتار زيك كدة ...اتوكل على الله وعمرك مهتندم بالعكس كل مادا هتحبها اكتر

[hanyyacot]

أنا متفق معاك جدا و شكرًا علي الرد ، لكن أنا اسمع عن عيوب التقفيل في الجين ٢ و مش عارف هل الموضوع ده اتحسن في الموديل بتاع السنة دي

العفو يا فندم , بالنسبة للتقفيل انا معايا موديل 2015 وكنت سامع برضه ان فى مشاكل , بس والله من ساعة ما جبتها ومافيش حاجة ظهرت ولا فى اصوات تزييق ولا حاجة , ممكن بس تلاقى زراير تعلية الصوت فى المالتى تعلق مرة او اتنين , غير كده مافيش اى حاجة , عايز اقولك ان فى عربيات اغلى من كده بكتير وفيها مشاكل التزييق وكان عندى واحدة منهم , من الاخر مش هتلاقى حاجة تدايقك , وفى المقابل هتلاقى ثبات على الطريق هايل , سحب ممتاز , صاج تقيل مش لو حد زقه بصباعه يطبق زى باقى العربيات , العربية عالية عن الارض ف مافيش مشاكل مع المطبات.
وفى الاخر روح وشوف كل عربية من دول واقعد جواها واحكم لان كل واحد اكيد ذوقه مختلف عن التانى . وربنا يوفقك للاصلح

[ahmeddorra]

الجين2 معايا داخلة فى 5 سنين عربية ما شاء الله ممتازة ومفيش لا طقطقة ولا عيوب تقفيل ..وهي افضلهم طبعا بالمقارنة بالسعر وطلع اللوجان والشيفروليه برة المقارنة خالص ..تانى حاجة الجين 2 سعرها كدة ﻷنها مدعمة لمصر وبتتباع فى اوروبا والخليج غالية مش رخيصة وماليزيا بقالها كام سنة ابتدت تشيل الدعم تدريجيا لان مصنع بروتون اتخصخص فبالتالى سعرها بيزيد وكمان مع ارتفاع سعر الدولار ..اللي اقصده من كلامى انها المفروض اغلى من كدة بكتير ووالله مش علشان معايا انا رديت عليك لانى كنت محتار زيك كدة ...اتوكل على الله وعمرك مهتندم بالعكس كل مادا هتحبها اكتر

شكرًا علي الرد ، فعلا أنا ميال جدا للجين ٢ ، بس عايز اعرف لو في حاجات معينة فيها اخد بالي منها عند الاستلام ، و شكرًا مرة تانية

[ELDESEL2001]

شكرًا علي الرد ، فعلا أنا ميال جدا للجين ٢ ، بس عايز اعرف لو في حاجات معينة فيها اخد بالي منها عند الاستلام ، و شكرًا مرة تانية

لو هتستلم من الوكيل متقلقش ..وسوري انى قولت شيفروليه وانت كاتب نيسان بس مش فارقة لان الاتنين صينى

[A.Roushdy]

شوف الصنى الجديدة

[ahmeddorra]

العفو يا فندم , بالنسبة للتقفيل انا معايا موديل 2015 وكنت سامع برضه ان فى مشاكل , بس والله من ساعة ما جبتها ومافيش حاجة ظهرت ولا فى اصوات تزييق ولا حاجة , ممكن بس تلاقى زراير تعلية الصوت فى المالتى تعلق مرة او اتنين , غير كده مافيش اى حاجة , عايز اقولك ان فى عربيات اغلى من كده بكتير وفيها مشاكل التزييق وكان عندى واحدة منهم , من الاخر مش هتلاقى حاجة تدايقك , وفى المقابل هتلاقى ثبات على الطريق هايل , سحب ممتاز , صاج تقيل مش لو حد زقه بصباعه يطبق زى باقى العربيات , العربية عالية عن الارض ف مافيش مشاكل مع المطبات.
وفى الاخر روح وشوف كل عربية من دول واقعد جواها واحكم لان كل واحد اكيد ذوقه مختلف عن التانى . وربنا يوفقك للاصلح

شكرًا جزيلا ، انت فعلا كلامك ده فادني جدا و طمني الي حد كبير ، ربنا يعمل اللي فيه الخير ان شاء الله

[ahmeddorra]

شوف الصنى الجديدة

شكرًا علي الرد ، لكن بصراحة الصني الجديدة كانت مع واحد صاحبي و كنت بشوف انها مش ثابتة و للأسف ده كان سبب انه قلب بيها ، هي واسعة و عائلية لكن صاجها و ثباتها قليل، أنا بصراحة بشوفها عربية حلوة جوة المدينة لكن علي الطرق السريعة خطر

[مايكل صفوت]

أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لسه لغاية الآن ما جاءت من 15 يوم

[مايكل صفوت]

مشاكل التوكيل و عصام صفا

أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لحد الآن مجبهاش الكلام ده من 15 يوم