ممكن مساعدة لله

[pousi]

السلام عليكم
انا بقالى سنتين محتارة فى نوع العربية خصوصا وانى بحوشلها من حوالى 7 سنين وبصراحة انا عاوزة عربية فخمة و معروف انها غالية وبعد ما استقريت على سكودا الفئة التانية لقيتها زادت السنة دى 40 الف وطبعا انا مش معايا 260 الف و فكرت فى سوبارو لقيت ان قطع غيارها غالية زى سكودا وغير كده غير متوفرة واخر حاجة فكرت فيها الكورولا اللى المفروض سعرها الرسمى 195 بس للاسف كل المعارض بتبيعها ب 215
هل فى احتمالية ان اتفاقية العربيات الاوروبية تتطبق او هل ممكن الاقى معرض مضمون اشتري منه كورولا بسعر معقول واتصرف ازاى قبل مالعربيات تزيد تانى انا عاوزة حاجة فى حدود 220

[hanyyacot]

قولى مواصفات العربية اللى انتى عايزاها الاول , يعنى عايزة عربية عالية suv ولا سيدان , او هاتش باك , استخدام اسرة ولا ليكى انتى بس , ادينا شوية مواصفات الاول

[pousi]

اولا شكرا للرد حضرتك الوحيد اللى عبرتنى ثانيا العربية لاستخدامى لوحدى وبحب العربيات ال suv و السيدان كمان نفسي فى عربية فخمة ومتنزلش اوى فى اعادة البيع

[Fawzy.Abdelnour]

اتفرجي علي المازدا 3.
هتعجبك.
بس هاي لاين 236.000

[hugan]

اسعار تنزل في مصر
حلم مش هايتحقق
الكوري متصدر المشهد في مصر
سيراتو
ممكن سنترا
او النترا

[hanyyacot]

اولا شكرا للرد حضرتك الوحيد اللى عبرتنى ثانيا العربية لاستخدامى لوحدى وبحب العربيات ال suv و السيدان كمان نفسي فى عربية فخمة ومتنزلش اوى فى اعادة البيع

العفو يا فندم وكلنا هنا بنساعد بعض . لو مكانك هاشوف الجيب رينيجيد الجديدة . هى اول فئة فيها ب 240 تقريبا . هى لسه نازلة جديد بس اكيد هاتكون فى المستوى المتميز للجيب . السوبارو الاكس فى برضه كويسة اوى و لو على غلو قطع الغيار لازم تبقى عارفة ان اى عربية فى رينج السعر ده هاتكون غالية . فى السيدان ممكن تشوفى رينو فلوانس الهاى لاين . عربية شيك و فخمة و مريحة اوى . كمان فى سيات ليون و ان كان اعادة البيع هاتكون وحشة . لو يهمك اعادة البيع يبقى شوفى الكيا سبورتاج. و اى استفسار اتفضلى اسألى

[pousi]

السوبارو اخبارها ايه فى اعادة البيع والكورولا اجيبها منين بسعر معقول انا عمرى ما شفت 20 الف اوفر برايس

[hanyyacot]

السوبارو اخبارها ايه فى اعادة البيع والكورولا اجيبها منين بسعر معقول انا عمرى ما شفت 20 الف اوفر برايس

السوبارو كانت مش كويسة فى اعادة البيع , لكن انتشارها دلوقتى بيزيد اوى و الطلب عليها كتير وده اللى هايعلى سعر اعادة البيع , بالنسبة للوفر برايس انا شايف ان حرام ادفع جنيه واحد اوفر برايس , احنا اصلا بنشترى العربيات غالية جدا من غير حاجة مقارنة بالبلاد اللى حوالينا , كمان ارمى فلوس على الارض ولما اجى ابيع العربية طبعا اللى بيشترى هاينزل من السعر الرسمى للعربية . انا شايف ان اى عربية عليها اوفر برايس تغور و خليهم يشربوها.

[scientist9508]

بسم الله الرحمن الرحيم

أختنا الفاضله

1 - أرى من وجهة نظرى أن أفضل إختيار لك هو الاسوبارو XV

2 - سياره قويه جدآ (محرك+صاج)

3 - إعتماديه جدآ و لا تخذل صاحبها أبدآ مادام صاحبها لا يبخل عليها بما تحتاجه

4 - فخامه و أناقه و جمال داخلى و خارجى

أما عن فكرة أن قطع غيارها باهظة الثمن فهذه فكره خاطئه تمامآ و إليك عناصر الإثبات

1 - ثمن قطعة الغيار لا يقاس بالنقود فقط (هذا هو علم المبتدئين) . . و لكن ثمن قطعة الغيار يقاس بالنقود فى مقابل الآداء و عمر القطعه (وعلى هذا المقياس فإن قطع غيار السوبارو ليست باهظة الثمن). . و أنا شخصيآ جربت تركيب قطع غيار رخيصه و لكن آداؤها كان ردىء و عمرها قصير.

2 - أحد الإخوه الأفاضل (حفظه الله) قد حسب بالفعل مجموع تكلفة صيانة السوبارو خلال عام . . و كانت المفاجأه أن التكلفه خلال عام كانت أقل من تكلفة الإلانترا و السيراتو و كل السيارات الكوريه المنافسه لها فى نفس الفئه

3 - بإختصار غير منصف . . إذا كان ثمن بوجيهات السوبارو مثلآ 10 جنيهات و ثمن بوجيهات أى سياره أخرى 7 جنيهات فإن إذا غيرت السوبارو البوجيهات مره واحده تكون السياره الأخرى قد غيرت البوجيهات مرتين فتكون السوبارو قد أنفقت 10 جنيهات و السياره الأخرى أنفقت 14 جنيه . . أتمنى أن أكون وفقت لتبسيط المعنى.

4 - هناك فرق بين مصاريف الصيانه و مصاريف الإصلاح . . مصاريف الصيانه هى نفقات الصيانه الدوريه أم مصاريف الإصلاح فهى نفقات إصلاح السياره فى حالة الحوادث لا قدر الله . . و هنا أخبرك بكل أمانه أن أى سياره بسهر السوبارو ستكون مصاريف إصلاحها باهظة الثمن جدآ و لا أستثنى السوبارو من ذلك . . . ولكن هذه المشكله يلعب الوكيل فيها دور البطوله.

أتمنى أن أكون قد وفقت لتوضيح الأمر

ها هى صور للسوبارو تم أخذها من أحد فروع أبو غالى







هداك الله لأرشد أمرك و أقومه

السلام عليكم و رحمة الله و بركاته

[pousi]

جزاكم الله خيرا جميعا طيب بالنسبة لاعادة البيع انا خايفة جدا من السوبارو يعنى هخسر فيها نص تمنها مثلا او مش هعرف ابيعها اصلا

[bmwosama]

هايونداي كريتا افض اختيار بالنسبة لاحتياجاتك
بتبدأ من 195 مرورا ب 225 لحد 240
طالما هايوننداي يبقى سعر اعاده البيع هايكون ممتاز بالاضافه لتوافر قطع الغيار واسعارها المناسبة
والهايونداي معروف عنه اعتماديته